ଉଦ୍ଧବ ସରକାରଙ୍କୁ ନବନୀତଙ୍କ ସମାଲୋଚନା, ଉଦ୍ଧବଙ୍କୁ ଅସହାୟ କହିବା ସହ ଶିବସେନା ବିରୋଧରେ ଦେଲେ ଏଭଳି ମନ୍ତବ୍ୟ
କନକ ବ୍ୟୁରୋ : ମହାରାଷ୍ଟ୍ରରେ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ପୁଣିଥରେ ଟାର୍ଗେଟ କରିଛନ୍ତି ସ୍ୱାଧୀନ ସାଂସଦ ନବନୀତ ରାଣା । ଗତକାଲି ଉଦ୍ଧବ ଠାକରେ ଏକ ଜନସଭାକୁ ଉଦବୋଧନ ଦେବା ଅବସରରେ ବିଜେପିକୁ ଟାର୍ଗେଟ କରିଥିଲେ । ସେ କହିଥିଲେ କି ଏବେ ଯଦି ଦାଉଦ ଇବ୍ରାହିମ ବିଜେପିର ସାମିଲ ହେବ ତେବେ ବିଜେପି ସରକାର ତାକୁ ତୁରନ୍ତ ମନ୍ତ୍ରୀପଦ ଦେଇଦେବ । ଏହି କଥାକୁ ନେଇ ଆଜି ନବନୀତ ଉଦ୍ଧବ ଠାକରେ ସରକାରଙ୍କୁ ଟାର୍ଗେଟ କରିଛନ୍ତି । ସେ କହିଛନ୍ତି କି, ଶିବସେନା କିଛିବର୍ଷ ବିଜେପି ସହ ମେଣ୍ଟରେ ସରକାର ଗଠନ କରିଥିଲା , ଏଣୁ ଶିବସେନା ବି ଦାଉଦଙ୍କ ସମର୍ଥକ ।
Kanak News is now on WhatsApp
Join and get latest news updates delivered to you via WhatsApp
କେବଳ ସେତିକି ନୁହେଁ ନବନୀତ ଉଦ୍ଧବଙ୍କୁ ଏକ ଅସହାୟ ମୁଖ୍ୟମନ୍ତ୍ରୀ କହିବା ସହ ଶିବସେନାକୁ ଔରଙ୍ଗଜେବ ସେନା ବୋଲି କହିଛନ୍ତି । ଏହାସହ ଉଦ୍ଧବ ଠାକରେ କ୍ଷମତାର ଦୂରପୋଯୋଗ କରି ତାଙ୍କୁ ଜେଲ ପଠାଇଥିବା କଥା ସେ ଅଭିଯୋଗ କରିଛନ୍ତି ।
କହିରଖୁ କି ହନୁମାନ ଚାଳିଶା ପଢିବା ମାମଲାରେ ନିର୍ଦ୍ଦଳୀୟ ସାଂସଦ ନବନୀତ ରାଣା ଓ ତାଙ୍କ ସ୍ୱାମୀ ବିଧାୟକ ରବି ରାଣାଙ୍କୁ ଜେଲ ଯିବାକୁ ପଡିଥିଲା । ଜେଲରେ ୧୩ ଦିନ ରହିବା ପରେ ତାଙ୍କୁ କୋର୍ଟ ସର୍ତ୍ତମୂଳକ ଜାମିନ ପ୍ରଦାନ କରିଥିଲେ । ଜେଲରୁ ବାହାରିବା ପରେ ନବନୀତ ବାରମ୍ବାର ଶିବସେନା ଓ ଉଦ୍ଧବ ସରକାରଙ୍କୁ ସମାଲୋଚନା କରିବାରେ ଲାଗିଛନ୍ତି ।