କନକ ବ୍ୟୁରୋ : ଆସନ୍ତାକାଲି ଦେବସ୍ନାନ ପୂର୍ଣ୍ଣିମା । ଶ୍ରୀମନ୍ଦିରରେ ଗତକାଲି ସନ୍ଧ୍ୟାଧୂପ ପରେ ବାହୁଟ କଣ୍ଟ ନୀତି ଶେଷ ହେବା ପରେ କୋଠ ସୁଆଁସିଆ ମାନଙ୍କ ରତ୍ନବେଦୀରେ ଚାରମାଳ ବନ୍ଧା ହୋଇଥିଲା । ଆଜି ସେନାପଟା ଲାଗି କରାଯିବ । ସେଥିପାଇଁ ଆଜି ଭୋର୍ ୫ଟାରୁ ଅପରାହ୍ଣ ୩ଟା ଯାଏଁ ସେନାପଟା ଲାଗି ନେଇ ଦର୍ଶନ ବନ୍ଦ ରହିବ । ସେପଟେ ଗତକାଲି ଚମ୍ପକ ଦ୍ୱାଦଶୀ ତିଥିରେ ମହାପ୍ରଭୁଙ୍କର ଗୁଆଲି ନୀତି ଅନୁଷ୍ଠିତ ହୋଇଛି । ମଦନମୋହନ ଓ ଶ୍ରୀବେଦୀ ଓ ଶ୍ରୀଦେବୀ ପାଲିଙ୍କିରେ ବସି ଶ୍ରୀନହରକୁ ବିଜେ କରିଥିଲେ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଗଜପତି ମହାରାଜା ନିଜେ ବଡ଼ଦାଣ୍ଡକୁ ଆସି ମହାପ୍ରଭୁଙ୍କୁ ପାଛୋଟି ନେଇଥିଲେ । ତାପରେ ମହାରାଣୀ ଆଳତି ଓ ବନ୍ଦାପନା କରାଯାଇଥିଲା । ଆଉ ଏହି ଅବସରରେ ନବଦମ୍ପତିଙ୍କ ସହ ଆସିଥିବା ସେବାୟତଙ୍କ ସହ ଗଜପତି ମହାରାଜା ଆଲୋଚନା କରିଥିଲେ । ଗତବର୍ଷ କୋଭିଡ୍ କାରଣରୁ ଏହି ନୀତିରେ ଅନୁପସ୍ଥିତ ରହିଥିଲେ ଗଜପତି ମହାରାଜା । ହେଲେ ଚଳିତ ବର୍ଷ ଭକ୍ତମୟ ପରିବେଶରେ ଏହା ଅନୁଷ୍ଠିତ ହୋଇଥିବା ବେଳେ ଏଭଳି ଦୃଶ୍ୟ ଦେଖି ବିଭୋର ହୋଇଥିଲେ ଶ୍ରଦ୍ଧାଳୁ ।