ତୁରନ୍ତ କରାଇ ନିଅନ୍ତୁ ବ୍ୟାଙ୍କରେ ଥିବା କାମ, ମଇ ମାସରେ ୧୨ ଦିନ ଛୁଟି ରହିବ ବ୍ୟାଙ୍କ
କନକ ବ୍ୟୁରୋ : ଆସନ୍ତା ମାସ ଅର୍ଥାତ ମଇ ମାସରେ ୧୨ ଦିନ ବ୍ୟାଙ୍କ ବନ୍ଦ ରହିବ । ଏହି ମାସରେ ଶ୍ରମିକ ଦିବସ, ଅକ୍ଷୟ ତୃତୀୟା, ଇଦ, ବୁଦ୍ଧ ପୁର୍ଣ୍ଣିମା ଭଳି ପର୍ବ ସହ ସାପ୍ତାହିକ ଛୁଟିକୁ ମିଶାଇ ମୋଟ ୧୨ ଦିନ ବ୍ୟାଙ୍କ ବନ୍ଦ ରହିବ ।
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ରିଜର୍ଭ ବ୍ୟାଙ୍କ ଦ୍ୱାରା ଜାରି କରାଯାଇଥିବା ଛୁଟି ତାଲିକା ମୁତାବକ ଏହି ଛୁଟିଗୁଡିକ ସବୁ ରାଜ୍ୟ ପାଇଁ ସାମନ ହୋଇ ନଥିଲେ ବି ସର୍ବାଧିକ ଛୁଟି ସବୁରାଜ୍ୟର ବ୍ୟାଙ୍କ କର୍ମଚାରୀଙ୍କୁ ମିଳିବ । ଭିନ୍ନ ଭିନ୍ନ ରାଜ୍ୟରେ ଭିନ୍ନ ଭିନ୍ନ ପର୍ବ ପାଇଁ କିଛି ଛୁଟି ନିର୍ଦ୍ଧିଷ୍ଠ କିଛି ରାଜ୍ୟ ପାଇଁ ରହିଛି ।
ରିଜର୍ଭ ବ୍ୟାଙ୍କର ଛୁଟି ତାଲିକା ମୁତାବକ ମଇ ପହିଲା ଅର୍ଥାତ ୧ ତାରିଖରେ ଶ୍ରମିକ ଦିବସ ପାଇଁ ସାରା ଦେଶର ବ୍ୟାଙ୍କଗୁଡିକ ବନ୍ଦ ରହିବ । ସେହିଭଳି ଇଦ ଓଲ ଫିତର ପାଇଁ କେବଳ କେରଳରେ ବ୍ୟାଙ୍କ ବନ୍ଦ ରହିବ । ମଇ ୩ ତାରିଖରେ ଭଗବାନ ପର୍ଶୁରାମ ଜୟନ୍ତୀ ଓ ରମକ୍ସଙ୍କନ ପାଇଁ କେବଳ କେରଳକୁ ଛାଡି ଦେଶର ବାକି ରାଜ୍ୟଗୁଡିକରେ ବ୍ୟାଙ୍କ ବନ୍ଦ ରହିବ । ମଇ ୮ ତାରିଖ ସାପ୍ତାହିକ ଛୁଟି ପାଇଁ ସାରା ଦେଶରେ ବ୍ୟାଙ୍କ ବନ୍ଦ ରହିବ । ମଇ ୯ ତାରିଖ ସୋମବାର ରବିନ୍ଦ୍ରନାଥ ଟାଗୋର ଜୟନ୍ତୀ ପାଇଁ କେବଳ ପଶ୍ଚିମବଙ୍ଗ ଓ ତ୍ରୀପୁରାରେ ବ୍ୟାଙ୍କ ବନ୍ଦ ରହିବ । ମଇ ୧୪ ତାରିଖ ମାସର ଦ୍ୱିତୀୟ ଶନିବାର ପାଇଁ ଦେଶସାରା ବ୍ୟାଙ୍କ ବନ୍ଦ । ମଇ ୧୫ ରବିବାର ସାପ୍ତାହିକ ଛୁଟି । ମଇ ୧୬ ତାରିଖ ସୋମବାର ପାଇଁ ବୁଦ୍ଧ ପୁର୍ଣ୍ଣିମା ଓ ସିକିମ୍ ଦିବସ ପାଇଁ ସାରା ଦେଶର ବ୍ୟାଙ୍କ ଛୁଟି । ମଇ ୨୨ ତାରିଖ ରବିବାର ପାଇଁ ସାପ୍ତାହିକ ଛୁଟି । ମଇ ୨୪ ତାରିଖ ମଙ୍ଗଳବାର କାଜୀ ନଜରୁଲ ଇସଲାମ ଜୟନ୍ତୀ ପାଇଁ କେବଳ ସିକ୍କିମରେ ବ୍ୟାଙ୍କ ବନ୍ଦ । ମଇ ୨୮ ତାରିଖ ମାସର ଚତୁର୍ଥ ଶନିବାର ଓ ୨୯ ମଇ ରବିବାର ପାଇଁ ଦେଶର ସମସ୍ତ ବ୍ୟାଙ୍କ ବନ୍ଦ ରହିବ ।
ଏସବୁ ଦିନଗୁଡିକରେ ବ୍ୟାଙ୍କ କାର୍ଯ୍ୟାଳୟ ବନ୍ଦ ରହୁଥିବାରୁ ଲୋକମାନେ ଅନଲାଇନ ବ୍ୟାଙ୍କ କାରବାର କରିପାରିବେ ।