ଓଡ଼ିଶା ଘରେ ଆନ୍ଧ୍ର ଅଫିସ୍ । ସ୍ଥିତି ଅନୁଧ୍ୟାନ ପରେ ଆନ୍ଧ୍ର ଫଳକ ଖୋଲିଲେ ପଟାଙ୍ଗୀ ତହସିଲଦାର ।
କନକ ବ୍ୟୁରୋ: ଓଡିଶା ସରକାରଙ୍କ ପକ୍କା ବିଜୁ ଘରେ ଆନ୍ଧ୍ରପ୍ରଦେଶ ସରକାରଙ୍କ ଡାକଘର । ବାରମ୍ବାର ପ୍ରତିବାଦ ସତ୍ୱେ କୋରାପୁଟ ପଟ୍ଟାଙ୍ଗି ବ୍ଲକର କୋଟିଆରେ ଅନୁପ୍ରବେଶ ଜାରି ରଖିଛି ଆନ୍ଧ୍ର । ସ୍କୁଲ, ଅଙ୍ଗନବାଡି କେନ୍ଦ୍ର କରିଥିବା ପଡୋଶୀ ପ୍ରଶାସନ ଉପରସେମ୍ବି ଗାଁରେ ବିଜୁ ପକ୍କା ଘରେ ପୋଷ୍ଟ ଅଫିସ ଖୋଲିଛି । ଘରର କାନ୍ଥରେ ବିଜୁ ବାବୁଙ୍କ ଫଟୋ ରହିଛି । କିନ୍ତୁ ସେହି ଘରକୁ ଜବରଦଖଲ କରି ଲାଲ ରଙ୍ଗ ଲଗାଇ ତେଲୁଗୁ ଭାଷାରେ ଲେଖି ପୋଷ୍ଟ ଅଫିସ ଖୋଲିଛି ଆନ୍ଧ୍ର ।
Kanak News is now on WhatsApp
Join and get latest news updates delivered to you via WhatsApp
ଏହା ଜଣାପଡିବା ପରେ ପଟାଙ୍ଗୀ ତହସିଲଦାର, କୋଟିଆ ରାଜସ୍ୱ ନୀରିକ୍ଷକ, ଥାନା ଅଧିକାରୀ ପହଂଚି ସ୍ଥିତି ଅନୁଧ୍ୟାନ କରିଛନ୍ତି । ଆନ୍ଧ୍ର ପ୍ରଶାସନ ଲଗାଇଥିବା ଫଳକକୁ ହଟାଇବା ସହ ନାଲି ରଙ୍ଗ ଉପରେ ପୁଣି ଧଳା ରଙ୍ଗ ଲଗାଇ ଦେଇଛନ୍ତି । ତେବେ କୋଟିଆ ବିବାଦ କୋର୍ଟରେ ରହିଥିବା ବେଳେ ଆନ୍ଧ୍ର ପ୍ରଶାସନ ପକ୍ଷରୁ ବାରମ୍ବାର ଅନୁପ୍ରବେଶ ପ୍ରକ୍ରିୟା ଜାରି ରହିଛି ।