କନକ ବୁରୋ : ଚୀନ ଯେଉଁଠି ଚିନ୍ତା ସେଇଠି । ଚୀନ ଯେଉଁଠି ଷଡଯନ୍ତ୍ର ସେଠି । ଏବେ ଏମିତି କିଛି ଶଦ୍ଧ ସହ ଚୀନକୁ ଟାର୍ଗେଟ କରିଛନ୍ତି ଭାରତୀୟ ବୈଦେଶିକମନ୍ତ୍ରୀ ଏସ ଜୟଶଙ୍କର । ଏକ ସାକ୍ଷାତକାର ଦେଇ ଜୟଶଙ୍କର ସ୍ପଷ୍ଟ ଶବ୍ଦରେ ଚୀନକୁ ସମାଲୋଚନା କରିଛନ୍ତି । ଏଥିସହ ଚୀନକୁ ନେଇ ଦେଶରେ ରାଜନୀତି ହେଉଛି ଓ ଏହାର ମଙ୍ଗ ଆଉ କେହି ନୁହେଁ କଂଗ୍ରେସ ଧରିଛି ବୋଲି ସେ କହିଛନ୍ତି । ଚୀନ-ଭାରତ ସୀମା ବିବାଦକୁ ନେଇ କଂଗ୍ରେସ ନେତା ରାହୁଲ ଗାନ୍ଧୀ ବାରମ୍ବାର ପ୍ରଶ୍ନ ଉଠାଉଥିବାବେଳେ ଜୟଶଙ୍କର ଏହାର ଜବାବ ମଧ୍ୟ ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସାକ୍ଷାତକାରରେ ନିଜ ଜୀବନଯାତ୍ରା ସଂପର୍କରେ ଜୟଶଙ୍କର କହିଛନ୍ତି, ୨୦୧୯ରେ ତାଙ୍କୁ କେନ୍ଦ୍ରମନ୍ତ୍ରୀ ହେବାର ସୁଯୋଗ ମିଳିଲା ଏବଂ ଏହା ଅତ୍ୟନ୍ତ ଅପ୍ରତ୍ୟାଶିତ ଥିଲା। ‘ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧି ୧୯୮୦ ରେ କ୍ଷମତାକୁ ଫେରିବା ପରେ ମୋ ବାପା ଡ କେ ସୁବ୍ରମଣ୍ୟମଙ୍କୁ ପ୍ରତିରକ୍ଷା ଉତ୍ପାଦନ ସଚିବ ପଦରୁ ହଟାଇ ଦେଇଥିଲେ । ରାଜୀବ ଗାନ୍ଧି ପ୍ରଧାନମନ୍ତ୍ରୀ ହେବାପରେ ମୋ ପିତାଙ୍କଠାରୁ କନିଷ୍ଠ ଥିବା ଜଣେ ଅଧିକାରୀଙ୍କୁ କ୍ୟାବିନେଟ ସଚିବ କରାଯାଇଥିଲା । ଏହା ମୋ ପିତାଙ୍କୁ ଅନେକ ଦିନ ଧରି ବିଚଳିତ କରି ରଖିଥିଲା’ ବୋଲି ଜୟଶଙ୍କର କହିଛନ୍ତି ।
ଅନ୍ୟପକ୍ଷେ କଂଗ୍ରେସ ସବୁବେଳେ ଚୀନ୍ ସୀମା ବିବାଦକୁ ନେଇ ଭୁଲ୍ ତଥ୍ୟ ରଖୁଥିବାରୁ ୟଶଙ୍କର କଂଗ୍ରେସ ଉପରେ ବର୍ଷିଛନ୍ତି ଏବଂ ରାହୁଲ ଗାନ୍ଧିଙ୍କୁ କଟାକ୍ଷ କରିଛନ୍ତି । ଜୟଶଙ୍କର କହିଛନ୍ତି, ନରେନ୍ଦ୍ର ମୋଦୀ ଏଲ୍ଏସିକୁ ବିପୁଳ ସେନା ପଠାଇଥିଲେ, ରାହୁଲ ଗାନ୍ଧି ନୁହନ୍ତି । ଜୟଶଙ୍କର ଆଜି ତାହାର ଜବାବ ଦେଇଛନ୍ତି । ଯଦି ଚୀନ୍ ସଂକ୍ରାନ୍ତରେ ତାଙ୍କଠାରୁ ରାହୁଲଙ୍କର ଅଧିକ ଜ୍ଞାନ ଅଛି ତେବେ ସେ ତାଙ୍କ କଥା ଶୁଣିବାକୁ ଇଚ୍ଛୁକ ବୋଲି ଜୟଶଙ୍କର କହିଛନ୍ତି ।