ଦିନ ଦିପ୍ରହରରେ ନଦୀ ଶଯ୍ୟାରୁ ଚୋରି ହେଉଛି ବାଲି: ଲକ୍ଷ ଲକ୍ଷ ଟଙ୍କାର ରାଜସ୍ୱ ଆତ୍ମସାତ୍ କରୁଛନ୍ତି ବାଲି ମାଫିଆ
କନକ ବ୍ୟୁରୋ: ଦିନ ଦିପ୍ରହରରେ ନଦୀ ଶଯ୍ୟାରୁ ଉଠୁଛି ଟନ୍ ଟନ୍ ବାଲି । ଲକ୍ଷ ଲକ୍ଷ ଟଙ୍କାର ରାଜସ୍ୱ ଲୁଟ୍ କରୁଛନ୍ତି ବାଲି ମାଫିଆ । ମୟୁରଭଂଜ କପ୍ତିପଦା ତହସିଲ ଠାରୁ ମାତ୍ର ଦେଢି କିଲୋମିଟର ଦୂରରେ ଥିବା ବଜରପୁର ବାଲିଘାଟରେ ମାଫିଆଙ୍କ ରାଜ୍ । ନିର୍ଦ୍ଧାରିତ ଲିଜ୍ ଏରିଆକୁ ବାଦ୍ ଦେଇ ନଦୀରୁ ବାଲି ଉଠାଉଛନ୍ତି ମାଫିଆ । ନଦୀ ଭିତରେ ଜେସିବି ଲଗାଇ ମାଫିଆ ଲୁଟି ନେଉଛନ୍ତି ବାଲି । ବଡ଼ ବଡ଼ ଡ଼ମ୍ଫର ଓ ଟ୍ରାକ୍ଟରରେ ବେଧଡ଼କ୍ ଭାବେ ଚାଲିଛି ବାଲି ଉତୋଳନ । ସବୁଠାରୁ ବଡ଼ କଥା ହେଉଛି ନଦୀ ଗର୍ଭରୁ ବାଲି ଉଠାଇ ବପ୍ତିପଦା ତଦସିଲ ସାମ୍ନା ଦେଇ ବାଲି ଚାଲାଣ କରାଯାଉଛି । ହେଲେ ତା’ ଉପରେ ନାହିଁ କାହାର ନଜର ।
Kanak News is now on WhatsApp
Join and get latest news updates delivered to you via WhatsApp
ନଦୀ ଭିତରେ ଜେସିବି କିମ୍ବା କୌଣସି ଯନ୍ତ୍ରାଂଶ ପୁରାଇ ବାଲି ଉଠାଣ ନେଇ କଟକଣା ରହିଥିବା ବେଳେ ଏହାକୁ ଫୁ କରି ସ୍ପଷ୍ଟ ଦିବାଲୋକରେ ବାଲି ଉଠାଉଛନ୍ତି ମାଫିଆ । ସେହିପରି କପ୍ତିପଦା ତହସିଲ ଅଧିନରେ ଥିବା ଆମ୍ବଡ଼ିହା ଘାଟରେ ବି ମାଫିଆଙ୍କ ରାଜୁତି ଦେଖିବାକୁ ମିଳିଛି । ବ୍ରିଜ୍ ଠାରୁ ମାତ୍ର ଦେଢ ଶହ ମିଟର ଦୂରରେ ଭରା ନଦୀରେ ଜେସିବି ପକାଇ ଚାଲିଛି ବାଲି ଲୁଟ୍ । ଏହି ବାଲି ଲୁଟ୍ ଫଳରେ ନଦୀଜଳର ଗତିପଥ ବଦଳିବା ସହ ନଦୀ କୂଳ ଖାଉଛି । ନଦୀ ଗର୍ଭରେ ସୃଷ୍ଟି ହେଉଛି ବଡ଼ ବଡ଼ ଗର୍ତ । ଯାହାକୁ ନେଇ ଆତଙ୍କିତ ଅବସ୍ଥାରେ କାଳ କାଟୁଛନ୍ତି ନଦୀକୂଳିଆ ବାସିନ୍ଦା । ଏହି ଦୁଇଟି ଘାଟରୁ ପ୍ରତ୍ୟେକ ଦିନ ବେଆଇନ ଭାବେ ୧୦୦ରୁ ୧୫୦ ଶହ ଟ୍ରିପ୍ ବାଲି ଲୁଟ୍ ହେଉଛି । ଫଳରେ ଲକ୍ଷ ଲକ୍ଷ ଟଙ୍କାର ରାଜସ୍ୱ ହରାଉଛନ୍ତି ସରକାର ।