କର୍ଲାଘାଟି ଜଙ୍ଗଲରେ ବୁଲୁଛି ଦନ୍ତା । ହାତୀକୁ ଦେଖିବା ପରେ ଭୟଭୀତ ଲୋକ ।

କନକ ବ୍ୟୁରୋ: ରାୟଗଡା ଜିଲ୍ଲା ଗୁଡ଼ାରୀ ବନାଞ୍ଚଳ ଅନ୍ତର୍ଗତ କର୍ଲାଘାଟି ଜଙ୍ଗଲରେ ବୁଲୁଛି ଦନ୍ତା । ଗତକାଲି ବିରିପାଙ୍କା ଗାଁର ଲୋକେ ହାତୀକୁ ଦେଖିବା ପରେ ଗୁଡ଼ାରୀ ବନ ବିଭାଗକୁ ଖବର ଦେଇଥିଲେ । ଖବର ପାଇ ଗୁଡ଼ାରୀ ବନ ବିଭାଗ ହାତୀ ଚଳାଚଳ କରୁଥିବା ଅଞ୍ଚଳରେ ପହଞ୍ଚି ନିକଟସ୍ଥ ଗାଁର ଲୋକଙ୍କୁ ସଚେତନ କରିବା ସହ ହାତୀର ଗତିବିଧି ଉପରେ ନଜର ରଖିଛି । ହାତୀଟି ମୁନିଗୁଡା ରେଞ୍ଜ ଅଞ୍ଚଳରୁ ଚାଲି ଆସିଥିବା ବନ ବିଭାଗ ସନ୍ଦେହ କରୁଛି । ବର୍ତମାନ ସୁଦ୍ଧା ହାତୀ କାହାର କିଛି କ୍ଷୟକ୍ଷତି ଘଟାଇନଥିବା ଗୁଡ଼ାରୀ ବନପାଳ ଦିଲୀପ ପଟ୍ଟନାୟକ ସୂଚନା ଦେଇଛନ୍ତି । ସ୍ଥାନୀୟ ଅଞ୍ଚଳରେ ହାତୀ ଚଳପ୍ରଚଳ କରୁଥିବାରୁ ଅଞ୍ଚଳବାସୀ ଭୟଭୀତ ଅଛନ୍ତି ।