ଗରିବ ପରିବାର ପାଇଁ ମହାରାଷ୍ଟ୍ର ସରକାରଙ୍କ ବଡ ଉପହାର, ଗଣେଶ ପୂଜା ଠାରୁ ୧୦୦ଟଙ୍କାରେ ମିଳିବ ରାସନ କିଟ୍
କନକ ବ୍ୟୁରୋ : ମହାରାଷ୍ଟ୍ର ସରକାର ସାଧାରଣ ଗରିବ ଲୋକଙ୍କ ପାଇଁ ଏକ ବଡ ଘୋଷଣା କରିଛନ୍ତି । ମହାରାଷ୍ଟ୍ର ସରକାରଙ୍କ ‘ଆନନ୍ଦ କା ରାସନ’ ଯୋଜନାକୁ କ୍ୟାବିନେଟର ମଞ୍ଜୁରୀ ମିଳିଛି । ଏହି କ୍ରମରେ ଏବେ ସରକାରୀ ରାସନ ଦୋକାନରେ ୧କିଲୋ ସୂଜି, ୧ଲିଟର ଖାଇବା ତେଲ, ୧ କିଲୋ ଚିନି ଓ ୧ କିଲୋ ଚଣାଡାଲି କେବଳ ୧୦୦ ଟଙ୍କାରେ ସରକାର ଉପଲବ୍ଧ କରାଇବେ । ଏହା କେବଳ ରାଜ୍ୟର ରାସନକାର୍ଡଧାରୀଙ୍କୁ ମିଳିବ । ମହାରାଷ୍ଟ୍ରରେ ୧କୋଟି ୬୩ ଲକ୍ଷ ରାସନକାର୍ଡଧାରୀ ଏଥିରେ ଉପକୃତ ହେବେ ବୋଲି ସରକାରୀ ତଥ୍ୟ କହୁଛି ।
Kanak News is now on WhatsApp
Join and get latest news updates delivered to you via WhatsApp
କେବଳ ସେତିକି ନୁହେଁ ମହାରାଷ୍ଟ୍ର ସରକାର ରାଜ୍ୟରେ ଥିବା ବେଆଇନ ଜୁଆ ଆଡ୍ଡା ଉପରେ ମଧ୍ୟ ପ୍ରତିବନ୍ଧକ ଲଗାଇଛନ୍ତି । ଏହାକୁ କ୍ୟାବିନେଟର ମଞ୍ଜୁରୀ ମଧ୍ୟ ମିଳିଛି । ଜୁଆ ଆଡ୍ଡା ଅଧିନିୟମ ୧୯୭୬ କ୍ରମରେ ରାଜ୍ୟରେ ଜୁଆ ଆଡ୍ଡାକୁ ବୈଦ୍ଧ କରିବାକୁ ଚାରିଆଡୁ ଚାପ ପଡୁଥିଲେ ବି ସରକାର ଏହାକୁ ବେଆଇନ ବୋଲି ଘୋଷଣା କରିବା ସହ ରାଜ୍ୟ କ୍ୟାବିନେଟ ଏହି ପ୍ରସ୍ତାବ ଉପରେ ମଞ୍ଜୁରୀ ପ୍ରଦାନ କରିଛନ୍ତି ।
ଗତବର୍ଷ ମଧ୍ୟ ମହାରାଷ୍ଟ୍ର ସରକାର ଦିପାବଳୀରେ ଗରିବ ଲୋକଙ୍କ ପାଇଁ ୧୦୦ ଟଙ୍କାରେ ରାସନ କିଟ୍ ଉପଲବ୍ଧ କରାଇଥିଲେ ।