କନକ ବ୍ୟୁରୋ : ଦେଶର ୧୪ତମ ଉପରାଷ୍ଟ୍ରପତି ଭାବେ ଆଜି ଶପଥ ନେବେ ଜଗଦୀପ ଧନଖଡ । ରାଷ୍ଟ୍ରପତି ଭବନରେ ଆୟୋଜିତ ଶପଥ ସମାରୋହରେ ଦିନ ସାଢେ ୧୨ଟାରେ ଉପରାଷ୍ଟ୍ରପତିଙ୍କ ଭାବେ ସେ ଶପଥ ଗ୍ରହଣ କରିବେ । ରାଷ୍ଟ୍ରପତି ଦ୍ରୌପଦୀ ମୁର୍ମୁ ତାଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇବେ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
କିଛି ଦିନ ତଳେ ହୋଇଥିବା ଉପରାଷ୍ଟ୍ରପତି ନିର୍ବାଚନରେ ଏନଡିଏ ପ୍ରାର୍ଥୀ ଜଗଦୀପ ଧନଖଡ ବିପୁଳ ବିଜୟ ହାସଲ କରିଥିଲେ । ୫୨୮ ଭୋଟ ସହ ଜଗଦୀପ ଧନଖଡ ବିଜୟୀ ହୋଇଥିଲେ । ସେପଟେ ମିଳିତ ବିରୋଧୀ ପ୍ରାର୍ଥୀ ମାର୍ଗାରେଟ ଆଲଭାଙ୍କୁ ମିଳିଥିଲା ମାତ୍ର ୧୨୮ ଖଣ୍ଡ ଭୋଟ୍ । ଉପରାଷ୍ଟ୍ରପତି ନିର୍ବାଚନରେ ମୋଟ ୭୨୦ ଭୋଟ ଗ୍ରହଣ କରାଯାଇଥିଲା । ସେଥିମଧ୍ୟରୁ ୭୧୦ଟି ଭୋଟକୁ ବୈଧ୍ୟ ଘୋଷଣା କରାଯାଇଥିଲା ବେଳେ ୧୫ ଖଣ୍ଡ ଭୋଟକୁ ନାକଚ କରି ଦିଆଯାଇଥିଲା ।