ବିଜେପିକୁ ରାହୁଲ ଗାନ୍ଧୀଙ୍କ କଠୋର ସମାଲୋଚନା : ଦରବୃଦ୍ଧି ଓ ବେରୋଜଗାରୀ ସମସ୍ୟାର ସମାଧାନ କରିପାରୁନାହାନ୍ତି କେନ୍ଦ୍ର ସରକାର
କନକ ବ୍ୟୁରୋ : କେନ୍ଦ୍ର ସରକାରଙ୍କ ଉପରେ ବର୍ଷିଲେ ରାହୁଲ ଗାନ୍ଧୀ । ଆମ ଦେଶରେ ଲୋକତନ୍ତ୍ର ନାହିଁ । ପ୍ରତ୍ୟେକ ଦିନ ଲୋକତନ୍ତ୍ରର ହତ୍ୟା କରାଯାଉଛି । ଦେଶର ସମ୍ବିଧାନକୁ ଅପମାନିତ କରାଯାଉଛି । ୭୦ବର୍ଷରେ ଯାହା ହୋଇଥିଲା ୮ବର୍ଷରେ ଶେଷ ହୋଇଗଲା । ଆଜି ଦେଶରେ କେବଳ ୪ଜଣ ଲୋକଙ୍କ କଥା କାମ କରୁଛି । ଯିଏ ସତ କହିଲା ତାହା ଉପରେ ଆକ୍ରମଣ ହେଉଛି । କେବଳ ସେତିକି ନୁହେଁ ଦେଶରେ ଇଡି ଓ ସିବିଆଇ, ଇନକମ୍ ଟ୍ୟାକ୍ସର ଆତଙ୍କ ଚାଲିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଗତକାଲି ମଧ୍ୟ ରାହୁଲ କହିଥିଲେ, ତାଙ୍କ ଦଳ ନରେନ୍ଦ୍ର ମୋଦୀଙ୍କୁ ଭୟ କରୁନାହିଁ ଏବଂ କେନ୍ଦ୍ରର ଭୟ ସୃଷ୍ଟିକାରୀ ପଦକ୍ଷେପକୁ ବି ଡରୁନାହିଁ । ନେସନାଲ ହେରାଲଡ ମାମଲାରେ ସାମ୍ବାଦିକମାନଙ୍କର ଏକ ପ୍ରଶ୍ନର ଉତ୍ତର ଦେଇ ରାହୁଲ କହିଛନ୍ତି, ସେମାନେ ଆମ ଉପରେ ଚାପ ପକାଇ ପାଟି ବନ୍ଦ କରିବାକୁ ଭାବୁଛନ୍ତି । କିନ୍ତୁ ଆମେ ନରେନ୍ଦ୍ର ମୋଦୀଙ୍କୁ ଭୟ କରୁନା ବୋଲି ରାହୁଲ କହିଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ କେନ୍ଦ୍ର ଗୃହ ମନ୍ତ୍ରୀ ଅମିତ ଶାହଙ୍କ ଉପରେ ସିଧାସଳଖ ଆକ୍ରମଣ କରି ରାହୁଲ କହିଛନ୍ତି, ସେମାନେ ଗଣତନ୍ତ୍ର ବିରୋଧରେ କାମ କରୁଛନ୍ତି । କଂଗ୍ରେସ ଲଗାତାର ସେମାନଙ୍କୁ ବିରୋଧ କରିବ । ଦେଶରେ ସଦ୍ଭାବ ବଜାୟ ରଖିବା ପାଇଁ ଏବଂ ଗଣତନ୍ତ୍ରର ସୁରକ୍ଷା ପାଇଁ ମୁଁ ଅହରହ କାମ କରିବି ବୋଲି ରାହୁଲ କହିଛନ୍ତି ।