ଆଦିବାସୀଙ୍କ ଅଜବ ନିୟମ: ଭିନ୍ନ ଜାତିରେ ଶ୍ୱଶୁର ବିବାହ କରିଥିବାରୁ ବୋହୂର ମୃତ୍ୟୁ ପରେ ଶବ ଉଠାଇବାକୁ ଆସିଲେନି ଗାଁଲୋକେ
• ଶବ ପଡିଲା ତିନି ଦିନ
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
• ଉଠାଇବାକୁ ଆସିଲେନି କେହି
• ଆଦିବାସୀଙ୍କ ଅଜବ ନିୟମ
• ଭିନ୍ନ ଜାତିରେ ବାହା ହୋଇଥିଲେ ଶ୍ୱଶୁର
• ବୋହୂ ମୃତ୍ୟୁ ପରେ ମାଗିଲେ ଜରିମାନା
କନକ ବ୍ୟୁରୋ: ଭିନ୍ନ ଜାତିରେ ବିବାହ କରିଥିଲେ ଶ୍ୱଶୁର । ବୋହୂର ମୃତ୍ୟୁ ପରେ ଶବ ଉଠାଇବାକୁ ଆସିଲେନି ଗାଁଲୋକେ । ଫଳରେ ପାଖାପାଖି ୩ ଦିନ ପଡି ରହିଲା ଶବ । ଏପରି ଏକ ଅଭାବନୀୟ ଚିତ୍ର ଦେଖିବାକୁ ମିଳିଛି ବାରିପଦା କୁଚେଇ ପଂଚାୟତର ଆଦିବାସୀ ବହୁଳ ଯଶୋବାଡି ଗାଁରେ । ଗାଁର ସୁନାରାମ ସୋରେନ୍ ଭିନ୍ନ ଜାତିରେ ବିବାହ କରିଥିଲେ । ଆଦିବାସୀ ଲୋକେ ବୈଠକରେ ତାଙ୍କୁ ଜୋରିମନା କରିଥିଲେ । ହେଲେ ସେ ଦେଇନଥିଲେ ।
ଏହା ପରେ ତାଙ୍କର ପୁଅ କାନ୍ଦ୍ରା ସୋରେନ୍ ୧୦ ବର୍ଷ ତଳେ ନିକଟବର୍ତ୍ତି ଗାଁର ଜଣେ ଝିଅ ସହିତ ପ୍ରେମ ବିବାହ କରିଥିଲେ । ସେତେବେଳେ ସେ ଆଦିବାସୀ ପରମ୍ପରାରେ ଥିବା ପଣ ବି ଦେଇନଥିଲେ ଝିଅ ଘରକୁ । କିଡନୀ ରୋଗରେ ପଡି ବୋହୂ ପାର୍ବତୀ ସୋରେନର ମୃତ୍ୟୁ ହେବା ପରେ ଶବ ଉଠାଇବାକୁ ଆସିନଥିଲେ ଗାଁ ଲୋକେ । କାନ୍ଦ୍ରା ସୋରେନକୁ ଜୋରିମନା ଦେବାକୁ ଦାବି କରିଥିଲେ । ଫଳରେ ପ୍ରାୟ ୩ ଦିନ ଧରି ଶବ ପଡି ରହିଥିଲା ଗାଁରେ । ଶେଷରେ ପୋଲିସ ପହଁଞ୍ଚି ଗାଁ ଲୋକଙ୍କୁ ବୁଝାସୁଝା କରିବା ପରେ ଶବ ସକ୍ରାର ପାଇଁ ଗ୍ରାମବାସୀ ରାଜି ହୋଇଥିବା ଜଣାପଡିଛି ।