ନୂଆ ଦିଲ୍ଲୀ ରେଳ ଷ୍ଟେସନରେ ବିଦ୍ୟୁତ୍ ତାର ଲାଗି ମହିଳା ମୃତ । ପଞ୍ଚକୁଲାରେ ନଦୀରେ ଭାସିଗଲା କାର, ମୁମ୍ବାଇରେ ଭାଙ୍ଗିଲା କୋଠା
କନକ ବ୍ୟୁରୋ : ଦେଶରେ ମୌସୁମୀ ଆସୁ ଆସୁ ବିଭିନ୍ନ ରାଜ୍ୟରେ ବର୍ଷା ବିପତ୍ତି ଦେଖିବାକୁ ମିଳିଛି । ଦିଲ୍ଲୀ ଓ ମୁମ୍ବାଇରେ ଜାରି ରହିଛି ସ୍ୱଳ୍ପ ବର୍ଷା । ଏହାରି ମଧ୍ୟରେ କିଛି ଚିତ୍ର ଏବେ ସମସ୍ତଙ୍କୁ ଚକିତ କରିଛି । ବର୍ଷା କାରଣରୁ ମୁ୍ମ୍ବାଇର ଏକ କୋଠା ଭାଙ୍ଗିପଡିଛି । ଫଳରେ କୋଠା ଭିତରେ ୨ଜଣ ଲୋକ ଫଶି ରହିଥିବା ଅନୁମାନ କରାଯାଉଛି । ସେହିଭଳି ହରିଆଣାର ପଞ୍ଚକୁଲାରେ ବର୍ଷା କାରଣରୁ ଏକ କାର ନଦୀରେ ଭାଶି ଯାଇଛି । ସେପଟେ ଦିଲ୍ଲୀ ରେଳ ଷ୍ଟେସନରେ ପାଣିରେ ବୁଡି ରହିଥିବା ବିଜୁଳି ତାର ସଂସ୍ପର୍ଶରେ ଆସି ଜଣେ ମହିଳାଙ୍କର ମୃତ୍ୟୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ହରିଆଣା ପଞ୍ଚକୁଲାରେ ଖଡକ ମଙ୍ଗୋଲୀ ନିକଟରେ ପୂଜା କରିବାକୁ ଆସିଥିବା ଜଣେ ମହିଳାଙ୍କ କାରଟି ନଦୀରେ ଭାସି ଯାଇଛି । ମହିଳା ଜଣଙ୍କ କାରଟିକୁ ନଦୀକୂଳରେ ରଖି ପୂଜା କରିବାକୁ ଯାଇଥିବା ବେଳେ ପ୍ରବଳ ବର୍ଷା କାରଣରୁ କାରଟି ନଦୀରେ ଭାସି ଯାଇଛି ।
ସେହିଭଳି ବର୍ଷା କାରଣରୁ ମୁମ୍ବାଇର ଏକ କୋଠା ଭାଙ୍ଗିପଡିଛି । ମୁମ୍ବାଇର ଘାଟକୋପର ସ୍ଥିତ ତ୍ରିମୂର୍ତ୍ତି କୋଠାର କିଛି ଅଂଶ ଭାଙ୍ଗିପଡିଛି । ଭଙ୍ଗାକୋଠା ଭିତରେ ୨ଜଣ ଲୋକ ଫଶି ରହିିଥିବା କଥା କୁହାଯାଉଛି । ଉଦ୍ଧାରକାରୀ ଦଳ ଘଟଣା ସ୍ଥଳରେ ପହଂଚି ସେମାନଙ୍କୁ ଉଦ୍ଧାର କରିବାକୁ ଚେଷ୍ଟା କରୁଛନ୍ତି ।
ଅନ୍ୟପଟେ ଦିଲ୍ଲୀର ଜଣେ ମହିଳା ଦିଲ୍ଲୀ ରେଳ ଷ୍ଟେସନରେ ବିଦ୍ୟୁତ ତାର ସଂସ୍ପର୍ଶରେ ଆସି ମୃତ୍ୟୁ ବରଣ କରିଛନ୍ତି । ସାକ୍ଷୀ ଆହୁଜା ନାମକ ମହିଳା ସ୍ୱାମୀଙ୍କ ସହ ଟ୍ରେନରେ କେଉଁଆଡେ ଯିବାକୁ ଆସିଥିଲେ । ହେଲେ ପାଣିରେ ବୁଡି ରହିଥିବା ବିଦ୍ୟୁତ ତାର ସଂସ୍ପର୍ଶରେ ଆସିବା ଫଳରେ ତାଙ୍କର ମୃତ୍ୟୁ ହୋଇଛି ।