କନକ ବ୍ୟୁରୋ : ବାଲେଶ୍ୱର ଜିଲ୍ଲା ନୀଳଗିରି ଅଞ୍ଚଳରେ ପଥର ମାଫିଆଙ୍କ ଗୁଣ୍ଡାଗର୍ଦି । ଜଣେ ରାଜସ୍ୱ ନୀରିକ୍ଷକଙ୍କ ସାର୍ଟ ଖୋଲି ପଥର ମାଫିଆ ନିସ୍ତୁକ ମାଡ ମାରିଥିବା ଅଭିଯୋଗ ହୋଇଛି । ସୂଚନା ଅନୁସାରେ ନୀଳଗିରି ତହସିଲ ଅଧିନ ବାଘମରା ଅଞ୍ଚଳରେ ବ୍ଲାଷ୍ଟିଙ୍ଗ କରି ଚୋରାରରେ ପଥର ଚାଲାଣ ହେଉଥିଲା । ଏନେଇ ନୀଳଗିରି ତହସିଲଦାରଙ୍କ ପାଖକୁ ଖବର ଆସିବା ପରେ ସଜନାଗଡ ଆରଆଇ ସନ୍ତୋଷ କୁମାରଙ୍କୁ ଘଟଣାସ୍ଥଳକୁ ପଠାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ରାଜସ୍ୱ ନୀରିକ୍ଷକ ପଥର ଖାଦାନ ପରିଦର୍ଶନ କରି ଫେରିବା ବେଳେ ପଥର ମାଫିଆ ତାଙ୍କ ଆକ୍ରମଣ କରିଥିବା ଅଭିଯୋଗ ହୋଇଛି । ରାଜସ୍ୱ ନୀରିକ୍ଷକଙ୍କ ସାର୍ଟ ଖୋଲି ନିର୍ଦ୍ଧୁମ୍ ମାଡ ମାରିବା ସହ ମୋବାଇଲ ଛଡାଇ ଭାଙ୍ଗିଦେଇଥିଲେ । ଜୀବନ ବିକଳରେ ଆରଆଇ ଘଟଣାସ୍ଥଳରୁ ଦୌଡି ପଳାଇ ଆସିଥିଲେ । ତାଙ୍କ କାନ୍ଧ ଓ ହାତରେ ଆଘାତ ଲାଗି ଥିବା ସୂଚନା ମିଳିଛି । ସେପଟେ ନୀଳଗିରି ତହସିଲଦାର ଘଟଣାକୁ ଗୁରୁତର ସହ ନେଇ ତଦନ୍ତ ଚଲାଇଛନ୍ତି ।