ଉତ୍କଳ ବିଶ୍ୱବିଦ୍ୟାଳୟ ଅନୁବନ୍ଧିତ କଲେଜର ଯୁକ୍ତ ୩ ଶେଷ ସେମିଷ୍ଟାର ପରୀକ୍ଷାଫଳ ପ୍ରକାଶିତ । ଦେଖନ୍ତୁ, କେଉଁ ବିଭାଗରେ ପାସ୍ ହାର କେତେ?
କନକ ବ୍ୟୁରୋ: ପ୍ରକାଶ ପାଇଲା ଯୁକ୍ତ ତିନି ଶେଷ ସେମିଷ୍ଟାର କଳା, ବିଜ୍ଞାନ ଓ ବାଣିଜ୍ୟ ବିଭାଗର ପରୀକ୍ଷା ଫଳ । ଉତ୍କଳ ବିଶ୍ୱବିଦ୍ୟାଳୟ ଅନୁବନ୍ଧିତ ମହାବିଦ୍ୟାଳୟ ଗୁଡିକର ସ୍ନାତକ ଶେଷ ସେମିଷ୍ଟାର ପରୀକ୍ଷା ଫଳ ପ୍ରକାଶ ପାଇଛି । ଉଭୟ ନିୟମିତ ଏବଂ ବ୍ୟାକ୍ ପରୀକ୍ଷାର୍ଥୀଙ୍କ ଫଳ ସୋମବାର ପ୍ରକାଶ ପାଇଛି । ଏନେଇ ଉତ୍କଳ ବିଶ୍ୱବିଦ୍ୟାଳୟର ପରୀକ୍ଷା ନିୟନ୍ତ୍ରକ ଶରତ କୁମାର ମାଝୀ ସୂଚନା ଦେଇଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଚଳିତ ବର୍ଷ କଳା ଅନର୍ସରେ ୨୫ ହଜାର ୩୯ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିବାବେଳେ, ସେମାନଙ୍କ ଭିତରୁ ୧୯ ହଜାର ୫୦୪ ଜଣ ପରୀକ୍ଷାର୍ଥୀ ପାସ୍ କରିଛନ୍ତି । ଚଳିତ ବର୍ଷ କଳା ଅନର୍ସରେ ପାସ୍ ହାର ରହିଛି ୯୦.୫୯ ପ୍ରତିଶତ । ସେହିପରି ବିଜ୍ଞାନ ଅନର୍ସରେ ୧୩ ହଜାର ୬୦୭ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିଲାବେଳେ, ସେମାନଙ୍କ ଭିତରୁ ୧୧ ହଜାର ୬୦୫ ଜଣ ପରୀକ୍ଷାର୍ଥୀ ପାସ୍ କରିଛନ୍ତି । ବିଜ୍ଞାନ ଅନର୍ସରେ ପାସ୍ ହାର ରହିଛି ୯୫.୩୦ ପ୍ରତିଶତ ।
ଅନ୍ୟପଟେ ବାଣିଜ୍ୟ ଅନର୍ସରେ ୪୧୪୭ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିବାବେଳେ, ୩୧୬୬ ଜଣ ପରୀକ୍ଷାର୍ଥୀ ପାସ୍ କରିଛନ୍ତି । ପାସ୍ ହାର ରହିଛି ୮୯.୨୮ ପ୍ରତିଶତ । ତେବେ ଅନର୍ସ ଏବଂ ଜେନେରାଲ ବିଭାଗକୁ ମିଶାଇ କଳାରେ ୯୦.୬୨ ପ୍ରତିଶତ, ବିଜ୍ଞାନରେ ୯୫.୨୬ ପ୍ରତିଶତ ଏବଂ ବାଣିଜ୍ୟରେ ୮୯.୨୯ ପ୍ରତିଶତ ପିଲା ପାସ୍ କରିଛନ୍ତି ।