ମଣିପୁର ହିଂସାରେ ଗଲାଣି ୫୪ ଜୀବନ, ସିଆରପିଏଫ କମାଣ୍ଡର ଓ ଆଇଆରଏସ ଅଫିସରଙ୍କୁ ବି ହତ୍ୟା
କନକ ବ୍ୟୁରୋ : ମଣିପୁରର ଚୁଡାଚାନ୍ଦପୁର ଅଞ୍ଚଳରେ କିଛି ସମୟ ତଳେ ଗୁଳି ବାଜିବାରୁ ୪ଜଣ ଲୋକଙ୍କ ଜୀବନ ଯାଇଛି । ଯେତେବେଳେ ସୁରକ୍ଷା କର୍ମୀମାନେ ହିଂସା ଭିତରେ ଫଶିଥିବା ଲୋକଙ୍କୁ ଉଦ୍ଧାର କରିବାକୁ ଯାଉଥିଲେ ସେତେବେଳେ ଆଇଆରଏସ ଆସୋସିଏସନ ତରଫରୁ କୁହାଯାଇଛି କି, ଇମ୍ଫାଲ ଠାରେ ଜଣେ ଟ୍ୟାକ୍ସ ଆସିଷ୍ଟାଣ୍ଟକୁ ହତ୍ୟା କରାଯାଇଛି । ଏହା ସହ ମଣିପୁରରେ ଜାରି ରହିଥିବା ହିଂସା କାରଣରୁ ଏପର୍ଯ୍ୟନ୍ତ ୫୪ ଜଣଙ୍କ ଜୀବନ ଯାଇଥିବା କଥା କୁହାଯାଉଥିବା ବେଳେ ବେସରକାରୀ ଭାବେ ଏହି ସଂଖ୍ୟା ଢେର ଅଧିକ ବୋଲି ଆକଳନ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମର ସୂଚନା ମୁତାବକ ଦୁଇ ଗୋଷ୍ଠୀଙ୍କ ମଧ୍ୟରେ ଲାଗି ରହିଥିବା ଏହି ହିଂସାରେ ୫୪ ଲୋକଙ୍କ ଜୀବନ ଯାଇଥିବା ବେଳେ ଶହ ଶହ ଲୋକ ଆହତ ହୋଇଛନ୍ତି । ସେପଟେ ରକ୍ଷା ପ୍ରବକ୍ତା କହିଛନ୍ତି କି ହିଂସା ଲାଗି ରହିଥିବା ଅଞ୍ଚଳରୁ ୧୩ ହଜାରରୁ ଅଧିକ ଲୋକଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । ସେମାନଙ୍କୁ ଏବେ ସେନା ଶିବିରରେ ରଖାଯାଇଛି । ସୁରକ୍ଷାବଳ ତରଫରୁ ତୁରନ୍ତ କାର୍ଯ୍ୟାନୁଷ୍ଠାନ ଫଳରେ ଏବେ ହିଂସା ଥମିବାରେ ଲାଗିଛି ।
ସେପଟେ ଇମ୍ଫାଲ ଘାଟିର ପ୍ରତିଟି ଛକରେ ସେନା ପକ୍ଷରୁ ବ୍ୟାରିକେଟ ଲଗାଯାଇ ଲୋକମାନଙ୍କୁ ସର୍ଚ୍ଚ କରାଯାଉଛି । ଏହାସହ ହିଂସା ଆୟତକୁ ଆସିବା ପରେ ଇମ୍ଫାଲ ଘାଟିରେ ଜନ ଜୀବନ ସାମାନ୍ୟ ହୋଇଛି । ଶନିବାର ସକାଳେ ଦୋକାନ ବଜାର ଖୋଲିଛି ।
ଅନ୍ୟପଟେ ପୋଲିସ ମହାନିର୍ଦ୍ଦେଶକ ପି, ଡୋଙ୍ଗଲ କହିଛନ୍ତି ରାଜ୍ୟ ଗୃହ ବିଭାଗ ଯେଉଁ ସୁଟ୍ ଏଟ୍ ସାଇଟ ନିର୍ଦ୍ଦେଶ ଦେଇଛନ୍ତି, ହିଂସାକୁ ରୋକିବା ପାଇଁ ତାହା ଶେଷ ଉପାୟ ବୋଲି ସେ କହିଛନ୍ତି । ଏହାସହ ସେ ଲୋକଙ୍କୁ ଅନୁରୋଧ କରିଛନ୍ତି କି, ଲୋକମାନେ ଶାନ୍ତି ଶୃଙ୍ଖଳାର ସହିତ ଯାତାୟତ କଲେ ସେମାନଙ୍କ ଉପରେ ସୁରକ୍ଷାକର୍ମୀମାନେ ଆକ୍ସନ ନେବେ ନାହିଁ ।