କିଏ ଏହି ଭାରତୀୟ ଯୁବକ ? ଯାହାକୁ ହୃଦୟ ଦେଲେ ବ୍ରିଟିଶ୍ ମହିଳା ଅଫିସର
କନକ ବ୍ୟୁରୋ: ବିଦେଶୀ ମହିଳା ଅଫିସରଙ୍କ ମନ ମୋହିଲେ ଭାରତୀୟ ଯୁବକ । ନିଜର ଉଚ୍ଚ ପଦବୀ ଓ ବିଦେଶର ସବୁ ଚାକଚକ୍ୟକୁ ପଛରେ ପକାଇ ଭାରତୀୟ ଯୁବକଙ୍କ ହାତ ଧରିଲେ ଭାରତରେ ଅବସ୍ଥାପିତ ଜଣେ ବ୍ରିଟିଶ୍ ମହିଳା ଅଫିସର । ଅଗ୍ନିକୁ ସାଖୀ ରଖି ସାତ ଜନ୍ମର ସାଥୀ ହେବାକୁ କଥା ଦେଲେ ।
ଏପରି ଘଟିଛି ରାଜଧାନୀ ଦିଲ୍ଲୀରେ । ଏଠାରେ କାର୍ଯ୍ୟରତ ବ୍ରିଟେନର ଡେପୁଟି ବାଣିଜ୍ୟିକ କମିଶନର ରିଆନନ୍ ହୈରିଜ୍ ଭାରତର ହିମାଂଶୁ ପାଣ୍ଡେଙ୍କୁ ବିବାହ କରି ଜନ୍ମ ଜନ୍ମର ସାଥୀ ହୋଇଛନ୍ତି । ଟ୍ୱିଟ କରି ଏହି ସୂଚନା ଦେଇଛନ୍ତି ରିଆନନ୍ । ତେବେ କିଏ ଏହି ଭାରତୀୟ ଯୁବକ ଯାହାକୁ ହୃଦୟ ଦେଇଦେଲେ ବିଦେଶୀ ମହିଳା ଅଫିସର?
Kanak News is now on WhatsApp
Join and get latest news updates delivered to you via WhatsApp
ରାଜକର୍ମ କରିବାକୁ ରିଆନନ୍ ଆସିଥିଲେ ସୂଦୂର ଭାରତ । କିନ୍ତୁ ଜଣାନଥିଲା ଏଇ ଦେଶରେ ହିଁ ତାଭ୍କୁ ଅପେକ୍ଷା କରିଛି ଆଉ ଏକ ନୂଆ ଜୀବନ । ଭାରତରେ ତାଙ୍କୁ ଏପରି କିଛି ମିଳିବ ଯାହା ପାଇଁ ସେ ସାରା ଜୀବନକୁ ବନ୍ଧା ପକାଇଦେବେ । କେବେ ସ୍ୱପ୍ନରେ ବି ଭାବିନଥିବା କଥା ସତ ହୋଇଗଲା । ରିଆନନ୍ ଭାରତରେ ଏପରି ଜଣେ ଯୁବକଙ୍କୁ ଦେଖିଲେ ପଥମ ଦେଖାରେ ତାଙ୍କୁ ହୃଦୟ ଦେଲେ । ଏବେ ଏହି ପ୍ରେମ ବିବାହରେ ପରିଣତ ହୋଇଗଲା । ଏନେଇ ଟ୍ୱିଟ କରିଛନ୍ତି ରିଆନନ୍ । ‘ ୪ ବର୍ଷ ପୂର୍ବରୁ ସେ ଅନେକ ଆଶା ନେଇ ଭାରତ ଆସିଥିଲେ କିନ୍ତୁ ଜଣାନଥିଲା ଏଠି ତାଙ୍କୁ ଏମିତି ଜଣେ ମିଳିଯିବ ଯାହା ପାଖରେ ନିଜକୁ ସମର୍ପିଦେବେ । ଭାରତ ପରି ଏକ ଉଚ୍ଚ ଐତିହ୍ୟ ସମ୍ପନ୍ନ ଦେଶକୁ ନିଜ ଘର ଭାବେ ପାଇ ସେ ବହୁତ ଖୁସି’ ବୋଲି ରିଆନନ୍ ହୈରିଜ୍ ନିଜ ଟ୍ୱିଟରରେ ଲେଖିଛନ୍ତି ।
ଟ୍ୱିଟରରେ ଥିବା ପ୍ରୋଫାଇଲ ମୁତାବକ ରିଆନନ୍ ହୈରିସ୍ ସମାଜରେ ସମାନତା ଓ ଗ୍ରୀନ୍ ଇକୋନୋମିର ଜଣେ ବଡ ସମର୍ଥକ । ସେ ବହୁତ ଭ୍ରମଣ ପ୍ରିୟ । ଅନ୍ୟପଟେ ହିମାଂଶୁ ଜଣେ ଫିଲ୍ମ ମେକର । ଗଡ୍ ରକ୍ ଫିଲ୍ମ ନାମକ ପ୍ରତିଷ୍ଠାନର ମାଲିକ ହେଉଛନ୍ତି ହିମାଂଶୁ । ନିଜ ଇନଷ୍ଟାଗ୍ରାମ ପେଜରେ ଏକ ୟୁଟୁବ୍ ଚ୍ୟାନେଲର ଲିଙ୍କ ମଧ୍ୟ ସେୟାର କରିଛନ୍ତି ହିମାଂଶୁ । ସେ ଜଣେ ସ୍ୱତନ୍ତ୍ର ଫିଲ୍ମ ମେକର୍ ଓ ଶ୍ରୀ ଅରୋବିନ୍ଦୋ ସେଣ୍ଟର ଫର୍ ଆର୍ଟସ୍ କମ୍ୟୁନିକେସନର ଛାତ୍ର । ୧୦ ବର୍ଷରୁ ଅଧିକ ସମୟର ଅଭିଜ୍ଞତା ସହ ସେ ଏକାଧିକ ସର୍ଟ ଫିଲ୍ମ ଓ ଭିଡିଓ ପ୍ରୋଜେକ୍ଟରେ କାଷ୍ଟିଙ୍ଗ ନିର୍ଦ୍ଦେଶକ, ନିର୍ଦ୍ଦେଶକ, ଲେଖକ ଓ ନିର୍ମାତା ଭାବେ କାର୍ଯ୍ୟ କରିଛନ୍ତି । ଏହାସହ ଏଡିଜେବି ପ୍ରଡକ୍ସନ୍ ନ୍ୟୁୟର୍କ ପରି ସଙ୍ଗଠନ ପାଇଁ ମଧ୍ୟ ଫିଲ୍ମ ସୁଟିଂ ଓ ଅର୍ଗାନାଇଜର ଭାବେ କାର୍ଯ୍ୟଭାର ତୁଲାଉଛନ୍ତି ।
ନିକଟରେ ହିମାଂଶୁ ଓ ରିଆନନ୍ ହୈରିଜ୍ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଏହାପରେ ଦୁହିଁଙ୍କୁ ବ୍ରିଟେନରୁ ଓ ଭାରତର କୋଣ ଅନୁକୋଣରୁ ୟୁଜର୍ସ ମାନେ ମଧ୍ୟ ଶୁଭେଚ୍ଛା ଜଣାଇଛନ୍ତି ।