ଲଘୁଚାପ ପ୍ରଭାବ : ୧୧ ଜିଲ୍ଲାକୁ ଅରେଞ୍ଜ, ୧୨ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି
କନକ ବ୍ୟୁରୋ : ଘନୀଭୂତ ହେଉଛି ଲଘୁଚାପ । ପ୍ରଭାବରେ ଦକ୍ଷିଣ ଓଡ଼ିଶାରେ ପ୍ରବଳ ବର୍ଷା ଲାଗି ରହିଛି । ୧୧ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ, ୧୨ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି । ଅରେଂଜ ୱାର୍ଣ୍ଣି ଜାରି ହୋଇଥିବା ଜିଲ୍ଲା ଗୁଡ଼ିକ ହେଲା ପୁରୀ, ଖୋର୍ଦ୍ଧା, ନୟାଗଡ଼, ଗଂଜାମ, କନ୍ଧମାଳ, ଗଜପତି, ରାୟଗଡ଼ା କଳାହାଣ୍ଡି, ନବରଙ୍ଗପୁର,କୋରାପୁଟ, ମାଲକାନଗିରି । ୟେଲୋ ୱାର୍ଣ୍ଣିଂ ଜାରି ହୋଇଥିବା ଜିଲ୍ଲା ହେଲା ବାଲେଶ୍ୱର, ଭଦ୍ରକ, କେନ୍ଦ୍ରାପଡ଼ା, ଜଗତସିଂହପୁର, କଟକ, ଯାଜପୁର, ଢ଼େଙ୍କାନାଳ,ଅନୁଗୁଳ, ବୌଦ୍ଧ, ସୋନପୁର, ବଲାଙ୍ଗୀର, ନୂଆପଡ଼ା ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଆଜି ସକାଳ ସାଢ଼େ ୮ଟା ଯାଏଁ କଳାହାଣ୍ଡି, ରାୟଗଡ଼ା ଜିଲ୍ଲା ପାଇଁ ରେଡ୍ ୱାର୍ଣ୍ଣିଂ ଜାରି କରିଥିଲା ପାଣିପାଗ ବିଭାଗ । ଆସନ୍ତା ୧୦ ତାରିଖ ଯାଏଁ ରାଜ୍ୟର ବିଭିନ୍ନ ସ୍ଥାନରେ ଲାଗି ରହିବ ବର୍ଷା । ପ୍ରବଳ ବର୍ଷା ଯୋଗୁଁ ବିଭିନ୍ନ ନଦୀର ଜଳସ୍ତର ବୃଦ୍ଧିର ଆଶଙ୍କା ରହିଛି । ବିଶେଷ କରି ଋଷିକୁଲ୍ୟା, ବଂଶଧାରା ଓ ନାଗାବଳୀ ନଦୀ ଫୁଲିବାର ଆଶଙ୍କା ରହିଥିବାରୁ ସତର୍କ ରହିବାକୁ ପାଣିପାଗ ବିଶେଷଜ୍ଞମାନେ ପରାମର୍ଶ ଦେଇଛନ୍ତି ।
ଲଘୁଚାପ ପ୍ରଭାବରେ କନ୍ଧମାଳରେ ଗତକାଲିଠୁ ଜାରି ରହିଛି ଲଗାଣ ବର୍ଷା । ବାଲିଗୁଡା ଉପଖଣ୍ଡର କ.ନୂଆ ଗାଁ ଦେଇ ବୋହି ଯାଇଥିବା ପେନୁ ନଦୀ ଫୁଲିବାରେ ଲାଗିଛି । ଆଜି ବିରିନ୍ଦାପଡା ନିକଟରେ ପେନୁଆ ନଦୀରେ ବର୍ଷା ପାଣି ନଦୀର ଦୁଇ କୂଳ ଖାଇ ମାଡିଆସିବାରୁ ଚାହୁଁ ଚାହୁଁ କାଠ ପୋଲକୁ ଭସେଇ ନେଇଛି । ପାଣିର ପ୍ରଖର ସ୍ରୋତରେ କାଠ ପୋଲ ଭାସି ଯାଉଥିବାର ଦୃଶ୍ୟ କ୍ୟାମେରାରେ କଏଦ ହୋଇଛି । ଏହି କାଠପୋଲକୁ ଦୁଇଟି ଏନଜିଓ ସଂସ୍ଥାର ସହାୟତାରେ ସ୍ଥାନୀୟ ଲୋକେ ତିଆରି କରିଥିଲେ । ହେଲେ ବର୍ଷା ପାଣି ପୋଲକୁ ଭସେଇ ନେବାରୁ ବିରିନ୍ଦାପଡା ସମେତ ବାନ୍ଦାବାଜୁ, ଜାବ୍ରାକେତା ଓ କାଣ୍ଡ୍ରିକୁଟି ଗାଁକୁ ଯାତାୟତ ବନ୍ଦ ହୋଇଯାଇଛି ।