କନକ ବ୍ୟୁରୋ : ପୁରୀ, ବାରିପଦା ଆଉ ତାପରେ ପଶ୍ଚିମ ଓଡିଶାର ସବୁଠୁ ବଡ ବୌଦ୍ଧର ରଥ କୁହାଯାଏ । ଯାହାର ନିର୍ମାଣ ଶୈଳୀ ସମ୍ପୂର୍ଣ୍ଣ ଭିନ୍ନ । ଅଭଙ୍ଗା ଏହି ରଥ ଉପରେ ରହିଛି ଆଉ ଏକ ଘୁର୍ଣ୍ଣାୟମାନ ରଥ । ଯାହାକି ସମଗ୍ର ଦେଶରେ ଅଦ୍ୱିତୀୟ । କାହିଁ କୋଉ ଆବାହନ କାଳରୁ ନିର୍ମାଣ ହୋଇଥିବା ବୌଦ୍ଧ ରଥର ରହିଛି ବିଶେଷ ସ୍ୱତନ୍ତ୍ରତା ।
Kanak News is now on WhatsApp
Join and get latest news updates delivered to you via WhatsApp
ରାଜା ରାଜୁଡା ଅମଳରୁ ନିର୍ମାଣ ହୋଇଥିବା ବୌଦ୍ଧ ରଥର ଉଚ୍ଚତା ୪୫ ଫୁଟ ଥିବାବେଳେ ଚଉଡା ଥିଲା ୨୭ ଫୁଟ୍ । କାଳକ୍ରମେ ଏହାର ଉଚ୍ଚତା ଏବଂ ଚଉଡା ହ୍ରାସପାଇ ଯଥାକ୍ରମେ ୩୮ଏବଂ ୨୩ ଫୁଟ ରହିଥିବା ବେଳେ ଅଭଙ୍ଗା ଏହି ରଥ କୁ ପ୍ରତ୍ୟେକ ବର୍ଷ କେବଳ ମରାମତି କରି ରଥ ଟଣାଯାଇଥାଏ । ଭିନ୍ନ ଶୈଳୀରେ ନିର୍ମାଣ ହୋଇଥିବା ବୌଦ୍ଧର ଏହି ରଥର ଉପର ମଧ୍ୟ ଭାଗରେ ରହିଛି ଆଉ ଏକ ଘୁର୍ଣ୍ଣାୟମାନ ରଥ ।
ଯାହାକି ରଥ ଏବଂ ବାହୁଡା ସମୟରେ ସଂପୂର୍ଣ୍ଣର ରଥକୁ ବୁଲାନଯାଇ କେବଳ ଚତୁର୍ଦ୍ଧାମୂର୍ତ୍ତି ଉପବେଷ୍ଟିତ ହେଉଥିବା ବେଦୀକୁ ବୁଲାଯାଇଥାଏ । ଆଉ ଗୋଟାଏ ରଥରେ ହିଁ ତିନି ଠାକୁର ଗୁଣ୍ଡିଚା ମନ୍ଦିରକୁ ଯାତ୍ରା କରିଥାନ୍ତି । ପୁରୀ ଭଳି ବୌଦ୍ଧରେ ମଧ୍ୟ ୩ ଠାକୁରଙ୍କୁ ଧାଡି ପହଣ୍ଡି କରି ରଥ ଉପରେ ଉପବେଷ୍ଟିତ କରାଯାଇ ଥାଏ । ବୌଦ୍ଧ ରାଜାଙ୍କ ଛେରା ପହଁରା ପରେ ରଥ ଟଣା କାର୍ଯ୍ୟ ଆରମ୍ଭ ହୋଇଥାଏ ।