କନକ ବ୍ୟୁରୋ : ଉନ୍ନୟନ କାର୍ଯ୍ୟ ଅନିୟମିତତା ଦେଖିବାକୁୁ ଆସି ହଟହଟା ହେଲେ ଅତିରିକ୍ତ ବିଡିଓ । କାଦୁଅ ରାସ୍ତାରେ ଚଲାଇଲେ ଗ୍ରାମବାସୀ । ବିଡିଓ ହାତରେ ଚପଲ ଧରି ଚାଲି ଚାଲି ଯିବା ସମୟରେ ତଳି ରୋଇଲେ ଲୋକେ । ପୋଲସରା ବ୍ଲକ ଢ଼ୁଙ୍କାପଡ଼ା ଗାଁରେ ଅତିରିକ୍ତ ବିଡିଓଙ୍କ ସହ କାଦୁଅରେ ଜିଆରଏସ ଚାଲିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ ଅନୁସାରେ ଠଣାପଲି ଠାରୁ ଦଲେଇ ଘାଇ ରାସ୍ତା ପାଇଁ ୫ଲକ୍ଷ ଟଙ୍କାରେ ର୍ନିମାଣ ନେଇ ଫଳକ ଲାଗି ବିଲ୍ ହୋଇଛି । ପୁଣି ସେହି ରାସ୍ତାକୁ ଗ୍ରାମ୍ୟ ଉନ୍ନୟନ ରାସ୍ତା ଦଳେଇ ଘାଇ ମୋରମ ରାସ୍ତା ବାବଦରେ ୭ଲକ୍ଷ ବ୍ୟୟ ଅଟକଳ ହୋଇଛି । ସିନ୍ଧିପଦର ଠାରୁ ହ୍ରଦ ରାସ୍ତା ନଥିବା ବେଳେ ୭ଲକ୍ଷ ଫଳକ ଲଗାଯାଇ ୪ଲକ୍ଷ ୫୮ହଜାର ୮୦୦ ବିଲ ଉଠା ସରିଛି । ଘଟଣାର ତଦନ୍ତ ପାଇଁ ପୋଲସରା ଅତିରିକ୍ତ ବିଡିଓ ଯିବା ସମୟରେ ହଟହଟା ହୋଇଥିଲେ ।