କନକ ବ୍ୟୁରୋ : ଇଲେକ୍ଟ୍ରିକ୍ କାର୍ ବା ବିଦ୍ୟୁତ୍ ଚାଳିତ କାର୍ । ବର୍ତ୍ତମାନ ପେଟ୍ରୋଲ ଡିଜେଲର ମହଙ୍ଗା ଯୁଗରେ ଇଲେକ୍ଟ୍ରିକ୍ ଗାଡିର ବ୍ୟବହାର ବେସ୍ ଅଧିକ ବଢିଗଲାଣି । ସମସ୍ତେ ପ୍ରାୟ ବିଦ୍ୟୁତ୍ ଚାଳିତ ଗାଡିକୁ ବ୍ୟବହାର କରିବାରେ ଲାଗିଲେଣି । କିନ୍ତୁ ବୋଧ ଅନେକ ଲୋକ ଜାଣିନଥିବେକି, ବିଦ୍ୟୁତ୍ ଚାଳିତ ଗାଡିର ବ୍ୟବହାର କେତେ ବର୍ଷ ହେବ ଆରମ୍ଭ ହୋଇଛି । ବିଦ୍ୟୁତ୍ ଚାଳିତ ଗାଡି ୨୦ କି ୩୦ ବର୍ଷ ନୁହେଁ ଏହା ପ୍ରାୟ ୨ଶହ ବର୍ଷ ପୂର୍ବରୁ ଆରମ୍ଭ ହୋଇସାରିଛି । ପେଟ୍ରୋଲ୍ ଡିଜେଲ୍ ଚାଳିତ କାରର ଇତିହାସ ଯେତିକି ପୁରୁଣା, ଇଲେକ୍ଟ୍ରିକ୍ କାରର ଇତିହାସବି ସେତିକି ପୁରୁଣା । ଇଲେକ୍ଟ୍ରିକ୍ କାରକୁ ଚାର୍ଜ କରିବା ଏକ ବଡ ସମସ୍ୟା ହୋଇପଡିବାକୁ ବିଦ୍ୟୁତ୍ ଚାଳିତ କାରକୁ ବିକଶିତ କରିବାରେ ୨ଶହ ବର୍ଷ ଲାଗିଗଲା । ତେବେ ଆସନ୍ତୁ ଜାଣିବା କେମିତି ଥିଲା ପ୍ରଥମ ଇଲେକ୍ଟ୍ରିକ୍ କାର ଏବଂ ତାର ରେଞ୍ଜ କେତେ ଥିଲା ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
୨ଶହ ବର୍ଷ ପୂର୍ବେ ଲଞ୍ଚ ହୋଇଥିଲା ପ୍ରଥମ ଇଲେକ୍ଟ୍ରିକ୍ କାର
ଉନଂବୀଶ ଶତାବ୍ଦି ଆରମ୍ଭରୁ ଅନେକ ଦେଶ ନୂଆ ନୂଆ ମଡେଲର କାର୍ ବନାଇବା ଆରମ୍ଭ କରି ଦେଇଥିଲେ । ସେହି ସମୟରେ ଚାଚିଚକିଆ ଗାଡି ଲୋକଙ୍କ ମଧ୍ୟରେ କୌତୁହଳର ବିସୟ ପାଲଟିଥିଲା । ସେତେବେଳ ସମୟରେ କେବଳ ଡିଜେଲ ଚାଳିତ ଗାଡି ହିଁ ତିଆରି ହୋଉଥିଲା । କିନ୍ତୁ ସେହି ସମୟରେ ସ୍କଟଲ୍ୟାଣ୍ଡର ଜଣେ ମେକାନିକ୍ କିଛି ଏପରି କରି ଦେଖାଇଲେ ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲା ।
୧୮୩୨ରେ ସ୍କଟଲ୍ୟାଣ୍ଡର ଜଣେ ମେକାନିକ୍ ଡିଜେଲ ଚାଳିତ ଏକ ପୁରୁଣା କାରକୁ ଇଲେକ୍ଟ୍ରିକ୍ କାରରେ ପରିଣତ କରିଦେଇଥିଲେ । ସେ ଏହି କାରରେ ସିଙ୍ଗିଲ ଚାର୍ଜ ବ୍ୟାଟେରୀର ବ୍ୟବହାର କରିଥିଲେ । ଯାହାକୁ ମାତ୍ର ଗୋଟିଏ ଥର ବ୍ୟବହାର କରାଯାଇପାରୁଥିଲା । ଏହି କାର୍ ଘଣ୍ଟା ପ୍ରତି ୪କିମି ବେଗରେ ମାତ୍ର ୨.୫ କିଲୋମିଟର ଚାଲିବାର କ୍ଷମତା ରଖିଥିଲା । ଏହାର ଠିକ୍ ୨୦ବର୍ଷ ପରେ ଚାର୍ଜିଂ ବ୍ୟାଟେରୀ ଚାଳିତ ଇଲେକ୍ଟ୍ରିକ୍ କାର୍ ମାର୍କେଟକୁ ଆସିଥିଲା ।
ଠିକ୍ ଏହି ସମୟରେ ଫ୍ରାନ୍ସର ଏକ ବୈଜ୍ଞାନିକ, ୧୮୬୫ରେ ପ୍ରଥମ ଥର ପାଇଁ ଲିଡ୍ ଏସିଡ୍ ବ୍ୟାଟେରୀରେ ଇଲେକ୍ଟ୍ରିକ୍ କାରକୁ ଚଲାଇଥିଲେ । ତେବେ ଇଲେକ୍ଟ୍ରିକ୍ କାରକୁ ବିକଶିତ କରିବାର କାମ ସେମିତି ଚାଲୁ ରହିଥିଲା । ଆଉ ୧୮୯୧ରେ ଆମେରିକାରେ ପ୍ରଥମ ଥର ପାଇଁ ଇଲେକ୍ଟ୍ରିକ୍ କାର ରାସ୍ତାକୁ ଓହ୍ଲାଇଥିଲା । ପରେ ଯ୮୯୯ରେ ପ୍ରଥମ ଥର ପାଇଁ ହାଇବ୍ରିଡ୍ କାର ଲଞ୍ଚ ହୋଇଥିଲା ଯାହା ପେଟ୍ରୋଲ୍ ଏବଂ ବୁଦ୍ୟୁତ୍ ଉଭୟରେ ଚାଲିବାର କ୍ଷମତା ରଖିଥିଲା ।