‘ନିର୍ବାଚନ ଲଢିଲେ, ଟ୍ରେନ୍ ଆଗରେ ଫିଙ୍ଗିଦେବି’… ଭାଇରାଲ ହେବାରେ ଲାଗିଛି ପୂର୍ବ ବିଜେପି ବିଧାୟକଙ୍କ ପୁଅର ଭିଡିଓ । ଭଉଣୀ ଏବଂ ଭଣଜାକୁ ଦେଲେ ଧମକ ।
କନକ ବ୍ୟୁରୋ: ସୋସିଆଲ୍ ମିଡିଆରେ ଭାଇରାଲ ହେବାରେ ଲାଗିଛି ବିଜେପିର ପୂର୍ବତନ ବିଧାୟକ ଜୟରାମ ଜାଟବଙ୍କ ପୁଅର ଏକ ଭିଡିଓ । ଯେଉଁଥିରେ ସେ ନିଜ ଭଉଣୀ ଆଉ ଭଣଜାକୁ ଗାଳିଗୁଲଜ କରିବା ସହିତ ମାରପିଟ୍ କରୁଥିବା ନଜର ଆସୁଛନ୍ତି । ତେବେ ଜୟରାମ ଜାଟବଙ୍କ ପୁଅ ବିଜେନ୍ଦ୍ର ନିଜ ଭଉଣୀକୁ ଇଲେକ୍ସନ ଲଢିବାକୁ ମନା କରୁଥିବାବେଳେ, ଇଲେକ୍ସନ ପୋଷ୍ଟର ମାରିଲେ ପରିଣାମ ଭୟଙ୍କର ହେବ ବୋଲି କହୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅସଲ କଥା ହେଉଛି, ବିଜେନ୍ଦ୍ରଙ୍କ ଭଉଣୀ ମୀନା କୁମାରୀ ଏଥର ସ୍ୱାଧୀନ ପ୍ରାର୍ଥୀ ଭାବେ ବିଧାନସଭା ନିର୍ବାଚନ ଲଢିବାକୁ ନିଷ୍ପତ୍ତି ନେଇଛନ୍ତି । ଏଥିପାଇଁ ସେ ହୋଡିଂ ଲଗାଇବାକୁ ସନ୍ଧ୍ୟାରେ ଗଙ୍ଗା କୂଳରେ ପହଞ୍ଚିଥିଲେ । ହେଲେ ସେତେବେଳେ ସେଠାରେ ତାଙ୍କ ଭାଇ ବିଜେନ୍ଦ୍ର ପହଞ୍ଚିବା ସହିତ ତାଙ୍କୁ ଗାଳିଗୁଲଜ କରିଥିଲେ । ଖାଲି ସେତିକି ନୁହେଁ, ପୋଷ୍ଟର ଲଗାଇବା ପରିଣାମ ଭୟଙ୍କର ହେବ ବୋଲି ଧମକ ମଧ୍ୟ ଦେଇଛନ୍ତି । ମୀନା କୁମାରୀଙ୍କ ପୁଅ ବିଶାଲ ଏହାପରେ ଏନେଇ ମାଲାଖେଡା ପୋଲିସରେ ଅଭିଯୋଗ କରିଛନ୍ତି । ହେଲେ ପୋଲିସ କିନ୍ତୁ କୌଣସି ପ୍ରକାର ସାହାଯ୍ୟ କରିନଥିବା ଜଣାପଡିଛି ।
ମୀନା କୁମାରୀଙ୍କ କହିବା କଥା, ବିଜେନ୍ଦ୍ର ତାଙ୍କ ପୁଅକୁ ମାରପିଟ୍ କରିବା ସହିତ ଗାଳି କରିଛନ୍ତି । ତା ସହିତ ତାକୁ ଟ୍ରେନ୍ ଆଗରେ ଫିଙ୍ଗି ଦେବାକୁ ଧମକ ମଧ୍ୟ ଦେଇଛନ୍ତି । ମୀନା ଆହୁରି ମଧ୍ୟ କହିଛନ୍ତି ଯେ, ଗଲା ୨୦ ବର୍ଷ ଧରି ସେ ତାଙ୍କ ବାପ ଘରକୁ ଯାଉନାହାଁନ୍ତି । ହେଲେ ଏବେ କିନ୍ତୁ ତାଙ୍କ ଭାଇ ତାଙ୍କୁ ଖୁଲମଖୁଲା ଧମକ ଦେଉଛନ୍ତି ।
ଅନ୍ୟପଟେ କଂଗ୍ରେସ ଜିଲ୍ଲା ଅଧ୍ୟକ୍ଷ ଯୋଗେଶ ମିଶ୍ର ଏହି ପ୍ରସଙ୍ଗରେ ବିଜେପି ଉପରେ ବର୍ଷିଛନ୍ତି । ତାଙ୍କ କହିବା କଥା, ଅନୁଶାସନର ପାଠ ପଢାଉଥିବା ବିଜେପିର ସ୍ଥିତି ଏବେ ଖରାପ ହେବାକୁ ଲାଗିଲାଣି । ନିର୍ବାଚନ ଲଢିବାର ଅଧିକାର ସମସ୍ତଙ୍କ ପାଖରେ ଅଛି । ହେଲେ ଜଣେ ବିଜେପି ନେତାଙ୍କ ପୁଅ ତାଙ୍କ ଭଉଣୀକୁ ନିର୍ବାଚନ ଲଢିବାକୁ ମନା କରିବା କେତେ ଠିକ୍ ସେ ନେଇ ସେ ପ୍ରଶ୍ନ କରିଛନ୍ତି ।