ଦିଲ୍ଲୀ ସରକାରଙ୍କୁ ବଡ ଝଟକା, କେନ୍ଦ୍ର ସରକାର ଆଣିଥିବା ଅଧ୍ୟାଦେଶକୁ ଜଗନ ମୋହନଙ୍କ ପାର୍ଟି ଦେବ ସମର୍ଥନ
କନକ ବ୍ୟୁରୋ : ଦିଲ୍ଲୀରେ ପ୍ରଶାସନିକ ସେବା ଉପରେ ନିୟନ୍ତ୍ରଣ ପାଇଁ କେନ୍ଦ୍ର ସରକାର ଆଣିଥିବା ଅଧ୍ୟାଦେଶ ସଂସଦର ଉଭୟ ଗୃହରେ ସହଜରେ ପାରିତ ହୋଇଯିବ ବୋଲି ଅନୁମାନ କରାଯାଇଛି । ଲୋକସଭାରେ ଏନଡିଏର ବହୁମତ ରହିଥିବା ବେଳେ ରାଜ୍ୟସଭାରେ ବିଲକୁ ସମର୍ଥନ ଜଣାଇ ପାରନ୍ତି ୱାଇଏସଆର କଂଗ୍ରେସ । ପାର୍ଟିର ଜଣେ ବରିଷ୍ଠ ନେତା ଏହି ବିଧେୟକ ଉପରେ କେନ୍ଦ୍ର ସରକାରଙ୍କୁ ସମର୍ଥନ ଦେବେ ବୋଲି ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି କଂଗ୍ରେସ ତରଫରୁ ମଣିପୁର ପ୍ରସଙ୍ଗରେ କେନ୍ଦ୍ର ସରକାରଙ୍କ ବିରୋଧରେ ଆଣିଥିବା ଅବିଶ୍ୱାସ ପ୍ରସ୍ତାବ ଉପରେ ସରକାରଙ୍କୁ ସମର୍ଥନ ଦେଇଛି । ୱାଇଏସଆର କଂଗ୍ରେସ ପାର୍ଟିର ରାଜ୍ୟସଭାରେ ୯ ଜଣ ଓ ଲୋକସଭାରେ ୨୨ ଜଣ ସାଂସଦ ରହିଛନ୍ତି । ଯଦି ୱାଇଏସଆର କଂଗ୍ରେସ ରାଜ୍ୟସଭାରେ ଦିଲ୍ଲୀ ଅଧ୍ୟାଦେଶ ପ୍ରସଙ୍ଗରେ କେନ୍ଦ୍ର ସରକାରଙ୍କୁ ସମର୍ଥନ କରେ ତେବେ କେନ୍ଦ୍ର ସରକାର ଏହି ଅଧ୍ୟାଦେଶକୁ ସହଜରେ ପାରିତ କରିନେବେ ।
ୱାଇଏସଆର କଂଗ୍ରେସ ନେତା ବିଜୟସାଇ ରେଡ୍ଡୀ କହିଛନ୍ତି କି ତାଙ୍କ ପାର୍ଟି ଅବିଶ୍ୱାସ ପ୍ରସ୍ତାବ ଓ ଦିଲ୍ଲୀ ଅଧ୍ୟାଦେଶ ପ୍ରସଙ୍ଗରେ କେନ୍ଦ୍ର ସରକାରଙ୍କୁ ସମର୍ଥନ କରିବ । ଏନେଇ ଦଳର ସାଂସଦମାନଙ୍କୁ ମଧ୍ୟ ଅବଗତ କରାଯାଇଥିବା କଥା ସେ କହିଛନ୍ତି । ସେହିଭଳି ରାଜ୍ୟସଭାରେ ୯ଜଣ ସାଂସଦ ଥିବା ବିଜୁ ଜନତା ଦଳ ବି ଦିଲ୍ଲୀ ଅଧ୍ୟାଦେଶ ଓ ଅବିଶ୍ୱାସ ପ୍ରସ୍ତାବ ଉପରେ କେନ୍ଦ୍ର ସରକାରକୁ ସମର୍ଥନ ଜଣାଇପାରେ । ହେଲେ ବିଜେଡି ସୁପ୍ରିମୋ ନବୀନ ପଟ୍ଟନାୟକ ଏପର୍ଯ୍ୟନ୍ତ ଏନେଇ କୌଣସି ସ୍ପଷ୍ଟମତ ରଖି ନାହାଁନ୍ତି ।