ତୀସ୍ତା ସୀତଲବାଡଙ୍କୁ ସୁପ୍ରିମକୋର୍ଟରୁ ବଡ ଆଶ୍ୱସ୍ତି । ତୀସ୍ତାଙ୍କୁ ନିୟମିତ ଜାମିନ୍ ପ୍ରଦାନ କଲେ ଦେଶର ଶୀର୍ଷ ଅଦାଲତ ।
କନକ ବ୍ୟୁରୋ: ତୀସ୍ତା ସୀତଲବାଡଙ୍କୁ ସୁପ୍ରିମକୋର୍ଟରୁ ବଡ ଆଶ୍ୱସ୍ତି । ବୁଧବାର ଦେଶର ଶୀର୍ଷ ଅଦାଲତା ଗୁଜରାଟ ଦଙ୍ଗା ମାମଲାରେ ତୀସ୍ତାଙ୍କୁ ଜାମିନ୍ ପ୍ରଦାନ କରିଛନ୍ତି । ତେବେ ତୀସ୍ତା ସୀତଲବାଡ ହେଉଛନ୍ତି ସେହି ବ୍ୟକ୍ତି, ଯାହାଙ୍କ ଉପରେ ଗୁଜରାଟ ଦଙ୍ଗା ମାମଲାରେ ମିଛ ଆଫିଡେଭିଟ୍ ଦାଖଲ କରି ଅଦାଲତଙ୍କ ଉପରେ ପ୍ରଭାବ ପକାଇବାର ଅଭିଯୋଗ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଏହାପୂର୍ବରୁ ଗତ ଜୁଲାଇ ୧ ତାରିଖରେ ହାଇକୋର୍ଟ ତୀସ୍ତାଙ୍କ ଜାମିନକୁ ରଦ୍ଦ କରିବା ସହିତ ସରେଣ୍ଡର କରିବାକୁ ନିର୍ଦ୍ଦେଶ ଦେଇଥିଲେ । ସୁପ୍ରିମକୋର୍ଟ ସେହିଦିନ ହିଁ ଏହା ଉପରେ ରୋକ୍ ଲଗାଇଥିଲେ । ତେବେ ବୁଧବାର ସୁପ୍ରିମକୋର୍ଟ ତାଙ୍କୁ ଜାମିନ୍ ପ୍ରଦାନ କରିଛନ୍ତି ।
Supreme Court grants regular bail to activist Teesta Setalvad in a case of alleged fabrication of evidence in relation to the 2002 Gujarat riots. pic.twitter.com/F5tOXcvae8
— ANI (@ANI) July 19, 2023
୨୦୨୨ ମସିହା ଜୁନ୍ ୨୫ ତାରିଖରେ ତୀସ୍ତାଙ୍କୁ ଗିରଫ କରାଯାଇଥିଲା । ତେବେ ୨୦୨୨ ମସିହା ସେପ୍ଟେମ୍ବର ୨ ତାରିଖରେ ତାଙ୍କୁ ସୁପ୍ରିମକୋର୍ଟ ଅନ୍ତରୀଣ ଜାମିନ୍ ପ୍ରଦାନ କରିଥିଲେ । ଏହାପରେ ସୁପ୍ରିମକୋର୍ଟ ତୀସ୍ତାଙ୍କୁ ନିୟମିତ ଜାମିନ୍ ପାଇଁ ତଳ ଅଦାଲତ କିମ୍ବା ଗୁଜରାଟ ହାଇକୋର୍ଟ ଯିବାକୁ ନିର୍ଦ୍ଦେଶ ଦେଇଥିଲେ । ତେବେ ଗୁଜରାଟ ହାଇକୋର୍ଟ ପୋଲିସର ସମସ୍ତ ପ୍ରମାଣ ଦେଖିବା ପରେ ତୀସ୍ତାଙ୍କୁ ନିୟମିତ ଜାମିନ୍ ପ୍ରଦାନ କରିବାକୁ ମନା କରିଦେଇଥିଲେ । ହେଲେ ଏହାପରେ ଦେଶର ସୁପ୍ରିମକୋର୍ଟ ଏବେ ତୀସ୍ତାଙ୍କୁ ଜାମିନ୍ ପ୍ରଦାନ କରିଛନ୍ତି ।