କାହିଁକି ଅତିକ ଅହମ୍ମଦ ଓ ଅସରଫକୁ ମାରିଲେ ହତ୍ୟାକାରୀ । ପଚରାଉଚୁରା ବେଳେ ସତ ଉଗାରିଲେ ଅଭିଯୁକ୍ତ । କହିଲା, ବଡ ଡନ୍ ବନିବାକୁ ଚାହୁଁଥିଲା
କନକ ବ୍ୟୁରୋ: ମାଫିଆ ଡନ୍ ଅତିକ ଓ ଅସରଫଙ୍କୁ ତିନି ଯୁବକ କାହିଁକି ମାରିଲେ? ଏହା ଯୋଗୀ ସରକାର, ୟୁପି ପୋଲିସ ସହାୟତାରେ ତିନି ଯୁବକଙ୍କ ଯୋଜନାବଦ୍ଧ ହତ୍ୟାକାଣ୍ଡ କି ଆଉ କିଛି କାରଣ ରହିଛି ତାହା ସାରା ଦେଶରେ ଚର୍ଚ୍ଚାର ବିଷୟ ହୋଇଛି । କିନ୍ତୁ ପ୍ରାଥମିକ ଭାବେ ସାମନାକୁ ଆସିଥିବା ଏକ ତଥ୍ୟ ଚମକାଇ ଦେବା ଭଳି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ, ପୋଲିସ ପଚରାଉଚୁରା କରିବା ସମୟରେ ଅଭିଯୁକ୍ତମାନେ କହିଛନ୍ତି, ସେମାନେ ବଡ ମାଫିଆ ବା ଡନ୍ ବନିବା ଚାହୁଁଥିଲେ । ସେଥିପାଇଁ ଏହି ହତ୍ୟାକାଣ୍ଡ ଘଟାଇଛନ୍ତି । ଆଉ କେତେ ଦିନ ଛୋଟ ମୋଟ ସୁଟର ହୋଇ ରହିବେ, ବଡ ମାଫିଆ ହେବାର ଥିଲା, ତେଣୁ ଅତିକ୍ ଓ ଅସରଫଙ୍କୁ ହତ୍ୟା କରିଛନ୍ତି । ତେବେ ଅଭିଯୁକ୍ତଙ୍କ କଥାରେ କେତେ ସତ୍ୟତା ରହିଛି ତାର ତଦନ୍ତ ଜାରି ରଖିଛି ପୋଲିସ । ଅନ୍ୟପଟେ ଅଭିଯୁକ୍ତମାନଙ୍କର ଅପରାଧ ସମ୍ପର୍କୀତ ତଥ୍ୟ ଯୋଗାଡ କରୁଛି ପୋଲିସ ।