କନକ ବ୍ୟୁରୋ : ବିବାଦ ମଧ୍ୟରେ ଆଜି କଟକର ଫ୍ୟାମିଲି କୋର୍ଟରେ ହାଜର ହୋଇଛନ୍ତି ଅନୁଭବ ମହାନ୍ତି । ପୂର୍ବରୁ ନିର୍ଦ୍ଧାରିତ ତାରିଖ ଅନୁସାରେ ଆଜି ଅନୁଭବ ଓ ତାଙ୍କ ପତ୍ନୀ ବର୍ଷାଙ୍କୁ ହାଜର ହେବାକୁ ନିର୍ଦ୍ଦେଶ ଥିଲା । ଉଭୟଙ୍କ ମଧ୍ୟରେ ପୂର୍ବରୁ କାଉନସେଲିଂ ବିଫଳ ହୋଇଛି । ଆଜି ଅନୁଭବ ତାଙ୍କ ଆଇନଜୀବୀଙ୍କ ସହ କୋର୍ଟ ଆସିଛନ୍ତି । ତେବେ ବର୍ଷା ମଧ୍ୟ ନିଜ ଓକିଲଙ୍କ ସହ ଆସିଥିଲେ । ଶୁଣାଣି ଶେଷ ହୋଇ ରାୟ ସଂରକ୍ଷିତ ରହିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ, ଅଭିିନେତ୍ରୀ ବର୍ଷା ପ୍ରିୟଦର୍ଶିନୀ ଥାନାର ଦ୍ୱାରସ୍ଥ ହେବା ପରେ ପୁଣିଥରେ ସାଂସଦ ଅନୁଭବ ଜାରି କଲେ ଭିଡିଓ । ପତ୍ନୀ ବର୍ଷା ଥାନାରେ ଅଭିଯୋଗ କରିଥିଲେ ଯେ ଅନୁଭବ ଭିଡିଓ ଜାରି କରି ତାଙ୍କର ଅପମାନ କରୁଛନ୍ତି । ଅନୁଭବ ମହାନ୍ତିଙ୍କ ବିରୋଧରେ ପୁରୀଘାଟ ଥାନାରେ ବର୍ଷା ପ୍ରିୟଦର୍ଶନୀ ଏତଲା ଦେବା ପରେ ପୁଣି ଭିଡିଓ ଜାରି କରି ବର୍ଷାଙ୍କ ଉପରେ ବର୍ଷିଛନ୍ତି ଅଭିନେତା ଅନୁଭବ ମହାନ୍ତି । ସେ କହିଚନ୍ତି, ସତ ଶୁଣିବାକୁ ବର୍ଷା ପ୍ରିୟଦର୍ଶନୀ ସାହସ ରଖନ୍ତୁ ।
ରବିବାର ରାତିରେ ବର୍ଷା ପୁରୀଘାଟ ଥାନାରେ ଅଭିଯୋଗ କରି ଲେଖିଥିଲେ, ଅନୁଭବ ମନଗଢ଼ା ଭିଡିଓ କରି ସୋସିଆଲ ମିଡିଆରେ ପୋଷ୍ଟ କରୁଛନ୍ତି । ୨୦୨୦ ମସିହାରେ ଅନୁଭବ ଡିଭୋର୍ସ ଦେବାକୁ ବାଧ୍ୟ କରିଥିଲେ , ଆଉ ରାଜି ନହେବାରୁ ଧମକାଇଥିଲେ ବୋଲି ବର୍ଷା କହିଥିଲେ । ଏହାର ଜବାବରେ ଅନୁଭବ କହିଛନ୍ତି, ଯଦି ନିର୍ଯାତନା ଦିଆଯାଉଥିଲା ସେ ଚୁପ ଥିଲେ କାହିଁକି ।