କନକ ବ୍ୟୁରୋ : ଆଜି ହେଉଛି ପବିତ୍ର ହେରା ପଞ୍ଚମୀ । ରଥଯାତ୍ରା ଆଦ୍ୟପର୍ବରେ ପାଳିତ ହେଉଥିବା ଏକ ବିଶେଷ ପର୍ବ । ଘୋଷଯାତ୍ରାରେ ମହାପ୍ରଭୁ ଶ୍ରୀମନ୍ଦିର ଛାଡି ଗୁଣ୍ଡିଚା ମନ୍ଦିର ଚାଲି ଯାଆନ୍ତି । ସାଥିରେ ବଡଭାଇ ବଳଭଦ୍ର ଓ ଭଉଣୀ ସୁଭଦ୍ରାଙ୍କୁ ନେଇ ବୁଲି ଯାଆନ୍ତି ଗୁଣ୍ଡିଚା ମନ୍ଦିର । ହେଲେ ସାଙ୍ଗରେ ନେଇନଥାନ୍ତି ପତ୍ନୀ ମା’ ଲକ୍ଷ୍ମୀଙ୍କୁ । ଏହି ୯ ଦିନ ଶ୍ରୀମନ୍ଦିର ଶୂନଶାନ୍ ହୋଇଯାଏ । ରୋଷ ଘରେ ଆଉ ରୋଷେଇ ହୁଏ ନାହଁ । ଭକ୍ତଙ୍କ ଆଗମନ ମଧ୍ୟ ହୁଏନି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଏହି ସମୟରେ ମା’ ଲକ୍ଷ୍ମୀଙ୍କ ନିମନ୍ତେ କଳମ ସାଗ ଆଉ ଡାଳୁଅ ଧାନ ଥୋଇ ଦେଇ ଘୋଷ ଯାତ୍ରାରେ ପଳାଇଥାନ୍ତି ପ୍ରଭୁ ଜଗନ୍ନାଥ । ଏହି ଦିନ ମା’ ଲକ୍ଷ୍ମୀ ଅଭିମାନ, ରାଗ ଏବଂ ଦୁଃଖରେ ବାହରନ୍ତି ନିଜ ସ୍ୱାମୀ ଶ୍ରୀ ଜଗନ୍ନାଥଙ୍କୁ ଖୋଜିବା ପାଇଁ । ଲୁଚି ଲୁଚି ଆସି ଶ୍ରୀଗୁଣ୍ଡିଚା ମନ୍ଦିର ପାଖରେ ଥିବା ମହାପ୍ରଭୁଙ୍କ ନନ୍ଦିଘୋଷ ରଥ ନିକଟରେ ଅଟକି ଯାଆନ୍ତି । ସାରଥିକୁ ପଚାରନ୍ତି ମହାପ୍ରଭୁ କୋଉଠି ଅଛନ୍ତି ।
ସାରଥୀ ଏହାର ଉତର ନ ଦେବାରୁ ରାଗରେ ରଥ କାଠ ଭାଙ୍ଗି ଦିଅନ୍ତି ମା’ ଲକ୍ଷ୍ମୀ । ଏହାପରେ ମନ୍ଦିର ଭିତରକୁ ଯାଇ ସାଥିରେ ନେଇଥିବା କର୍ପୂର ଚୂର୍ଣ୍ଣକୁ ମହାପ୍ରଭୁ ଶ୍ରୀ ଜଗନ୍ନାଥଙ୍କ ଉପରେ ଫିଙ୍ଗି ଦେଇ ସେଠାରୁ ପଳାଇ ଆସନ୍ତି । ନିଜ ସ୍ୱାମୀଙ୍କୁ ବସିଭୂତ କରିବା ପାଇଁ ମା’ ବିମଳାଙ୍କ ଠାରୁ ସାଙ୍ଗରେ ନେଇଥାନ୍ତି ଏହି କର୍ପୂର ଚୂର୍ଣ୍ଣ । ସେଥିପାଇଁ ଏହା ପରଦିନ ହିଁ ରଥକୁ ବୁଲାଇ ଦିଅନ୍ତି । ଯାହାକୁ ରଥର ଦକ୍ଷିଣ ମୋଡ କୁହାଯାଏ ।