ବିଜେପି ସମର୍ଥକଙ୍କୁ ତୃଣମୂଳ କଂଗ୍ରେସ ବିଧାୟକଙ୍କ ଧମକ, ଯଦି ଭୋଟ ଦେବାକୁ ଯିବ ତେବେ …..
କନକ ବ୍ୟୁରୋ : ରାଜନୀତିରେ ହିଂସାର ସ୍ଥାନ ନାହିଁ, ଏହା ବୋଧହୁଏ ସବୁ ନିର୍ବାଚନ ପୂର୍ବରୁ ଓ କିଛି ବିଶେଷ ଘଟଣା କ୍ରମରେ ନେତାମାନେ କହିଥାନ୍ତି । ହେଲେ ଏବେର ରାଜନୀତି ଯେ ହିଂସା ପାହାଡ ଉପରେ ଠିଆ ହୋଇଛି ତାହା ସାଧାରଣ ଜନତାଙ୍କୁ ଆଉ ଅଛପା ନାହିଁ । ବିଶେଷ କରି ଏବେ ପଶ୍ଚିମବଙ୍ଗ ରାଜନୀତିରେ ସବୁଠାରୁ ଅଧିକ ହିଂସା ଦେଖିବାକୁ ମିଳୁଛି । ଏହି କ୍ରମରେ ଏବେ ମମତା ବାନାର୍ଜୀଙ୍କ ଦଳର ଜଣେ ବିଧାୟକ ସଭା ମଞ୍ଚରୁ ଯେଭଳି ବିଜେପି ସମର୍ଥକଙ୍କୁ ଧମକ ଦେଇଛନ୍ତି ତାହା ଗଣତନ୍ତ୍ର ପାଇଁ ଅତ୍ୟନ୍ତ ବିପଦ ବୋଲି ମନେ ହେଉଛି । ଟିଏମସି ବିଧାୟକ ନରେନ୍ଦ୍ର ନାଥ ଚକ୍ରବର୍ତ୍ତୀ ବିଜେପି ସମର୍ଥକଙ୍କୁ ଧମକ ଦେଇ କହିଛନ୍ତି କି, ଭୋଟ ଦେବାକୁ ଘରୁ ବାହାରିଲେ ଯାହା ଅସୁବିଧା ହେବ ସେଥିପାଇଁ କେହି ଦାୟୀ ରହିବେ ନାହିଁ ।
Kanak News is now on WhatsApp
Join and get latest news updates delivered to you via WhatsApp
କେବଳ ସେତିକି ନୁହେଁ ଟିଏମସି ବିଧାୟକ ନରେନ୍ଦ୍ରନାଥ ଚକ୍ରବର୍ତ୍ତୀ ପାଣ୍ଡବେଶ୍ୱର ଠାରେ ଏକ ଦଳୀୟ ସଭାରେ ଦଳର ସମର୍ଥକମାନଙ୍କୁ ବିଜେପି କର୍ମୀଙ୍କୁ ଧମକ ଦେବାକୁ ବି ପରାମର୍ଶ ଦେଇଛନ୍ତି । ନରେନ୍ଦ୍ର ଦଳୀୟ କର୍ମୀମାନଙ୍କୁ କହିଛନ୍ତି କି ବିଜେପି ସମର୍ଥକମାନଙ୍କୁ ଭୋଟ ଦିନ ଯେଭଳି ଘରୁ ନବାହାରନ୍ତି ସେ ନେଇ ଧମକ ଦିଅ । ଏହାସହ ଯଦି ଜଣାପଡେ କି ସେମାନେ ବିଜେପିକୁ ଭୋଟ ଦେଇଛନ୍ତି ତେବେ ଭୋଟ ଗଣତି ପରେ ପରିଣତି ଭୋଗିବାକୁ ପ୍ରସ୍ତୁତ ରୁହନ୍ତୁ ବୋଲି ଧମକ ଦେବାକୁ ସେ ଟିଏମସି କର୍ମୀମାନଙ୍କୁ ଉପଦେଶ ଦେଇଛନ୍ତି ।
ସପେଟ ଟିଏମସି ବିଧାୟକଙ୍କ ଏଭଳି ଧମକକୁ କଙ୍ଗାଭାଷାରେ ନିନ୍ଦା କରିଛନ୍ତି ବିଜେପି ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ର । ସେ କହିଛନ୍ତି କି ଏହା ବିଧାୟକଙ୍କ ଭାଷା ନୁହେଁ ବରଂ ପୁରା ଟିଏମସିର ଭାଷା । ଏହି ଭିଡିଓ ଦେଖିବା ପରେ ନିର୍ବାଚନ କମିଶନ ତୁରନ୍ତ ପଦକ୍ଷେପ ନେବା ଉଚିତ ।