ସୁପ୍ରିମକୋର୍ଟରେ ସତ୍ୟପାଠ ଦାଖଲ କଲେ କେନ୍ଦ୍ର ସରକାର । ଟିକାର ପ୍ରତିିକୁଳ ପ୍ରଭାବ ପାଇଁ ସରକାର ଦାୟି ନୁହଁନ୍ତି ବୋଲି ସତ୍ୟପାଠରେ ଉଲ୍ଲେଖ
କନକ ବ୍ୟୁରୋ : କରୋନା ଟିକାରେ ହୋଇଥିବା ମୃତ୍ୟୁ ପ୍ରସଙ୍ଗ ଉପରେ ମଙ୍ଗଳବାର ସୁପ୍ରିମକୋର୍ଟରେ ସତ୍ୟପାଠ ଦାଖଲ କରିଛନ୍ତି କେନ୍ଦ୍ର ସରକାର । କରୋନା ଟିକା ଦ୍ୱାରା ହେଉଥିବା ମୃତ୍ୟୁ ପାଇଁ ସରକାର ଦାୟୀ ନୁହଁନ୍ତି ବୋଲି ସତ୍ୟପାଠରେ କୁହାଯାଇଛି । କରୋନା ଟିକା ଦ୍ୱାରା ହୋଇଥିବା କଥିତ ମୃତ୍ୟୁ ପାଇଁ କେନ୍ଦ୍ର ସରକାର ଦାୟିତ୍ୱ ନେବାକୁ ମନା କରି ଦେଇଛନ୍ତି । ସରକାର କହିଛନ୍ତି ମୃତକ ଓ ତାଙ୍କ ପରିବାର ପ୍ରତି ଆମର ସହାନୁଭୂତି ରହିଛି କିନ୍ତୁ ଟିକାକରଣ ପରେ କୌଣସି ପ୍ରତିକୂଳ ପରିସ୍ଥିତି ପାଇଁ ସରକାର ଦାୟୀ ନୁହଁନ୍ତି ।
Kanak News is now on WhatsApp
Join and get latest news updates delivered to you via WhatsApp
୨୦୨୧ ମସିହାରେ ଦୁଇ ଝିଅଙ୍କ ମୃତ୍ୟୁ ଟିକା ନେବା ପରେ ହେବା ଯୋଗୁଁ ସେମାନଙ୍କ ବାପା ମା କୋର୍ଟଙ୍କ ଦ୍ୱାରସ୍ଥ ହୋଇଥିଲେ । ମୃତ୍ୟୁ ମାମଲାର ନିରପେକ୍ଷ ଯାଂଚ ପାଇଁ ଆବେଦନରେ କୁହାଯାଇଥିଲା । ଏଥିସହ ଟିକାର ପାଶ୍ୱପ୍ରତିକ୍ରିୟା ହେବା ପୂର୍ବରୁ ଏହାକୁ ଚିହ୍ନଟ କରି ସେଥିରୁ ରକ୍ଷା ପାଇବା ପାଇଁ ଉପାୟ ଖୋଜିବା ଆବଶ୍ୟକ ଓ ଏହାର ପାଇଁ ସ୍ୱତନ୍ତ୍ର ବିଶେଷଜ୍ଞ ଟିମ ଗଠନ ପାଇଁ ଆବେଦନରେ ଦାବି ହୋଇଥିଲା । ଏହି ଆବେଦନକୁ ଆଧାର କରି ସରକାରଙ୍କଠୁ ଜବାବ ମାଗିଥିଲେ ସୁପ୍ରିମକୋର୍ଟ । ଏହା ଉପରେ ମଙ୍ଗଳବାର କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ କୋର୍ଟରେ ସୁପ୍ରିମକୋର୍ଟରେ ସତ୍ୟପାଠ ଦାଖଲ କରିଛନ୍ତି । ତେବେ କୋର୍ଟ କହିଛନ୍ତି କି ମୃତ୍ୟୁ ମାମଲାରେ କ୍ଷତିପୂରଣ ପାଇଁ ସିଭିଲି କୋର୍ଟରେ ମକଦମା ଦାୟର କରି କ୍ଷତିପୁରଣ ମଗାଯାଇପାରେ ।