ସମୁଦ୍ର ବେଳାଭୂମିରେ ଶାମୁକା ମାଫିଆ । ବାଲିଆପାଳ ବ୍ଲକର ସମୁଦ୍ର ଉପକୂଳରୁ ବାହାରକୁ ଚାଲାଣ କରୁଛନ୍ତି ଟନ୍ ଟନ୍ ଶାମୁକା ।
କନକ ବ୍ୟୁରୋ: କଇଁଛଙ୍କ ପାଇଁ ବିପଦ ଶାମୁକା । ଆଉ ଏହି ଶାମୁକା ଉପରେ ବଙ୍ଗ ମାଫିଆଙ୍କ ନଜର । ପ୍ରତିଦିନ ଚାଲାଣ ହେଉଛି ଟନ୍ ଟନ୍ ଶାମୁକା । ସବୁ ନିୟମକୁ ଫୁ’କରି ଉଡାଇ ଦେଉଛନ୍ତି ମାଫିଆ । ଯାହାଫଳରେ ଅଲିଭ ରିଡଲେ କଇଁଛ ପ୍ରତି ପାଲଟିଛି ବିପଦ । ବେଆଇନ୍ ଶାମୁକା ବ୍ୟବସାୟର ପେଣ୍ଠସ୍ଥଳୀ ପାଲଟିଛି ବାଲିଆପାଳ ବ୍ଲକର ସମୁଦ୍ର ଉପକୂଳ । ପ୍ରତିଦିନ ଶାମୁକା ସଂଗ୍ରହ କରି ମାଫିଆ ବାହାରକୁ ଟନ୍ ଟନ୍ ଶାମୁକା ପଶ୍ଚିମବଙ୍ଗ ଚାଲାଣ କରୁଛି । ବନ୍ୟପ୍ରାଣୀ ଆଇନକୁ ବେଖାତିର କରି ଦିନ ଦିନ ଧରି ଏହି ବେଆଇନ୍ ଶାମୁକା ଚାଲାଣ କରାଯାଉଛି । ଶାମୁକା ଧରିବା ଓ ବିକ୍ରିି କରିବା ବେଆଇନ୍ ହୋଇଥିବା ବେଳେ ତାକୁ ମାନୁନାହାନ୍ତି ମାଫିଆ । ଯାହାଫଳରେ ଶହ ଶହ କଇଁଛ ମରିପଡୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଖାଲି ସେତିକି ନୁହେଁ ଏବେ ଅଲିଭ ରିଡଲେଙ୍କ ଅଣ୍ଡାଦାନ ସମୟ ହୋଇଥିବା ବେଳେ କୂଳକୁ ଆସୁନାହାନ୍ତି କଇଁଛ ମାନେ । ଦିନ ଦ୍ୱି-ପହରରେ ସମୁଦ୍ର ବେଳାଭୂମିରୁ ଶାମୁକା ସଂଗ୍ରହ କରାଯାଇ ପାହାଡ ଭଳି ଗଦା କରାଯାଉଛି । ଅସାଧୁ ବ୍ୟବସାୟୀଙ୍କ ବେଆଇନ୍ ଶାମୁକା ବିକ୍ରି ନେଇ କିନ୍ତୁ ବିଭାଗୀୟ ଅଧିକାରୀଙ୍କ ନଜର ନାହିଁ । ଏହି ବ୍ୟବସାୟୀ ଶାମୁକା ବିକି ମାଲାମାଲ ହେଉଛନ୍ତି । ସଂଗୃହୀତ ଶାମୁକା ବସ୍ତା ପ୍ରତି ୪୦ରୁ ୧୦୦ଟଙ୍କାରେ କିଣାଯାଉଥିିବା ବେଳେ ଦଲାଲ ବାହାରେ ୪ରୁ ୫ ହଜାର ପର୍ଯ୍ୟନ୍ତ ବିକ୍ରିକରି ମାଲାମାଲ ହେଉଛନ୍ତି । ସେପଟେ ଶାମୁକା ପାଇଁ ସମୁଦ୍ରରେ ବଡ ବଡ ଜାଲ ବିଛାଯାଉଥିବାରୁ ଅନେକ ମାଛ ଯାଆଁଳ ବି ନଷ୍ଟ ହେବାରେ ଲାଗିଛି । ପ୍ରତିଦିନ ମୃତ ଶାମୁକା ଓ ମାଛ ଯୋଗୁ ବେଳାଭୂମି ଦୂଷିତ ହେବା ସହ ଗନ୍ଧମୟ ପରିବେଶ ସୃ୍ଷ୍ଟି ହେଉଛି । ଯାହାକୁ ନେଇ ଆସୁଥିବା ପର୍ଯ୍ୟଟକ ମାନେ ମଧ୍ୟ ଅସନ୍ତୋଷ ପ୍ରକାଶ କରିଛନ୍ତି ।