ରାଜ୍ୟ ଶିକ୍ଷା ବ୍ୟବସ୍ଥାର ବିକଳ ଚିତ୍ରକୁ ନେଇ ତେଜିଲା ରାଜନୀତି । ରାଜ୍ୟ ସରକାରଙ୍କୁ ଟାର୍ଗେଟ କଲା ବିଜେପି , ଅସନ୍ତୋଷ ପ୍ରକାଶ କଲା ଅଭିଭାବକ ମହାସଂଘ
କନକ ବ୍ୟୁରୋ: ରାଜ୍ୟରେ ଶିକ୍ଷା ବ୍ୟବସ୍ଥାର ବିକଳ ଚିତ୍ରକୁ ନେଇ ତେଜିଲା ରାଜନୀତି । କେନ୍ଦ୍ର ସରକାରଙ୍କ ୨୦୨୧-୨୨ଶିକ୍ଷାବର୍ଷର ପିଜିଆଇ ରିପୋର୍ଟରେ ଗତବର୍ଷ ତୁଳନାରେ ତଳକୁ ଖସିଛି ଓଡ଼ିଶା । ଯାହାକୁ ନେଇ ଆରମ୍ଭ ହୋଇଛି ରାଜନୀତି । ପିଜିଆଇ ରିପୋର୍ଟ ରାଜ୍ୟ ସରକାରଙ୍କ ଆଇନା ବୋଲି କହିଛି ରାଜ୍ୟ ବିଜେପି ।
Kanak News is now on WhatsApp
Join and get latest news updates delivered to you via WhatsApp
୨୩ବର୍ଷର ବିଫଳତାକୁ ଲୁଚାଇବା ପାଇଁ ନୂଆ ନୂଆ ମିଛ କଥା କହୁଛନ୍ତି, ପିଜିଆଇ ରିପୋର୍ଟରୁ ଏହା ସ୍ପଷ୍ଟ ବୋଲି କହିଛନ୍ତି ରାଜ୍ୟ ବିଜେପି ସାଧାରଣ ସମ୍ପାଦିକ ଲେଖାଶ୍ରୀ ସାମନ୍ତସିଂହାର । ଏହାର ଜବାବରେ ବିଜେଡି କହିଛି , ରାଜ୍ୟରେ ଶିକ୍ଷାର ମାନ କମି ନାହିଁ । ସ୍କୁଲ ଶିକ୍ଷା ଲାଗି କେନ୍ଦ୍ର ସରକାର ଏବଂ ତାଙ୍କର ଅନୁଶୀଳନ ସଂସ୍ଥା ପ୍ରଶଂସା କରିଛନ୍ତି । ଫାଇଭ-ଟି ଅଧିନରେ ରାଜ୍ୟରେ ସ୍କୁଲରେ ଡିଜିଟାଲ ପ୍ରୟୋଗ ଏବଂ ଭିତ୍ତିଭୂମି ବିକାଶ ପାଇଁ ପଦକ୍ଷେପ ନିଆଯାଉଛି ବୋଲି କହିଛନ୍ତି ବିଜେଡି ବିଧାୟକ ଦେବୀ ପ୍ରସାଦ ମିଶ୍ର । ସେହିପରି ଶିକ୍ଷାର ମାନକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ଅଭିଭାବକ ମହାସଂଘ ଅଧ୍ୟକ୍ଷ ବାସୁଦେବ ଭଟ୍ଟ ।
କେନ୍ଦ୍ର ଶିକ୍ଷା ମନ୍ତ୍ରାଳୟର ସ୍କୁଲ ଶିକ୍ଷା ବିଭାଗ ପକ୍ଷରୁ ପ୍ରକାଶିତ ପର୍ଫମାନ୍ସ ଗ୍ରେଡିଂ ଇଣ୍ଡେକ୍ସ ବା ପିଜିଆଇ ୨.୦ରେ ପ୍ରକାଶ ପାଇଛି । ଯେଉଁଥିରେ ଓଡିଶାର ପ୍ରଦର୍ଶନ ନୈରାଶ୍ୟଜନକ ରହିଛି । ଏହି ପର୍ଫମାନ୍ସ ସର୍ଭେ ବେଳେ ଶିକ୍ଷଣ ଫଳାଫଳ ଓ ଗୁଣବତା, ବିଦ୍ୟାଳୟକୁ ପ୍ରବେଶ ସୁବିଧା, ଭିତିଭୂମି ଓ ଅନ୍ୟାନ୍ୟ ସୁବିଧା, ସମାନତା, ଶାସନ ପ୍ରକ୍ରିୟା ଓ ଶିକ୍ଷକ ଶିକ୍ଷା ଓ ତାଲିମ ବିଷୟକୁ ସାମିଲ କରାଯାଇଛି । ଯେଉଁଥିରେ ସର୍ଭେରେ ଓଡ଼ିଶା ବହୁ ପଛରେ ପଡ଼ିଛି । ୭୩ଟି ସୂଚକାଙ୍କ ଆଧାରରେ ୧୦୦୦ ପଏଣ୍ଟକୁ ନେଇ ୬ଟି ବର୍ଗରେ ମୂଲ୍ୟାୟନ ହୋଇଥିଲା । ସେଥିରୁ ଓଡ଼ିଶା ମାତ୍ର ୫୧୭.୧ ସ୍କୋର ହାସଲ କରି ଦେଶର ୩୬ଟି ରାଜ୍ୟ ଓ କେନ୍ଦ୍ରଶାସିତ ଅଂଚଳ ମଧ୍ୟରୁ ୨୪ତମ ସ୍ଥାନରେ ରହିଛି । ତେବେ ଗୋଟିଏ ବର୍ଷ ମଧ୍ୟରେ କ’ଣ ଏମିତି ହେଲା ଯେ ଓଡ଼ିଶା ତଳକୁ ଖସିଗଲା ତାହା ଚିନ୍ତାଜନକ ।