କନକ ବ୍ୟୁରୋ : ଆସନ୍ତା ବର୍ଷ ଆମେରିକାରେ ରାଷ୍ଟ୍ରପତି ନିର୍ବାଚନ ଅନୁଷ୍ଠିତ ହେବାକୁ ଯାଉଛି । ଏହି ନିର୍ବାଚନକୁ ଦୃଷ୍ଟିରେ ରଖି ଏବେକାର ରାଷ୍ଟ୍ରପତି ଜୋ ବାଇଡେନ ଓ ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମଧ୍ୟରେ ଟକ୍କର ଆରମ୍ଭ ହୋଇଯାଇଛି । ହେଲେ ଏହା ମଧ୍ୟରେ ୩ ଜଣ ଭାରତୀୟ ବଂଶୋଦ୍ଭବଙ୍କ ନାମ ସାମ୍ନାକୁ ଆସିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବିରୋଧରେ ଭାରତୀୟ ବଂଶୋଦ୍ଭବ ବିବେକ ରାମାସ୍ୱାମୀ, ନିକ୍କି ହେଲି ଓ ହର୍ଷବର୍ଦ୍ଧନ ସିଂ ନିର୍ବାଚନ ଲଢିବାକୁ ପ୍ରସ୍ତୁତ ହେଉଛନ୍ତି । ସେପଟେ ବିଭିନ୍ନ ମାମଲା ସହ ଜଡିତ ଥିବା ସତ୍ତେ୍ୱ ୨୦୨୪ ରାଷ୍ଟ୍ରପତି ନିର୍ବଚନ ପାଇଁ ରିପବ୍ଲିକାନ ପାର୍ଟି ତରଫରୁ ଡୋନାଲ୍ଡ ଟ୍ରମ୍ପଙ୍କ ନାମ ସବୁଠାରୁ ଆଗରେ ରହିଛି ।
ରିପବ୍ଲିକାନ ପାର୍ଟି ତରଫରୁ ଆଗାମୀ ରାଷ୍ଟ୍ରପତି ନିର୍ବାଚନ ପାଇଁ ପ୍ରାର୍ଥୀ ଚୟନ କରିବାକୁ ଆସନ୍ତା ବର୍ଷ ଜୁଲାଇ ମାସରେ ଏକ ରାଷ୍ଟ୍ରୀୟ ସମ୍ମିଳନୀ ଅନୁଷ୍ଠିତ ହେବ । ଏହି ସମ୍ମିଳନୀ ବିସ୍କୋସିନର ମିଲ୍ୱକି ସହରରେ ଆସନ୍ତା ବର୍ଷ ଜୁଲାଇ ୧୫ ରୁ ୧୮ ମଧ୍ୟରେ ଅନୁଷ୍ଠିତ ହେବ ।
ରାଷ୍ଟ୍ରପତି ନିର୍ବାଚନରେ ପ୍ରାର୍ଥୀ ହେବା ନେଇ ଯେଉଁ ୩ ଭାରତୀୟ ବଂଶୋଦ୍ଭବଙ୍କ ନାମ ଆଗରେ ରହିଛି ସେମାନଙ୍କ ମଧ୍ୟରୁ ନିକ୍କି ହେଲୀ ଅନ୍ୟତମ । ନିକ୍କି ହେଲୀ ଜଣେ ରିପବ୍ଲିକାନ ପାର୍ଟିର ନେତା । ସେ ଦକ୍ଷିଣ କୋରୋଲିନା ରାଜ୍ୟରେ ୨ ଥର ରାଜ୍ୟପାଳ ଭାବେ ଦାୟିତ୍ୱ ସମ୍ଭାଳିଛନ୍ତି । ଏହାସହ ସେ ସଂଯୁକ୍ତ ରାଷ୍ଟ୍ର ଆମେରିକାର ପୂର୍ବତନ ରାଜଦୂତ ।
ସେହିଭଳି ଦୌଡର ଦ୍ୱିତୀୟ ସ୍ଥାନରେ ଥିବା ଉଦ୍ୟୋଗପତି ରାମାସ୍ୱାମୀ ୨୦୨୪ ରାଷ୍ଟ୍ରପତି ନିର୍ବାଚନ ପାଇଁ ପ୍ରାର୍ଥୀ ହେଉଥିବା ନେଇ ନିଜ ତରଫରୁ ଫେବୃଆରୀ ମାସରୁ ଘୋଷଣା କରିସାରିଛନ୍ତି । ସେ ବି ରିପବ୍ଲିକାନ ପାର୍ଟିର ନେତା । ସେ ଏହି ଦୌଡରେ ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଓ ଫ୍ଲୋରିଡାର ରାଜ୍ୟପାଳ ରାନ ଡେସିଟିଙ୍କ ପରେ ତୃତୀୟ ସ୍ଥାନରେ ରହିଛନ୍ତି ।
ଆମେରିକା ରାଷ୍ଟପ୍ରତି ଦୌଡରେ ଭାରତୀୟ ବଂଶୋଦ୍ଭବ ହର୍ଷବର୍ଦ୍ଧନ ସିଂ ମଧ୍ୟ ସାମିଲ ହୋଇଛନ୍ତି । ଏରୋସ୍ପେସ ଇଂଜିନିୟର ହର୍ଷବର୍ଦ୍ଧନ ଏକ ଭିଡିଓ ଜାରି କରି କହିଛନ୍ତି କି, ସାରା ଜୀବନ ସେ ରିପବ୍ଲିକାନ ପାର୍ଟି ପାଇଁ କାମ କରିଛନ୍ତି । ସେ ନିଜକୁ ରିପବ୍ଲିକାନ ପାର୍ଟି ତରଫରୁ ଏକମାତ୍ର ଦୁର୍ନିତୀମୁକ୍ତ ନେତା ବୋଲି କହିଛନ୍ତି ।