କନକ ବ୍ୟୁରୋ : ବିବାହ ପରେ ଶାରୀରିକ ସମ୍ପର୍କ ରଖିବାକୁ ଅରାଜି ହେବା ଅପରାଧ । ଏହାକୁ କର୍ଣ୍ଣାଟକର ଏକ ଫ୍ୟାମିଲି କୋର୍ଟ ବା ପରିବାର ଅଦାଲତ ନିଷ୍ଠୁରତା ବୋଲି ରାୟ ଦେଇଥିଲେ । ଏବେ କିନ୍ତୁ ଏହି ରାୟକୁ ବଦଳାଇ ଦେଇଛନ୍ତି ହାଇକୋର୍ଟ । ଯଦିଓ ସ୍ୱାମୀ ସ୍ତ୍ରୀ ସହ ଶାରୀରିକ ସଂପର୍କ ରଖିବାରୁ ମନା କରିବା ହିନ୍ଦୁ ବିବାହ ଆଇନ ଅନୁଯାୟୀ ଅପରାଧ । ହେଲେ ଭାରତୀୟ ଦଣ୍ଡବିଧି ସଂହିତ ଅନୁଯାୟୀ ଏହା ଅପରାଧ ନୁହେଁ ବୋଲି ହାଇକୋର୍ଟ କହିଛନ୍ତି । ତେଣୁ ଏହି ମାମଲାରେ ଅପରାଧିକ ମାମଲା ରୁଜୁ ହୋଇପାରିବନି ବୋଲି କହି ଜଣେ ମହିଳାଙ୍କ ଆବେଦନକୁ ଖାରଜ କରିଛନ୍ତି କର୍ଣ୍ଣାଟକ ହାଇକୋର୍ଟ ।
Kanak News is now on WhatsApp
Join and get latest news updates delivered to you via WhatsApp
ଜଷ୍ଟିସ ଏମ ନାଗାପ୍ରସନ୍ନାଙ୍କ ଦ୍ୱାରା ଗଠିତ ଖଣ୍ଡପୀଠ ଶୁଣାଣି କରି କହିଛନ୍ତି, ଆବେଦନକାରୀଙ୍କ ମତରେ ବିବାହ ହେଉଛି ଆତ୍ମା ସହ ଆତ୍ମାର ମିଳନ । ଏଥିପାଇଁ ଶାରୀରିକ ସମ୍ପର୍କର ଆବଶ୍ୟକତା ନାହିଁ । ବିବାହ ପରେ ପତ୍ନୀଙ୍କ ସହ ଶାରୀରିକ ସମ୍ପର୍କ ନରଖିବା ନିଷ୍ଠୁରତା ବୋଲି ହିନ୍ଦୁ ବିବାହ ଆଇନ କହୁଛି । କିନ୍ତୁ ଭାରତୀୟ ଆଇନ ସଂହିତାର ୪୯୮‘ଏ’ରେ ନିଷ୍ଠୁରତା ସଂଜ୍ଞା ତାହାର ଅର୍ନ୍ତଭୁ୍କ୍ତ ନୁହେଁ । ମହିଳା ଜଣଙ୍କ ଯେଉଁ ଆବେଦନ କରିଥିଲେ ଏବଂ ଚାର୍ଜସିଟରେ ସେଭଳି କିଛି ଉଲ୍ଲେଖ ନାହିଁ ଯେଉଁଥିରେ ନିଷ୍ଠୁରତା ହେବାର ପ୍ରମାଣ ଅଛି । ଯଦିଓ ଦମ୍ପତିଙ୍କର ଛାଡପତ୍ର ହୋଇସାରିଛି । କିନ୍ତୁ ପରିବାର ଅଦାଲତ ସଂପୃକ୍ତ ସ୍ୱାମୀ ନିଷ୍ଠରତା କରିଥିବା କହି ଯେଉଁ ଅପରାଧିକ ମାମଲା ରୁଜୁ ପାଇଁ ରାୟ ଦେଇଛନ୍ତି ତାହା ଗ୍ରହଣୀୟ ନୁହଁ ।
ଆବେଦନକାରୀ ମହିଳା ୨୦୧୯ ମସିହାରେ ବିବାହ କରିଥିଲେ । କେବଳ ୨୮ ଦିନ ଶାଶୁଘରେ ରହିଥିଲେ । ୨୦୨୦ ମସିହାରେ ଶାଶୁଘରଙ୍କ ବିରୋଧରେ ଯୌତୁକ ମାମଲା ରୁଜୁ କରିଥିଲେ । ୨୦୨୨ ମସିହାରେ ଦୁଇଜଣଙ୍କ ବିରୋଧରେ ବିବାହ ବିଚ୍ଛେଦ ହୋଇଥିଲା ।