ରାକେଶ ଟିକାୟତଙ୍କୁ ବଡ ଝଟକା, ଅଭିଯୋଗ ପରେ ସଂଗଠନ କଲା ବହିସ୍କାର
କନକ ବ୍ୟୁରୋ : ଦିନେ ଆନ୍ଦୋଳନ ମାଧ୍ୟମରେ କେନ୍ଦ୍ର ସରକାରଙ୍କ ନିଦ ହଜାଇ ଦେଇଥିବା ଭାରତୀୟ କିଷାନ ୟୁନିୟନର ନେତା ରାକେଶ ଟିକାୟତଙ୍କୁ ବଡ ଝଟକା ଲାଗିଛି । କିଛି ଅଭିଯୋଗ ପରେ ଭାରତୀୟ କିଷାନ ୟୁନିୟନ ତରଫରୁ ତାଙ୍କୁ ସଂଗଠନରୁ ବହିସ୍କାର କରାଯାଇଛି । କେବଳ ସେତିକି ନୁହେଁ ତାଜା ସୂଚନା ମୁତାବକ ରାକେଶ ଟିକାୟତଙ୍କ ଭାଇ ନରେଶ ଟିକାୟତଙ୍କୁ ବି ସଂଗଠନର ଅଧ୍ୟକ୍ଷ ପଦରୁ ହଟାଇ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
କୁହାଯାଉଛି କି, ଟିକାୟତଙ୍କ ପରିବାର ବିରୋଧରେ ସଂଗଠନର କିଛି ନେତୃତ୍ୱ ବାରମ୍ବାର ଅଭିଯୋଗ କରିବା ପରେ ସଂଗଠନ ତରଫରୁ ଏଭଳି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ସଂଗଠନର କିଛି ସଦସ୍ୟ ଟିକାୟତଙ୍କ ରାଜନୈତିକ ଗତିବିଧିକୁ ନେଇ ଅସନ୍ତୁଷ୍ଟ ଥିଲେ । କିଛି କୃଷକନେତାଙ୍କ କହିବା କଥା କି, ଟିକାୟତ ତାଙ୍କ ରାଜନୈତିକ ବିବୃତ୍ତି ମାଧ୍ୟମରେ ଏକ ଅରାଜନୈତିକ ସଂଗଠନକୁ ରାଜନୈତିକ ରୂପ ଦେବାକୁ ଚେଷ୍ଟା କରିଛନ୍ତି ।
କହିରଖୁ କି, ବିକେୟୁର ସଂସ୍ଥାପକ ଦିବଙ୍ଗତ ଚୌଧୁରୀ ମହେନ୍ଦ୍ର ସିଂ ଟିକାୟତଙ୍କ ପୂର୍ଣ୍ଣତିଥି ଅବସରରେ ଆଜି ଲକ୍ଷ୍ନୌ ଠାରେ ଆଖୁଚାଷୀ ସଂଗଠନର କାର୍ଯ୍ୟାଳୟରେ ବଡ ବଡ ନେତାମାନଙ୍କର ଏକ ବୈଠକ ବସିଥିଲା । ଏହି ବୈଠକରେ ରାକେଶ ଟିକାୟତଙ୍କ ଉପରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଏବେ ତାଙ୍କ ସ୍ଥାନରେ ରାଜେଶ ଚୌହାନ ଭାରତୀୟ କିଷାନ ୟୁନିୟନର ଅଧ୍ୟକ୍ଷ ଭାବେ କାର୍ଯ୍ୟ କରିବେ ।