ମା’କୋଳକୁ ଫେରିଲା ଚୋରି ଶିଶୁପୁତ୍ର । ମୋବାଇଲ ଟ୍ରାକ୍ କରି ପିଲାକୁ ଉଦ୍ଧାର କଲା ପୋଲିସ ।
ଚିକିତ୍ସାଳୟରୁ ଚୋରି ହୋଇଥିଲା ଶିଶୁପୁତ୍ର ।
କନକ ବ୍ୟୁରୋ: ମା’ କୋଳକୁ ଫେରିଲା ଚୋରୀ ଶିଶୁପୁତ୍ର । ଡାକ୍ତରଖାନା ଏସଏନସିୟୁରୁ ଶିଶୁପୁତ୍ରକୁ ଚୋରୀ କରାଯାଇଥିବା ଅଭିଯୋଗ ହୋଇଥିଲା । ଅଭିଯୋଗ ଆଧାରରେ ମୋବାଇଲ୍ ଟ୍ରାକ କରି ଅଭିଯୁକ୍ତ ପାଖରେ ପହଞ୍ଚିି ଶିଶୁପୁତ୍ରକୁ ଉଦ୍ଧାର କରିଛି ପୁଲିସ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ, ବାଲେଶ୍ୱର ଜିଲ୍ଲା ମୁଖ୍ୟ ଚିକିତ୍ସାଳୟରୁ ଚୋରୀ ହୋଇଥିବା ଶିଶୁ ପୁତ୍ରକୁ ଆଜି ଭୋରୁ ଦୁର୍ଗାଦେବୀରୁ ଉଦ୍ଧାର କରାଯାଇଛି । ଏହାସହ ପିଲାଟିକୁ ନେଇ ଯାଇଥିବା ମହିଳାଙ୍କୁ ମଧ୍ୟ ଅଟକ ରଖିଛି ପୁଲିସ । ତେବେ ସଂପୃକ୍ତ ମହିଳା ଜଣଙ୍କ ନିଜ ଝିଅକୁ ଏସ୍ଏନସିୟୁ ଭିତରେ ଛାଡି ଶିଶୁପୁତ୍ରକୁ ନେଇ ଚାଲି ଯାଇଥିଲେ । ଏନେଇ ଶିଶୁପୁତ୍ରଙ୍କ ପରିବାର ଲୋକ ବାଲେଶ୍ୱର ଥାନାରେ ଅଭିଯୋଗ କରିଥିଲେ । ଅଭିଯୁକ୍ତ ମହିଳାଙ୍କ ଶିଶୁ କନ୍ୟା ଏସ୍ଏନସିୟୁ ଭିତରେ ଚିକିତ୍ସିତ ହେଉଥିବା ବେଳେ ସେ ଡାକ୍ତରଖାନାରେ ନଥିଲେ । ତେଣୁ ତାଙ୍କ ଉପରେ ପୁଲିସର ସନ୍ଦେହ ହୋଇଥିଲା । ଏବଂ ତାଙ୍କ ମୋବାଇଲ ଟ୍ରାକ କରି ଦୁର୍ଗାପୁରରେ ପହଞ୍ଚିଥିଲା ବାଲେଶ୍ୱର ପୁଲିସ । ଯୋଜନାବଦ୍ଧ ଭାବେ ଆଜି ବଡିଭୋର ମହିଳାଙ୍କ ଘରେ ଚଢାଉ କରି ଶିଶୁପୁତ୍ରକୁ ଉଦ୍ଧାର କରି ଡାକ୍ତରଖାନାକୁ ଆଣିଛନ୍ତି । ମହିଳାଙ୍କୁ ଅଟକ ରଖି ପଚରାଉଚରା କରୁଛି ।