ଗମ୍ଭୀର ଓ କୋହଲିଙ୍କ ବିବାଦକୁ ନେଇ ସୁନୀଲ ଗାଭାସ୍କରଙ୍କ ବଡ ବୟାନ : ବିଶୃଙ୍କଳିତ ଆଚରଣ ପାଇଁ ମାଚ୍ ଫି କାଟିବା ପରିବର୍ତ୍ତେ ବାସନ୍ଦ କରାଯାଉ
କନକ ବ୍ୟୁରୋ : ଗୌତମ ଗମ୍ଭୀର ଓ ବିରାଟ କୋହଲିଙ୍କ ମଧ୍ୟରେ ବିବାଦକୁ ନେଇ ବଡ ବୟାନ ଦେଇଛନ୍ତି ପୂର୍ବତନ କ୍ରିକେଟର ସୁନିଲ ଗାଭାସ୍କର । ଏଭଳି ବିଶୃଙ୍ଖଳିତ ଆଚରଣ ପାଇଁ କେବଳ ମ୍ୟାଚ୍ ଫି ନକାଟି କଡା କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି ଗାଭାସ୍କର । ମୋଟା ଅଙ୍କର ଜୋରିମାନା ପରିବର୍ତେ ମ୍ୟାଚରୁ ବହିଷ୍କୃତ କରିବା ଭଳି କାର୍ଯ୍ୟାନୁଷ୍ଠାନର ଆବଶ୍ୟକତା ରହିଛି କହିଛନ୍ତି ଏହି ପୂର୍ବତନ କ୍ରିକେଟର ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ରୟାଲ ଚ୍ୟାଲେଞ୍ଜର ବେଙ୍ଗାଲୁରୁ ଏବଂ ଲକ୍ଷ୍ନୌ ସୁପର ଜାଏଂଟସ୍ ମ୍ୟାଚରେ ବିରାଟ କୋହଲିଙ୍କ ସହ ଲକ୍ଷ୍ନୌର ମେଂଟର ଗୌତମ ଗମ୍ଭୀରଙ୍କ ଯୁକ୍ତିତର୍କ ହୋଇଥିଲା । ଯାହାକୁ ନେଇ ଉଭୟଙ୍କୁ ଚାରିଆଡୁ ସମାଲୋଚିତ ହେବାକୁ ପଡିଛି । ବିବାଦ ଯୋଗୁ କୋହଲି ଏବଂ ଗମ୍ଭୀରଙ୍କ ଶତ ପ୍ରତିଶତ ମ୍ୟାଚ ଫି କଟାଯାଇଥିଲା । ଗାଭାସ୍କର, ୧୦ ବର୍ଷ ତଳେ ପୂର୍ବତନ କ୍ରିକେଟର ଶ୍ରୀଶାନ୍ଥଙ୍କୁ ହରଭଜନ ସିଂ ଚାପୁଡା ମାରିବା ଘଟଣା ସହ ଏହାକୁ ତୁଳନା କରିଛନ୍ତି ।
ପୁଣି ଥରେ ଯେପରି ଏଭଳି ବିବାଦ ସୃଷ୍ଟି ନହୁଏ ସେଥିପାଇଁ କଡା କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି । ଟିଭିରେ ସମସ୍ତେ ଆପଣଙ୍କୁ ଦେଖୁଛନ୍ତି, ଏହାର ପ୍ରଭାବ କେବଳ ନିଜ ଟିମ ନୁହେଁ ସମସ୍ତଙ୍କ ଉପରେ ପଡୁଛି । ତେଣୁ ଯେପରି ଏଭଳି ଘଟଣାର ପୁନରାବୃତି ନହୁଏ, ସେଥିପାଇଁ କିଛି ମ୍ୟାଚରୁ ବାସନ୍ଦ କରିବାକୁ ଦାବି କରିଛନ୍ତି ଗାଭାସ୍କର ।