ଗଣପତିଙ୍କୁ ପୂଜା କଲେ ବୋଲି.. ମହିଳାଙ୍କ ବିରୋଧରେ ଫତୱା ଜାରି । ପୁରା ପରିବାରକୁ ଧମକ ।
କନକ ବ୍ୟୁରୋ: ସାରା ଦେଶ ଅଗ୍ରପୂଜ୍ୟ ଗଣପତିଙ୍କ ପୂଜାରେ ମାତିଥିବାବେଳେ ଉତ୍ତରପ୍ରଦେଶ ଆଲିଗଡରେ ଏହାର ବ୍ୟତୀକ୍ରମ ଦେଖାଦେଇଛି । ଆଲିଗଡର ଜଣେ ମହିଳା ରୁବି ଆସିଫ ଖାନ୍ ନିଜ ଘରେ ଶ୍ରୀଗଣେଶଙ୍କ ପୂଜା କଲେ ବୋଲି ତାଙ୍କ ବିରୋଧରେ ଫତୱା ଜାରି କରିଛି ରାଜ୍ୟ ମୁସଲମାନ୍ ସମ୍ପ୍ରଦାୟ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରୁବି ଆସିଫ ଘରେ ଗଣେଶ ପୂଜା କରିବା ପରେ ତାଙ୍କୁ ଧମକ ଦେଇଛନ୍ତି ଫତୱା ମୋବାଇଲ ସର୍ଭିସ୍ ଦେବବନ୍ଦ ଅଧ୍ୟକ୍ଷ ମୁଫତି ଅରଶଦ ଫାରୁକି । ଏକ ଭିଡିଓ ଜାରି କରି ରୁବିଙ୍କ ପରିବାରକୁ ଧମକ ଦେଇଛନ୍ତି । ସେ କହିଛନ୍ତି ଯେ, ଗଣପତି ହିନ୍ଦୁମାନଙ୍କର ଅଗ୍ରପୂଜ୍ୟ । ବିବାହ କ୍ଷେତ୍ରରେ ହେଉ ବା ରିଷ୍ଟ ଖଣ୍ଡନ ପାଇଁ ହେଉ ତାଙ୍କୁ ଆରାଧନା କରାଯାଏ । କିନ୍ତୁ ମୁସଲିମ୍ ଧର୍ମ ଅନୁସାରେ ମୁସଲମାନ ଧର୍ମର ଲୋକେ କେବଳ ଆଲ୍ଲାଙ୍କ ପୂଜା କରିବେ । ଏହା ଛଡା ଯଦି ଅନ୍ୟ କେଉଁ ଦେବତାଙ୍କର ପୂଜା କରନ୍ତି ତାହା ଇସଲାମ ବିରୋଧୀ । ଇସଲାମ ଅନୁସାରେ ଉକ୍ତ ବ୍ୟକ୍ତିଙ୍କ ବିରୋଧରେ ହୁକୁମ ଜାରି ହେବ ।
କିନ୍ତୁ ଏହି ଧମକର ଉଚିତ ଜବାବ ଦେଇଛନ୍ତି ରୁବି । ସେ ପୂର୍ବରୁ ମଧ୍ୟ ତାଙ୍କ ଘରେ ହିନ୍ଦୁ ଦେବାଦେବୀଙ୍କୁ ପୂଜା କରିଆସୁଛନ୍ତି । ଆଜି ବି କରୁଛନ୍ତି । ଯେଉଁମାନେ ତାଙ୍କୁ ଧମକ ଦେଉଛନ୍ତି ସେ ପ୍ରକୃତ ମୁସଲମାନ ନୁହଁନ୍ତି । ସେମାନେ ଆତତାୟୀ । ଇସଲାମ ସର୍ବଧର୍ମ ସମନ୍ୱୟର ବାର୍ତ୍ତା ଦିଏ । ଏହା ସତ୍ତେ୍ୱ ଯଦି ତାଙ୍କୁ ଧମକ ଦିଆଯାଉଛି ତେବେ ଏହାକୁ ସେ ଭୃକ୍ଷେପ କରନ୍ତି ନାର୍ହି । ଏହା ପୂର୍ବରୁ ମଧ୍ୟ ତାଙ୍କୁ ଫତୱା ଧମକ ଦିଆଯାଇଥିବା କହିଛନ୍ତି ରୁବି ଆସିଫ ଖାନ୍ ।