କନକ ବ୍ୟୁରୋ : ରାସ୍ତାରେ ପୋଷ୍ଟର ଲାଗିଲା ‘ଅବକୀ ବାର୍ ଦିଲ୍ଲୀମେ ଇଣ୍ଡିଆ ସରକାର’ । ବିରୋଧୀ ମେଣ୍ଟ ‘ଇଣ୍ଡିଆ’ ଗଠନ ହେବା ପରେ ପଶ୍ଚିମବଙ୍ଗରେ ଏହାର ପ୍ରଭାବ ଦେଖିବାକୁ ମିଳିଛି । ଆରମ୍ଭ ହୋଇଯାଇଛି ପୋଷ୍ଟର ରାଜନୀତି । ରାଜଧାନୀ କୋଲକତାରେ ଇଣ୍ଡିଆ’କୁ ନେଇ ଲଗାଯାଉଛି ପୋଷ୍ଟର ଉପରେ ପୋଷ୍ଟର । ପୋଷ୍ଟରରେ ମମତା ବାନାର୍ଜୀଙ୍କ ଫଟୋ ସହ ହିନ୍ଦିରେ ଲେଖା ହୋଇଛି ‘ଅବକୀ ବାର୍ ଦିଲ୍ଲୀମେ ଇଣ୍ଡିଆ ସରକାର’ । ଯାହାକୁ ନେଇ ପଶ୍ଚମବଙ୍ଗରେ ରାଜନୀତି ତେଜିବାରେ ଲାଗିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
୨୦୨୪ ଲୋକସଭା ନିର୍ବାଚନରେ ମୋଦୀଙ୍କ ବିଜୟ ରଥରେ ବ୍ରେକ୍ ଲଗାଇବା ପାଇଁ ଏକାଠି ହୋଇଛନ୍ତି ୨୬ଟି ବିରୋଧୀ ଦଳ । ବୈଠକ ପରେ ବୈଠକ ବସୁଛି ମୋଦୀଙ୍କୁ ଶାସନ ଗାଦିରୁ ହଟାଇବା ପାଇଁ ରଣନୀତି ପ୍ରସ୍ତୁତ ହେଉଛି । ତେବେ ଅଗଷ୍ଟ ୩୧ ଏବଂ ସେପ୍ଟେମ୍ବର ୧ତାରିଖରେ ମୁମ୍ବାଇରେ ବସିବାକୁ ଯାଉଛି ବିରୋଧୀ ମେଣ୍ଟ ଇଣ୍ଡିଆର ତୃତୀୟ ବୈଠକ । ଏହି ବୈଠକରେ ୨୦୨୪ ନିର୍ବାଚନକୁ ନେଇ ଅନେକ ଗୁରୁତ୍ୱପୂର୍ଣ୍ଣ ଆଲୋଚନା ହୋଇପାରେ ।