ସିମ୍ କାର୍ଡରେ ଜାଲିଆତି ରୋକିବାକୁ ଆସିପାରେ ନୂଆ ନିୟମ । ଗୋଟିଏ ପରିଚୟ ପତ୍ରରେ ୯ରୁ ୫ ହୋଇପାରେ କନେକ୍ସନ ସଂଖ୍ୟା, ଅପବ୍ୟବହାର ହେଉଥିବା ଜଣାପଡିଲେ ଯିବାକୁ ପଡିପାରେ ଜେଲ୍
କନକ ବ୍ୟୁରୋ: ଦେଶରେ ସାଇବର ଠକେଇରେ ଗୋଟିଏ ବଡ ପ୍ରମୁଖ ଅସ୍ତ୍ର ସାଜିଛି ଫ୍ରଡ ସିମ୍ । ଏବେ ଏହାକୁ ରୋକିବା ପାଇଁ ସରକାର ବଡ଼ ପଦକ୍ଷେପ ନେବାକୁ ଯାଉଛନ୍ତି । ଟେଲି କମ୍ୟୁନିକେସନ୍ ବିଭାଗ ଫେକ୍ ସିମ୍ କାର୍ଡକୁ ରୋକିବା ପାଇଁ କେୱାଇସିରେ ଗୋଟିଏ ବଡ଼ ପରିବର୍ତ୍ତନ ଆଣିବ ବୋଲି ଜାତୀୟ ଗଣମାଧ୍ୟମ ରିପୋର୍ଟରୁ ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
କେୱାଇସି ଡିଜିଟାଲ ହେବା ଦ୍ୱାରା ସିମ୍ କାର୍ଡର ଆଉ ଜାଲିଆତି ହୋଇପାରିବେ ନାହିଁ କି ଗ୍ରାହକ ଫେକ୍ ଡକ୍ୟୁମେଂଟ ଦେଇ ସିମ୍ କିଣିପାରିବେ ନାହିଁ ତେଣୁ ସରକାର ଏହା ଉପରେ ଜୋର୍ ଦେଉଛନ୍ତି ବୋଲି ସୂଚନା ରହିଛି । ଯଦି ସିମ୍ ଓ ଡକ୍ୟୁମେଂଟ ଡିଜିଟାଲ ଭେରିଫାଏ ବେଳେ ଅପବ୍ୟବହାର ହୋଇଥିବା ଜଣାପଡିବ ତେବେ ତାଙ୍କୁ ଜୋରିମାନା ସହ ଜେଲ୍ଦଣ୍ଡ ଭୋଗିବାକୁ ପଡ଼ିବ । କେୱାଇସିର ନୂଆ ନିୟମ ଆଗାମୀ ୬ ମାସ ମଧ୍ୟରେ ଟେଲି କମ୍ୟୁନିକେସନ୍ ବିଭାଗର ଆର୍ଟିଫିଟିଆଲ ଇଣ୍ଟେଲିଜେନ୍ସ ଆଣ୍ଡ ଡିଜିଟାଲ ଇଣ୍ଟେଲିଜେନ୍ସ ୟୁନିଟି ଶାଖା ଦ୍ୱାରା ପ୍ରକାଶ କରାଯିବ ବୋଲି ସୂଚନା ରହିଛି । ସେହିପରି ନୂଆ ନିୟମ ଅନୁସାରେ ଗୋଟିଏ ପରିଚୟ ପତ୍ରରେ ୯ଟି ବଦଳରେ ମାତ୍ର ୫ଟି କନେକ୍ସନ ରହିପାରିବ । ସେହିପରି ଜଣେ ବ୍ୟକ୍ତି ନାଁରେ କେତୋଟି କନେକ୍ସନ ରହିଛି ଜାଣିବାକୁ ଟେଲିକମ ଆନାଲିଟିକ୍ସ ଫର ଫ୍ରଡ ମ୍ୟାନେଜମେଣ୍ଟ ଆଣ୍ଡ କନଜ୍ୟୁମର ପ୍ରାଟେକ୍ସନ ପୋର୍ଟାଲ ଆସୁଛି । ଏବେ କିଛି ରାଜ୍ୟ ପାଇଁ ଏହି ପୋର୍ଟାଲ ସେବା ରହିଛି ।