ସରକାରଙ୍କ ଚେତାବନୀ ସତ୍ତ୍ୱେ ଜିଦରେ ଅଟଳ ଅଙ୍ଗନବାଡ଼ି ସଂଘ : ଆଜି ଲୋୟର ପିଏମଜିରେ କରିବେ ବିଶାଳ ରାଲି
କନକ ବ୍ୟୁରୋ : ଆନ୍ଦୋଳନ ଦାବିରେ ଅଟଳ ରହିଛି ଅଙ୍ଗନୱାଡି କର୍ମଚାରୀ ସଂଘ । ସରକାରଙ୍କ ନାଲି ଆଖି ସତ୍ତେ୍ୱ ଅଙ୍ଗନୱାଡି ସଂଘ ବିଭିନ୍ନ ଦାବି ନେଇ ଆଜି ଆନ୍ଦୋଳନକୁ ଓହ୍ଲାଇବ ବୋଲି ସଂଘ ଘୋଷଣା କରିଛି । ସରକାର ଦାବି ପୂରଣ ନକଲେ ଆନ୍ଦୋଳନ ଆହୁରି ତେଜିବ । ନିଜ ହକ୍ ପାଇବା ପାଇଁ ଲକ୍ଷ ଲକ୍ଷ ଅଙ୍ଗନୱାଡି ରାସ୍ତାକୁ ଓହ୍ଲାଇବେ । ଦାବି ପୂରଣ ହେଲେ ଆନ୍ଦୋଳନର କୌଣସି ଆବଶ୍ୟକତା ନାହିଁ ବୋଲି ଅଙ୍ଗନୱାଡି କର୍ମଚାରୀ ମହାସଂଘର ରାଷ୍ଟ୍ରୀୟ ସଂପାଦିକା ।
Kanak News is now on WhatsApp
Join and get latest news updates delivered to you via WhatsApp
ସରକାର ଆନ୍ଦୋଳନକୁ ଭଣ୍ଡୁର କରିବା ପାଇଁ ଚାପ ପକାଇ ଅଙ୍ଗନୱାଡି କର୍ମଚାରୀଙ୍କୁ ଆନ୍ଦୋଳନ କରିବାକୁ ଉସକାଉଛନ୍ତି ବୋଲି କହିଛନ୍ତି ରାଜ୍ୟ ଅଙ୍ଗନୱାଡି ସଂଘର ସଭାପତି । ଅବସରକାଳୀନ ସହାୟତା ରାଶି ବୃଦ୍ଧି, କୌଣସି ସୁବିଧା ପ୍ରତି ସରକାର ଦୃଷ୍ଟି ଦେଉନଥିବା ଅଭିଯୋଗରେ ଅଙ୍ଗନୱାଡି କର୍ମୀ ଆଜିଠାରୁ ଅନିର୍ଦ୍ଦିଷ୍ଟକାଳ ପାଇଁ ଆନ୍ଦୋଳନ କରିବେ । ଏହାକୁ ଦୃଷ୍ଟିରେ ରଖି ସରକାର ବି ଚେତାବନୀ ଦେଇସାରିଛନ୍ତି । କୌଣସି କର୍ମଚାରୀ ଆନ୍ଦୋଳନରେ ସାମିଲ ହେଲେ କଡା କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ସରକାର । ଏଭଳି ସ୍ଥିତିରେ କାଲିର ଆନ୍ଦୋଳନ ଉପରେ ସମସ୍ତଙ୍କ ନଜର ରହିଛି ।