ଭାରତ-ୱେଷ୍ଟଇଣ୍ଡିଜ ଖେଳାଳିଙ୍କ ପାଇଁ କମ୍ ମସଲା ଓ ତେଲରେ ପ୍ରସ୍ତୁତ ହେଉଛି ଖାଦ୍ୟ : ବିସିସିଆଇରୁ ଆସିଛି ସ୍ୱତନ୍ତ୍ର ନିର୍ଦ୍ଦେଶ, ବୁକ୍ ହୋଇଛି ମେଫେୟାର ହୋଟେଲର ୯୦ଟି ରୁମ୍
କନକ ବ୍ୟୁରୋ : ଭାରତ-ୱେଷ୍ଟଇଣ୍ଡିଜ ଖେଳାଳିଙ୍କ ପାଇଁ କମ୍ ମସଲା ଓ ତେଲରେ ଖାଦ୍ୟ । ହୋଟେଲ ମେଫେୟାରରେ ରହଣି ସମୟରେ ଖେଳାଳିମାନେ ଏହି ଖାଦ୍ୟ ଖାଇବେ । ସେହିପରି ଖେଳାଳିଙ୍କ ପାଇଁ ହୋଟେଲକୁ ସ୍ୱତନ୍ତ୍ର ଭାବେ ସଜା ଯାଇଛି । ବିସିସିଆଇର ସ୍ୱତନ୍ତ୍ର ନିର୍ଦ୍ଦେଶ ଅନୁସାରେ ହୋଟେଲ ମେଫେୟାରରେ ବୁକ୍ ହୋଇଛି ୯୦ଟି ରୁମ୍ । ଆଉ କିଛି ସମୟ ପରେ ପହଁଚିବେ ଉଭୟ ଦଳର ଖେଳାଳି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସ୍ୱତନ୍ତ୍ର ବିମାନ ଯୋଗେ ଆଜି ଅପରାହ୍ନ ପ୍ରାୟ ଗୋଟାଏ ୧୫ ମିନିଟରେ ଭୁବନେଶ୍ୱର ବିମାନ ବନ୍ଦରରେ ପହଁଚିବେ ଖେଳାଳି । ଏହା ପରେ ସ୍ୱତନ୍ତ୍ର ସୁରକ୍ଷା ଭିତରେ ଆସିବେ ହୋଟେଲ୍ ମେ ଫେୟାରକୁ । ଆସନ୍ତାକାଲି ସୁରକ୍ଷା ମଧ୍ୟରେ ବାରବାଟି ପଡିଆକୁ ଅଭ୍ୟାସ କରିବାକୁ ଯିବେ ଦୁଇ ଦଳର ଖେଳାଳି । ମ୍ୟାଚ ପାଇଁ କମିଶନରେଟ ପୋଲିସ ପକ୍ଷରୁ ଶେଷ ହୋଇସାରିଛି କାରକେଡ୍ ରିହରସେଲ ।
ଖେଳାଳି ଆସିବାକୁ ଥିବା ବସକୁ ନେଇ ଭୁବନେଶ୍ୱରରୁ କଟକ ବାରବାଟୀ ଷ୍ଟାଡିୟମ ଯାଏଁ ମକଡ୍ରିଲ କରିଛି କମିଶନରେଟ୍ ପୋଲିସ । ସେପଟେ ଷ୍ଟାଡିୟମ ବାହାରେ ଏବଂ ଭିତରେ ଛାଇଗଲାଣି ଖେଳାଳୀଙ୍କ ପୋଷ୍ଟର ଏବଂ ବ୍ୟାନର ।