ବିଜୁଳି ପରି ଚମକେ ଏହି ଜନଜାତିଙ୍କ ଆଖି : ପିଲାଠୁ ବୁଢ଼ା ସମସ୍ତଙ୍କ ଆଖିର ରଙ୍ଗ ନୀଳ , ନୀଳ ଆଖି ପଛର ରହସ୍ୟ କ’ଣ ?

ଆପଣ ଯଦି ୟୋ ୟୋ ହନି ସିଂଙ୍କ ପ୍ରଶଂସକ ତା’ହେଲେ ତାଙ୍କର ଗୋଟିଏ ଫେମସ୍ ଗୀତ ନିହାତି ଶୁଣିଥିବେ । ବ୍ଲୁ ଆଇଜ୍ ହିପନୋଟାଇଜ୍ .. ଗୀତରେ ନୀଳନୟନା ଅଭିନେତ୍ରୀଙ୍କ ସୁନ୍ଦର ଚକ୍ଷୁଯୁଗଳକୁ ଦେଖି ସିଙ୍ଗର୍ ରାପ୍ ଗୀତ ଗାଇଥିଲେ । ଆଉ ତା’ପରେ ଚାଲିଲା ନୀଳଆଖିର କ୍ରେଜ୍ । ବଲିଉଡ୍ ସେଲିବ୍ରିଟି ଯାହାଙ୍କ ସନ୍ତାନଙ୍କ ଆଖିର ରଙ୍ଗ ନୀଳ ତାଙ୍କୁ ନେଇ ଚାଲିଲା କେତେ ଚର୍ଚ୍ଚା । ଅନେକ ଲେନ୍ସର ସାହାଯ୍ୟ ନେଇ ନିଜ ଆଖିକୁ କୃତ୍ରିମ ନୀଳ ରଙ୍ଗ ଦେଲେ । ମୋଟାମୋଟି ଭାବେ କହିବାକୁ ଗଲେ ଯୁବପିଢିଙ୍କୁ କିମିଆ କଲା ନୀଳନୟନର କ୍ରେଜ୍ ।  

ଦୁର୍ଲଭ ନୀଳନୟନ ସମସ୍ତଙ୍କୁ ଆକର୍ଷିତ କରେ କିନ୍ତୁ ଆମେ ଯଦି ଆପଣଙ୍କୁ କହିବୁ ଯେ ଗୋଟିଏ ଗାଁରେ ସମସ୍ତଙ୍କ ଆଖିର ରଙ୍ଗ ନୀଳ ତା’ହେଲେ ଆପଣ କ’ଣ ବିଶ୍ବାସ କରିବେ ? ଇନଷ୍ଟାଗ୍ରାମ୍ ଆକାଉଣ୍ଟ୍ @jackofftoart ରେ ନିକଟରେ ଏକ ପୋଷ୍ଟ୍ ସେୟାର୍ କରାଯାଇଥିଲା । ଯେଉଁଥିରେ ଅନେକ ଲୋକଙ୍କ ଫଟୋ ଦିଆଯାଇଥିଲା ଯେଉଁମାନଙ୍କ ଆଖିର ରଙ୍ଗ ନୀଳ ଥିଲା । ଖାଲି ତ ନୀଳ ନୁହେଁ ‘ଇଲେକ୍ଟ୍ରି ବ୍ଲୁ ଆଏ’ , ଯାହାଙ୍କ ଆଖିକୁ ଦେଖିଲେ ବିଜୁଳି ପରି ଚମକେ । ଇଣ୍ଡୋନେସିଆ ସୁଲାବେସି ପ୍ରାନ୍ତରେ ବୁଟାନ୍ ଆଇଲ୍ୟାଣ୍ଡରେ ରହୁଥିବା ବୁଟାନ୍ ଜନଜାତିର ଲୋକଙ୍କ ଆଖିର ରଙ୍ଗ ଇଲେକ୍ଟ୍ରି ବ୍ଲୁ । ତେବେ ବର୍ତ୍ତମାନ ପ୍ରଶ୍ନ ଉଠୁଛି ପୂରା ଆଇଲ୍ୟାଣ୍ଡବାସୀଙ୍କ ଆଖିର ରଙ୍ଗ ନୀଳ ହେଲା କେମିତି ଏବଂ ଏହା ପଛର କାରଣ କ’ଣ? 

ଇଣ୍ଡିଆ ଟାଇମ୍ସର ଏକ ରିପୋର୍ଟ ମୁତାବକ ଏହି ଜନଜାତିଙ୍କ ଆଖିର ରଙ୍ଗ ପ୍ରାକୃତିକ ରୂପରେ ଦୁର୍ଲଭ ଜେନେଟିକ୍ କଣ୍ଡିସନ୍ କାରଣରୁ ହୋଇଛି । ଏହି କଣ୍ଡିସନ୍ ଅନୁସାରେ ୪୨ ହଜାର ଲୋକଙ୍କ ଭିତରୁ ଜଣଙ୍କଠାରେ ଆଖିର ରଙ୍ଗ ନୀଳ ହୋଇଥାଏ । ଫଟୋଗ୍ରାଫର୍ କାର୍ଚନୋଇ ପାସାରିବୁ ଏହି ଲୋକମାନଙ୍କ ଫଟୋ ଉଠାଇଥିଲେ । ଏହି ଦୁର୍ଲଭ ଜେନେଟିକ୍ ଡିସଅର୍ଡର ନାଁ ୱାରଡେନବର୍ଗ ସିଣ୍ଡ୍ରୋମ୍ । ଏହି ଡିସଅର୍ଡର କାରଣରୁ ଶରୀରରେ ଅନେକ ପ୍ରକାର ସମସ୍ୟା ମଧ୍ୟ ଦେଖା ଯାଇଥାଏ । ଯେପରିକି କାନକୁ କମ୍ ଶୁଣାଯିବା , ପିଗମେଣ୍ଟେସନର ଅଭାବ ଏବଂ ଶରୀରରେ ଧଳା ଦାଗ ମଧ୍ୟ ଦେଖାଯିବା । ଏହି ଡିସଅର୍ଡର ଯୋଗୁଁ ଗୋଟିଏ ଆଖିର ରଙ୍ଗ ନୀଳ ଏବଂ ଅନ୍ୟଟିର ମାଟିଆ ମଧ୍ୟ ଦେଖାଯାଏ । ରିସର୍ଚ୍ଚ କୁହେ ଯେ ଭ୍ରୁଣ ବିକାଶ ସମୟରେ ମ୍ୟୁଟେସନ୍ ଯୋଗୁଁ ଆଖିର ରଙ୍ଗ ନୀଳ ଦେଖାଯାଏ । 

ବୁଟାନ୍ ଜନଜାତି ନିଜ ଆଖିର ରଙ୍ଗକୁ ନେଇ ଯେତେ ପ୍ରସିଦ୍ଧ , ଜଙ୍ଗଲୀ ଜନ୍ତୁଙ୍କୁ ନେଇ ମଧ୍ୟ ସେତେ ଚର୍ଚ୍ଚିତ । ଏଠାରେ ଅନୋଆ ନାମକ ଏକପ୍ରକାର ଦୁର୍ଲଭ ମଇଁଷି ଦେଖିବାକୁ ମିଳେ । ଏହା ଦୁନିଆର ୧୨୯ ତମ ସବୁଠୁ ବଡ଼ ଏବଂ ଇଣ୍ଡୋନେସିଆର ୧୯ ତମ ବଡ଼ ଆଇଲ୍ୟାଣ୍ଡ୍ । ଯେମିତି ପିଢ଼ି ପରେ ପିଢ଼ି ଏଠାରେ ଲୋକସଂଖ୍ୟା ବଢୁଛନ୍ତି ଜେନେଟିକ୍ ମ୍ୟୁଟେସନ୍ ଅନୁସାରେ ଏହି ଡିସଅର୍ଡର୍ ଟ୍ରାନ୍ସଫର୍ ମଧ୍ୟ ହେଉଛି । ଆଜି ବି ବୁଟାନ୍ ଆଇଲ୍ୟାଣ୍ଡରେ ଛୁଆ ଜନ୍ମ ହେବା ପରେ ସେମାନଙ୍କ ଆଖିର ରଙ୍ଗ ଇଲେକ୍ଟ୍ରି ବ୍ଲୁ ରହୁଛି ।