ଏକନାଥ ସିନ୍ଦେଙ୍କ ସହ ହୋଇପାରୁନି ଯୋଗାଯୋଗ। ସଙ୍କଟରେ ଉଦ୍ଧବ ସରକାର। ୨୦ ବିଧାୟକଙ୍କୁ ନେଇ କୁଆଡେ ଗଲେ ସିନ୍ଦେ?
କନକ ବ୍ୟୁରୋ: ମହାରାଷ୍ଟ୍ରରେ ଏମ୍ଏଲସି ନିର୍ବାଚନ ପରେ ରାଜନୈତିକ ହଇଚଇ ଦେଖିବାକୁ ମିଳିଛି । ଏମ୍ଏଲସି ନିର୍ବାଚନ ପରେ ଶିବସେନାର ବରିଷ୍ଠ ନେତା ତଥା ମନ୍ତ୍ରୀ ଏକନାଥ ସିନ୍ଦେଙ୍କ କୌଣସି ଖବର ନଥିଲା । ଏବେ ଜଣାପଡ଼ିଛି ଯେ, ସେ କିଛି ବିଧାୟକଙ୍କ ସହ ଗୁଜରାଟର ସୁରତରେ ଅଛନ୍ତି । ଆଶଙ୍କା କରାଯାଉଛି କି, ଶିବସେନାର କିଛି ବିଧାୟକ କ୍ରସ୍ ଭୋଟିଂ କରିଥିଲେ, ଯାହା ଫଳରେ ଦଳର କ୍ଷତି ହୋଇଥିଲା । ଗତକାଲି ବିଳମ୍ବିତ ରାତିରେ ମହାରାଷ୍ଟ୍ରର ୧୦ ସିଟ୍ ଉପରେ ବିଧାନ ପରିଷଦ ନିର୍ବାଚନର ଫଳାଫଳ ଘୋଷଣା କରାଯାଇଥିଲା । ଏଥିରେ ବିଜେପିର ୫ ଜଣ ପ୍ରାର୍ଥୀ ବିଜୟୀ ହୋଇଥିବା ବେଳେ ଶିବସେନା ଓ ଏନ୍ସିପିର ୨ ଜଣ ଲେଖାଏଁ ପ୍ରାର୍ଥୀ ବିଜୟୀ ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଏକନାଥ ସିନ୍ଦେ ଦାବି କରୁଛନ୍ତି ଯେ, ତାଙ୍କ ସପକ୍ଷରେ ଏବେ ୨୦ ଜଣ ବିଧାୟକ ଅଛନ୍ତି । ଅନ୍ୟପଟେ ଆଜି ଅପରାହ୍ଣରେ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ବୈଠକ ଡାକିଛନ୍ତି । ଏଥିରେ ସମସ୍ତ ବିଧାୟକଙ୍କୁ ଉପସ୍ଥିତ ରହିବା ପାଇଁ କୁହାଯାଇଛି ।