ପାକିସ୍ତାନ ଯିବା ପାଇଁ ୭ଟି ମିଛ କହିଥିଲେ ଅଞ୍ଜୁ । ସ୍ୱାମୀ ଏବଂ କମ୍ପାନୀକୁ ଏହିସବୁ ମିଛ କହିଛନ୍ତି ଅଞ୍ଜୁ । ସ୍ୱାମୀଙ୍କ ସହ ହୋଇ ଯାଇଛି ଛାଡ଼ପତ୍ର..
କନକ ବ୍ୟୁରୋ : ସୀମା ସଚିନଙ୍କ ପ୍ରେମ କାହାଣୀ ଗଣମାଧ୍ୟମରେ ଚର୍ଚ୍ଚାର ବିଷୟ ହୋଇଥିବାବେଳେ ଭାରତୀୟ ମହିଳା ଅଞ୍ଜୁ ପାକିସ୍ତାନରେ ପହଚିଂବା ଘଟଣାରେ ପ୍ରତିଦିନ ନୂଆ ନୂଆ ତଥ୍ୟମାନ ସାମନାକୁ ଆସୁଛି । ପାକିସ୍ତାନୀ ପ୍ରେମିକ ନାସରୁଲ୍ଲାଙ୍କ ପାଇଁ ଭାରତ ଛାଡ଼ିଥିବା କୁହାଯାଉଛି । ଏବେ ଅଞ୍ଜୁ ପାକିସ୍ତାନରେ ରହିଥିବାବେଳେ ଖୁବଶୀଘ୍ର ଭାରତ ଫେରି ଆସିବା ନେଇ ଏକ ଭିଡିଓ ମଧ୍ୟ ଜାରି କରିଛନ୍ତି । ଭାରତ ଫେରିବା ନେଇ ନିଜ ଝିଅକୁ ମଧ୍ୟ ପ୍ରତିଶୃତି ଦେଇଛନ୍ତି । ସେପଟେ ସ୍ୱାମୀ ଅରବିନ୍ଦ ମଧ୍ୟ ସ୍ତ୍ରୀଙ୍କ ଫେରିବା ବାଟକୁ ଚାହିଁ ରହିଥିବାବେଳେ ସରକାରଙ୍କ ସହଯୋଗ ଲୋଡ଼ିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ଼ କଥା ହେଉଛି କି, ସୀମା ଯେତେବେଳେ ଭାରତରେ ପହଂଚିଥିଲେ ଏଖବର ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଥିଲା । ସେ କିଭଳିଭାବେ ଭାରତରେ ପ୍ରବେଶ କଲେ ତାକୁ ନେଇ ଅନେକ ପ୍ରଶ୍ନ ଉଠିଥିଲା । କିନ୍ତୁ ସେ କିଭଳି ଭାବେ ଭାରତରେ ପହଚିଂଲେ ସେ କାହାଣୀ ସମସ୍ତଙ୍କୁ ଜଣାଇଛନ୍ତି । କିନ୍ତୁ ଅଞ୍ଜୁ ୱାଘା ବର୍ଡର ଦେଇ ପାକିସ୍ତାନରେ ପ୍ରବେଶ କରିବା ସହ ଆଇନଗତ ପ୍ରମାଣପତ୍ର ଠିକ ଥିବାନେଇ ଯୁକ୍ତି ବାଢ଼ିଛନ୍ତି । କିନ୍ତୁ ସେ ଅନେକ ମିଛ କହି ପାକିସ୍ତାନରେ ପହଚିଂଥିବା କୁହାଯାଉଛି । ଏପରିକି ତାଙ୍କ ସ୍ୱାମୀ ଅରବିନ୍ଦ ମଧ୍ୟ ନିଜର ପ୍ରତିକ୍ରିୟାରେ ଜଣାଇଛନ୍ତି କି, ପାକିସ୍ତାନ ଯିବା କଥା ଜଣାଇନଥିଲେ । ଜୟପୁର ସାଙ୍ଗ ପାଖକୁ ଯାଉଛି କହି ମିଛରେ ପାକିସ୍ତାନରେ ପହଚିଂଥିବା କହିଛନ୍ତି । ତେବେ ଆସନ୍ତୁ ନଜର ପକାଇବା ଅଞ୍ଜୁ କହିଥିବା ୭ ମିଛ ଉପରେ..
ଜୁଲାଇ ୨୦ ତାରିଖରେ ଅଞ୍ଜୁ ଯେତେବେଳେ ଘରୁ ବାହାରି ଥିଲେ । ସେତେବେଳେ ସ୍ୱାମୀ ଅରବିନ୍ଦ ତାଙ୍କୁ ପଚାରିଥିଲେ । ତୁମେ କେଉଁଆଡ଼େ ଯାଉଛ । ଉତରରେ ଅଞ୍ଜୁ କହିଥିଲେ କି, ମୁଁ ମୋର ଜଣେ ବନ୍ଧୁଙ୍କୁ ଦେଖା କରିବାକୁ ଜୟପୁର ଯାଉଛି । କିଛିଦିନ ମଧ୍ୟରେ ଫେରି ଆସିବି । ବାସ୍ତବରେ କିନ୍ତୁ ଜୟପୁରରେ ତାଙ୍କର କେହି ବନ୍ଧୁ ନାହାନ୍ତି । ସେଦିନ ସେ ଦିଲ୍ଲୀ ଯାଇଥିବା ଜଣାପଡ଼ିଛି ।
ରାଜସ୍ଥାନରୁ ସିଧା ପାକିସ୍ତାନରେ ପହଚିଂଥିଲେ । କିନ୍ତୁ ଅଞ୍ଜୁଙ୍କ ସମ୍ପର୍କରେ କାହାରିକୁ ଜଣାନଥିଲା । ଯେତେବେଳେ ଗଣମାଧ୍ୟମରେ ଖବର ପ୍ରଚାରିତ ହେଲା କି, ଜଣେ ଭାରତୀୟ ମହିଳା ପାକିସ୍ତାନୀ ପ୍ରେମିକଙ୍କ ପାଇଁ ପାକିସ୍ତାନରେ ପହଚିଂଛନ୍ତି । ଏହାପରେ ସ୍ୱାମୀ ଅରବିନ୍ଦ ଏସମ୍ପର୍କରେ ଜାଣିବାକୁ ପାଇଥିଲେ । ଏକଥା ଶୁଣିବା ପରେ ସେ ଆଶ୍ଚର୍ଯ୍ୟ ହୋଇଯାଇଥିଲେ । ଏହାପରେ ସେ ହ୍ୱାଟଆପରେ ଭିଡିଓ କଲ କରିଥିଲେ । ଜୁଲାଇ ୨୨ ତାରିଖରେ ସେ ଭିଡିଓ କଲ କରି ସତ କଣ ପଚାରିଥିଲେ । ଉତରରେ ଅଞ୍ଜୁ କହିଥିଲେ କି, ସେ ଲାହୋରରେ ଅଛନ୍ତି । ବାସ୍ତବାରେ କିନ୍ତୁ ଅଞ୍ଜୁ ସେତେବେଳେ ନାସରୁଲ୍ଲାଙ୍କ ସହ ତାଙ୍କ ଘରେ ଥିଲେ ।
ଭବାଡିରେ ଏକ କମ୍ପାନୀରେ କାମ କରୁଥିଲେ ଅଞ୍ଜୁ । ଗୋଆରେ ଭଉଣୀଙ୍କୁ ଭେଟିବା ପାଇଁ ଛୁଟି ଆବେଦନ କରି ଛୁଟି ନେଇଛନ୍ତି । ପ୍ରକୃତରେ ପାକିସ୍ତାନ ଆସିବା ଯୋଜନା କାହାକୁ ମଧ୍ୟ ଜଣାଇନଥିଲେ ।
ସ୍ୱାମୀ ଅରବିନ୍ଦ ଯେତେବେଳେ ଗଣମାଧ୍ୟମରେ ଖବର ଶୁଣିଥିଲେ, ପ୍ରେମିକ ପାଇଁ ପାକିସ୍ତାନ ଯାଇଛନ୍ତି ଅଞ୍ଜୁ । ସେତେବେଳେ ସେ ପ୍ରଶ୍ନ କରିଥିଲେ କି, ତୁମେ ପାକିସ୍ତନାରେ ବିବାହ କରିବାକୁ ଚାହୁଁଛ କି, । ଉତରରେ ସେ ନାହିଁ କହିଥିଲେ । କିନ୍ତୁ ପାକିସ୍ତାନ ଗଣମାଧ୍ୟମରେ ଖବର ପ୍ରସାରିତ ହୋଇଛି କି, ସେ ବିବାହ କରିବା ନେଇ ପ୍ରତିକ୍ରିୟା ଦେଇଛନ୍ତି ।
ଫେସବୁକରୁ ନାସରୁଲ୍ଲାଙ୍କ ସହ ବନ୍ଧୁତା ଏବଂ ପରେ ପ୍ରେମ ସମ୍ପର୍କ ପାକିସ୍ତାନ ଗଣମାଧ୍ୟମରେ ପ୍ରସାରିତ କରାଯାଉଛି । ଏକଥାକୁ ଅଞ୍ଜୁ ମିଛ ବୋଲି ଭାରତ ଗଣମାଧ୍ୟମକୁ ପ୍ରତିକ୍ରିୟା ଦେଇଛନ୍ତି । ବାସ୍ତବରେ କିନ୍ତୁ ସେ ପାକିସ୍ତାନ ଗଣମାଧ୍ୟମକୁ ଓଲଟା ପ୍ରତିକ୍ରିୟା ଦେଇଥିବାର ତଥ୍ୟ ମଧ୍ୟ ରହିଛି ।
ପାକିସ୍ତାନ ପୁଲିସ ଯେତେବେଳେ ଅଞ୍ଜୁଙ୍କୁ ଜେରା କରିଥିଲା ସେତେବେଳେ ସେ କହିଥିଲେ କି, ସେ ନାସରୁଲ୍ଲାଙ୍କ ପାଇଁ ପାକିସ୍ତାନ ଆସିଛନ୍ତି । ସ୍ୱାମୀ ଅରବିନ୍ଦଙ୍କ ସହ ତାଙ୍କର ଛାଡ଼ପତ୍ର ହୋଇ ସାରିଛି । ସେ ପାକିସ୍ତାନରେ ରହିବାକୁ ଚାହାନ୍ତି । କିନ୍ତୁ ଭାରତୀୟ ଗଣମାଧ୍ୟମରେ ଓଲଟା କହୁଛନ୍ତି । ସେ ଭାରତ ଫେରିବାକୁ ଚାହୁଁଛନ୍ତି ।
ପାକିସ୍ତାନରେ ପ୍ରବେଶ କରିବା ପାଇଁ ସମସ୍ତ ଆଇନଗତ ପ୍ରମାଣପତ୍ର ଠିକ ଥିବା ନେଇ ଅଞ୍ଜୁ ଯୁକ୍ତି ବାଢ଼ି ଆସୁଛନ୍ତି । ବାସ୍ତବରେ କିନ୍ତୁ ପାକିସ୍ତାନ ଯିବା ପାଇଁ ସେ ଯେଉଁ ଭିସା ଆବେଦନ କରିଛନ୍ତି ସେଥିରେ ସେ ଗସ୍ତ କାରଣ ବୋଲି ଦର୍ଶାଇଥିବାବେଳେ ହୋଟେଲ ମ୍ୟାନେଜର ବୋଲି ଦର୍ଶାଇଛନ୍ତି । ଯାହାକି ସମ୍ପୂର୍ଣ୍ଣଭାବେ ଭୁଲ ତଥ୍ୟ ବୋଲି ସମସ୍ତେ ଜାଣିଛନ୍ତି ।
ଗୋଟିଏ ପଟେ ସୀମା ଭାରତରେ ରହିଥିବାବେଳେ ଅନ୍ୟପଟେ ଅଞ୍ଜୁ ପାକିସ୍ତାନରେ ଅଛନ୍ତି । ଉଭୟଙ୍କ ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି ।