ପିପିଲିରୁ ନିଖୋଜ ନାବାଳିକା ଗଞ୍ଜାମରୁ ଉଦ୍ଧାର । ବଳପୂର୍ବକ ଉଠାଇ ନେଇ ବିବାହ କରିଥିଲେ ସମ୍ପର୍କୀୟ, ସ୍କୁଲ ଶିକ୍ଷୟତ୍ରୀଙ୍କ ଠାରୁ ଖବର ପାଇ ତତ୍ପର ହେଲା ଜିଲ୍ଲା ପ୍ରଶାସନ ।
କନକ ବ୍ୟୁରୋ : ପିପିଲି ଅଂଚଳରୁ ନିଖୋଜ ନାବାଳିକା ଉଦ୍ଧାର ହେଲେ ଗଞ୍ଜାମ ଜିଲ୍ଲା ସୋରଡା ଅଂଚଳରୁ । ଅଷ୍ଟମ ଶ୍ରେଣୀରେ ପାଠ ପଢୁଥିବା ଏହି ଝିଅକୁ ସୋରଡା ବ୍ଲକ ସାଲିମାଗୋଚ୍ଛା ପଂଚାୟତର ମୁଡେଶକୁପା ଗାଁରୁ ଉଦ୍ଧାର କରାଯାଇଛି । ନାବାଳିକା ଛାତ୍ରୀଙ୍କୁ ବଳପୂର୍ବକ ଉଠାଇ ନେଇ ବିବାହ କରାଇନେଇଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଛାତ୍ରୀ ଜଣକ ଦଶହରା ପରେ ସ୍କୁଲ ନଆସିବାରୁ ଶିକ୍ଷୟିତ୍ରୀ ସନ୍ଦେହ କରି ପରିବାର ଲୋକଙ୍କୁ ଝିଅ ବାବଦରେ ପଚାରିଥିଲେ । ଏହାପରେ ପରିବାର ଲୋକେ ଯାହା କହିଲେ ତାହା ଶୁଣି ଚକିତ ହୋଇଯାଇଥିଲେ ଶିକ୍ଷୟିତ୍ରୀ । ନାବାଳିକାର ସଂପର୍କୀୟ ମାମୁଁ ପୁଅ ନାବାଳିକାକୁ ବଳପୂର୍ବକ ଘରକୁ ନେଇ ଯାଇ ବିବାହ କରିଛି । ଏହାପରେ ଶିକ୍ଷୟିତ୍ରୀ ଜଣକ ଗଂଜାମ ଜିଲ୍ଲାପାଳଙ୍କୁ ଟୁଇଟ କରି ଘଟଣା ସଂପର୍କରେ ଜଣାଇଥିଲେ । ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ସୋରଡା ସିଡିପିଓ ଓ ବରଗଡ ପୁଲିସ ମୁଡେସକୁପା ଗାଁକୁ ଯାଇ ନାବାଳିକାଙ୍କୁ ଉଦ୍ଧାର କରିଛି । ଉଦ୍ଧାର ପରେ ନାବାଳିକାଙ୍କୁ ଏବେ ବ୍ରହ୍ମପୁର ଚାଇଲ୍ଡ କେୟାରରେ ରଖାଯାଇଥିବା ଜଣାପଡିଛି ।