ଭାରତ ଆମର ଶତ୍ରୁ ଦେଶ ନୁହେଁ । ଦୁଇ ପାକିସ୍ତାନ କ୍ରିକେଟରଙ୍କ କଳି ଭିତରେ ଶୁଣିବାକୁ ମିଳିଲା ଏମିତି କଥା । ପଢନ୍ତୁ, କିଏ ଏହି ଦୁଇ କ୍ରିକେଟର…
କନକ ବ୍ୟୁରୋ: ପାକିସ୍ତାନ କ୍ରିକେଟ ଦଳର ଦୁଇ ପୂର୍ବତନ କ୍ରିକେଟରଙ୍କ ଭିତରେ ଏବେ ବାକ୍ୟ ଯୁଦ୍ଧ ଦେଖିବାକୁ ମିଳିଛି । ପୂର୍ବତନ ଅଧିନାୟକ ସାହିଦ ଆଫ୍ରିଦି ଓ ପୂର୍ବତନ ପାକିସ୍ତାନୀ ଖେଳାଳି ଦାନିଶ କନେରିଆଙ୍କ ଭିତରେ ଏହି ଛକାପଞ୍ଝା ଦେଖିବାକୁ ମିଳିଛି । ଯେଉଁଥିରେ ଏବେ ଭାରତ ମଧ୍ୟ ଏଣ୍ଟ୍ରି ମାରିଛି । ଏହି ଦୁଇ ଖେଳାଳି ନିଜ ନିଜ ଭିତରେ କଥା କଟାକଟି ହେବା ଭିତରେ ଦାନିଶ କାନେରିଆ, ଆଫ୍ରିଦିଙ୍କୁ ଜବାବ୍ ଦେଇ କହିଛନ୍ତି ‘ଭାରତ ଆମର ଶତ୍ରୁ ଦେଶ ନୁହେଁ’,ଯାହାକୁ ନେଇ ଏବେ ଚର୍ଚ୍ଚା ଆରମ୍ଭ ହେଇଛି ।
Kanak News is now on WhatsApp
Join and get latest news updates delivered to you via WhatsApp
ଅସଲ କଥା ହେଉଛି, ଏହି ଦୁଇ ଖେଳାଳିଙ୍କ ଭିତରେ ଗତ କିଛି ଦିନ ହେଲା ଏଭଳି କଥା କଟାକଟି ଲାଗି ରହିଛି । କିଛି ଦିନ ତଳେ ଏକ ଇଣ୍ଟରଭ୍ୟୁ ଦେଇ ଦାନିଶ କାନେରିଆ କହିଥିଲେ, ସାହିଦ୍ ଆଫ୍ରିଦି ତାଙ୍କୁ ଇସଲାମ ଧର୍ମ ଗ୍ରହଣ କରିନେବାକୁ କହିଥିଲେ, ହେଲେ ସେ ତାଙ୍କ କଥାକୁ ଗୁରୁତ୍ୱର ସହ ନେଇନଥିଲେ । ଏହା ସହିତ ଆଫ୍ରିଦି ତାଙ୍କ ସହିତ ଖରାପ ବ୍ୟବହାର କରିଛନ୍ତି ବୋଲି ସେ ଅଭିଯୋଗ ଆଣିଥିଲେ ।
ତେବେ ଏହାର ଜବାବ ଦେଇ ଆଫ୍ରିଦି କହିଥିଲେ, ଯଦି ମୋ ବିରୋଧରେ ତାଙ୍କର ଅଭିଯୋଗ ରହିଥିଲା, ତେବେ ସେ କାହିଁକି ପାକିସ୍ତାନ କ୍ରିକେଟ ବୋର୍ଡରେ ଅଭିଯୋଗ କଲେନି । ସେ ଶତ୍ରୁ ଦେଶର ଚ୍ୟାନେଲରେ ବସି ଇଣ୍ଟରଭ୍ୟୁ ଦେଉଛନ୍ତି, ଯାହାକି ଧାର୍ମିକ ଭାବନାକୁ କ୍ଷତି ପହଞ୍ଚାଇପାରେ । ତେବେ ଏହି କଥା ପରେ, ଦାନିଶ ମଧ୍ୟ ଭାରତକୁ ଶତ୍ରୁ ଦେଶ ବୋଲି କହୁଥିବା ସାହିଦଙ୍କୁ ଟାର୍ଗେଟ କରିଛନ୍ତି ।
ସୂଚନାଯୋଗ୍ୟ ଯେ, ଦାନିଶ କାନେରିଆ ପାକିସ୍ତାନ ପାଇଁ ମୋଟ ୬୧ଟି ଟେଷ୍ଟ ମ୍ୟାଚ୍ ଖେଳିଛନ୍ତି । ଯେଉଁଥିରେ ସେ ୨୬୧ଟି ୱିକେଟ୍ ନେଇଥିଲେ । ତେବେ ଅବସର ନେବା ପରେ, ସେ ଅନେକ ଥର ଅଭିଯୋଗ ଆଣିଥିଲେ ଯେ, ହିନ୍ଦୁ ହୋଇଥିବା କାରଣରୁ ତାଙ୍କୁ ଅନେକ ଥର ପାକିସ୍ତାନ କ୍ରିକେଟ୍ ଟିମର ଡ୍ରେସିଂ ରୁମରେ ଦୁବ୍ୟବହାରର ସାମ୍ନା କରିବାକୁ ପଡିଥିଲା ।