କନକ ବ୍ୟୁରୋ: ଘର ଦାଣ୍ଡ ଦେଇ ରଥ ଯିବ ବୋଲି ନିଜ ପତ୍ନୀଙ୍କ ଅନ୍ତିମ ସଂସ୍କାର ଅଟକାଇଦେଲେ ମୁସଲମାନ ବ୍ୟକ୍ତି । ଭକ୍ତି ଓ ଭାଇଚାରାର ଏଭଳି ଏକ ଅପୂର୍ବ ଘଟଣା ଦେଖିବାକୁ ମିଳିଛି ଗୁଜୁରାଟର ଅହମ୍ମଦାବାଦରେ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସେଠାରେ ୧୪୫ ବର୍ଷ ଧରି ଚାଲି ଆସୁଥିବା ମହାପ୍ରଭୁଙ୍କ ରଥଯାତ୍ରା ପାଇଁ ପୁଲିସ ମାସ ମାସ ଧରି କଠିନ ପରିଶ୍ରମ କରିଥାନ୍ତି । ସହରରେ ୧୪୬ତମ ରଥଯାତ୍ରା ଅତ୍ୟନ୍ତ ଶାନ୍ତିପୂର୍ଣ୍ଣ ଏବଂ ଉତ୍ସାହର ସହ ସଂପୂର୍ଣ୍ଣ ହୋଇଥିବା ବେଳେ ସବୁ ଧର୍ମର ଲୋକଙ୍କ ସହଯୋଗ ରହିଥିଲା । କିନ୍ତୁ ଅହମ୍ମଦାବାଦର ଶାହାପୁର ଅଞ୍ଚଳରେ ରହୁଥିବା ସଲିମ ଶେଖ ନାମକ ଜଣେ ବ୍ୟକ୍ତି ରଥଯାତ୍ରା ସମୟରେ ଏଭଳି କିଛି କରିଛନ୍ତି ଯାହାକୁ ନେଇ ଚର୍ଚ୍ଚା ଜୋର ଧରିଛି । ଆଉ ଏବେ ଅହମ୍ମଦାବାଦ ପୁଲିସ ସଲିମ ଶେଖଙ୍କୁ ତାଙ୍କ ସହଯୋଗ ପାଇଁ ସମ୍ମାନିତ କରିଛି ।
ତଥ୍ୟ ମୁତାବକ, ଅହମ୍ମଦାବାଦର ଶାହପୁର ଅଞ୍ଚଳରେ ରହୁଥିବା ସଲିମ ଶେଖଙ୍କ ପତ୍ନୀଙ୍କର ରଥଯାତ୍ରା ଦିନ ମୃତ୍ୟୁ ହୋଇଥିଲା । ତେବେ ରଥଯାତ୍ରା ତାଙ୍କ ଘର ପାଖରୁ ଆରମ୍ଭ ହେବାକୁ ଯାଉଥିଲା । ପତ୍ନୀଙ୍କ ମୃତ୍ୟୁ ପରେ ସଲିମ ଶେଖ ପୁଲିସ ପାଖରେ ପହଞ୍ଚିି ପତ୍ନୀଙ୍କ ମୃତ୍ୟୁ କଥା କହିଥିଲେ । ସେ କହିଥିଲେ ଯେ ପତ୍ନୀଙ୍କ ମୃତଦେହକୁ କବର ଦେବାକୁ ନେବାକୁ ପଡ଼ିବ । ପୁଲିସ ସଲିମ ଶେଖଙ୍କୁ ପଚାରିଥିଲେ ତୁମେ ତାଙ୍କୁ କେତେବେଳେ କବର ଦେବାକୁ ନେବ । ସଲିମ ଶେଖ ପୁଲିସକୁ କହିଥିଲେ ଯେ ଆଜି ହେଉଛି ମହାପ୍ରଭୁଙ୍କ ରଥଯାତ୍ରାର ମହାପର୍ବ । ଏପରି ପରିସ୍ଥିତିରେ ତାଙ୍କ ଘର ସାମ୍ନା ଦେଇ ରଥ ଯିବ । ତେଣୁ ରଥ ଯିବା ପରେ ହିଁ ତାଙ୍କ ପତ୍ନୀକୁ କବର ଦେବା ପାଇଁ ଶ୍ମଶାନକୁ ନେବେ । ଅହମ୍ମଦାବାଦର ଜମାଲପୁର ମନ୍ଦିରରୁ ପ୍ରଭୁ ଜଗନ୍ନାଥଙ୍କ ରଥଯାତ୍ରା ତାଙ୍କ ଘର ଦେଇ ଯିବା ପର୍ଯ୍ୟନ୍ତ ଏବଂ ଭକ୍ତ ରଥକୁ ଟାଣି ଟାଣି ନେବା ପର୍ଯ୍ୟନ୍ତ ସେ ତାଙ୍କ ପତ୍ନୀଙ୍କ ମୃତଦେହକୁ ତାଙ୍କ ଘରେ ରଖିଥିଲେ । ପାଖାପାଖି ୫ ଘଣ୍ଟା ସମୟରେ ମୃତଦେହ ତାଙ୍କ ଘରେ ଥିଲା । ଏହା ପରେ ସେ ତାଙ୍କ ପତ୍ନୀଙ୍କୁ କବର ଦେବା ପାଇଁ ପରିବାର ଏବଂ ଘନିଷ୍ଠ ଲୋକଙ୍କ ସହିତ କବରିସ୍ତାନକୁ ଯାଇଥିଲେ । ଅହମ୍ମଦାବାଦ ପୁଲିସ ସଲିମ ଶେଖଙ୍କୁ ସମ୍ମାନୀତ କରିଛି । ଯିଏକି ରଥଯାତ୍ରା ସମୟରେ ଭାଇଚାରରା ଉଦାହରଣ ସୃଷ୍ଟି କରିଛି ।