ଡାଏବେଟିସ୍ କଣ୍ଟ୍ରୋଲରେ ଦିଦି ଆଗୁଆ : ଖୁସିରେ ଗଦଗଦ ହେଲେ ମମତା

କନକ ବ୍ୟୁରୋ : ଭାରତରେ ମଧୁମେହ ରୋଗୀଙ୍କ ସଂଖ୍ୟା ଦିନକୁ ଦିନ ହୁ’ହୁ ହୋଇ ବଢ଼ିଚାଲିଛି । ପ୍ରତି ଘରେ ଘରେ ଯେମିତି ଡାଏବେଟିସ୍ ସମସ୍ତଙ୍କୁ କବଳିତ କରୁଛି । ଆଉ ଏହି ସମୟରେ ପଶ୍ଚିମବଙ୍ଗ ମଧୁମେହ ବିରୋଧରେ ଲଢ଼େଇ ଜାରି ରଖି ବିଶ୍ଵକୁ ପଥ ଦେଖାଉଛି । ଏନେଇ ହାଭାର୍ଡ ମେଡିକାଲ ସ୍କୁଲର ପ୍ରଫେସର ଜିନ୍ ବୁକମ୍ୟାନ୍ ଏସ୍ଏସ୍କେଏମ୍ ପରିଦର୍ଶନ କରିଥିଲେ । ସେ ଟାଇପ୍ -୧ ମଧୁମେହ ବିରୋଧ ଲଢ଼େଇରେ ବଙ୍ଗଳାର ପଦକ୍ଷେପକୁ ଉତ୍ସାହର ସହିତ ପ୍ରଶଂସା କରିଛନ୍ତି । ଯାହାକୁ ନେଇ ସୋସିଆଲ ମିଡିଆରେ ବଙ୍ଗଳାର ଏହି ସଫଳତାକୁ ମୁଖ୍ୟମନ୍ତ୍ରୀ ମମତା ବାନାର୍ଜୀ ଭୁରି ଭୁରି ପ୍ରଶଂସା କରିବା ସହ ଲେଖିଛନ୍ତି, ‘ମୁଁ ବହୁତ ଖୁସି , ବଙ୍ଗଳା ମଡେଲ ଟାଇପ୍-୧ ମଧୁମେହ ବିରୋଧରେ ଲଢ଼େଇ ପାଇଁ ଏକ ବିଶ୍ଵ ମଡେଲ ପାଲଟିଛି । ଏହା ଦେଶର ପ୍ରଥମ ରାଜ୍ୟ ସରକାରଙ୍କ ଦ୍ଵାରା ପରିଚାଳିତ କାର୍ଯ୍ୟକ୍ରମ । ଯାହାକୁ ଏବେ ସମଗ୍ର ବିଶ୍ଵ ପ୍ରଶଂସା କରୁଛି ।’

କିଛି ମାସ ପୂର୍ବେ ‘ଇଣ୍ଟରନ୍ୟାସନାଲ ସୋସାଇଟି ଫର ପେଡିଆଟ୍ରିକ୍ ଆଣ୍ଡ ଅଡେଲେସଣ୍ଟ ଡାଇବେଟିସ୍’ ଶିଶୁ ଏବଂ କିଶୋରମାନଙ୍କଠାରେ ଟାଇପ୍-୧ ଡାଇବେଟିସ୍ ଚିକିତ୍ସା ପାଇଁ ଏକ ଅତ୍ୟାଧୁନିକ ସ୍ୱାସ୍ଥ୍ୟ ବ୍ୟବସ୍ଥା ବିକଶିତ କରିବା ପାଇଁ ୨୦୨୫ ମସିହାରେ ରାଜ୍ୟ ସରକାରଙ୍କୁ ପ୍ରସ୍ତାବ ଦେଇଥିଲା । ବର୍ତ୍ତମାନ ସାରା ବିଶ୍ଵ ଡାଇବେଟିସ୍ ବିରୋଧରେ ଲଢ଼େଇରେ ସେହି ମଡେଲ ଉପରେ ନିର୍ଭର କରୁଛି । ମମତା ବାନାର୍ଜୀ ଏନେଇ ସୋସିଆଲ ମିଡିଆରେ ଲେଖିଛନ୍ତି ‘ହାଭାର୍ଡ ମେଡିକାଲ ସ୍କୁଲର ପ୍ରଫେସର ଜିନ୍ ବୁକମ୍ୟାନ୍ ଏସଏସଏମ୍ ଆସିଥିଲେ। ସମସ୍ତ ଅଣ-ସଂକ୍ରାମକ ରୋଗର ବିଶେଷଜ୍ଞ ଭାବରେ ବିଶ୍ୱର ଶ୍ରେଷ୍ଠ ଡାକ୍ତରଙ୍କ ମଧ୍ୟରୁ ଜଣେ ଟାଇପ୍-୧ ଡାଇବେଟିସ୍ ବିରୋଧରେ ଲଢ଼େଇରେ ବଙ୍ଗଳାର ପଦକ୍ଷେପକୁ ଉଚ୍ଚ ପ୍ରଶଂସା କରିଥିଲେ।’ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଏହି ସଫଳତା ପାଇଁ ପ୍ରକଳ୍ପ ସହିତ ଜଡ଼ିତ ସମସ୍ତଙ୍କୁ ଅଭିନନ୍ଦନ ମଧ୍ୟ ଜଣାଇଛନ୍ତି ।

ପୁରୁଷ ଚିହ୍ନିଲେ ପୁରୁଷ ମନ : ଦୀପାବଳିରେ କଲେ ଏମିତି କାମ ; ବାଃ ବାଃ କରୁଛି ସୋସିଆଲ୍ ମିଡିଆ

ସ୍ବାସ୍ଥ୍ୟ ବିଶେଷଜ୍ଞଙ୍କ ଅନୁସାରେ , ମଧୁମେହ ସାଧାରଣତଃ ଦୁଇ ପ୍ରକାରର ଟାଇପ୍ ୧ ଏବଂ ଟାଇପ୍ ୨ । ଟାଇପ୍ ୧ ମଧୁମେହ ମୁଖ୍ୟତଃ ଜେନେଟିକ୍ ସମସ୍ୟା ହେତୁ ହୋଇଥାଏ ଏବଂ ଏହା ନାବାଳକଙ୍କ ମଧ୍ୟରେ ଅଧିକ ଦେଖାଯାଏ । ଏହାକୁ ଏକ ଅଟାଇମ୍ମ୍ୟୁନ ରୋଗ କୁହାଯାଏ । ଯେତେବେଳେ ଅଗ୍ନାଶୟର ଇନ୍‌ସୁଲିନ୍ ଉତ୍ପାଦନ କରୁଥିବା କୋଷଗୁଡ଼ିକ କ୍ଷତିଗ୍ରସ୍ତ ହୁଏ ସେତେବେଳେ ଶରୀର ଇନ୍‌ସୁଲିନ୍ ଉତ୍ପାଦନ କରିବା ବନ୍ଦ କରିଦିଏ । ଏହି ଅବସ୍ଥାକୁ ଡାକ୍ତରୀ ଭାଷାରେ ମଧୁମେହ କୁହାଯାଏ । ତେବେ ଉଭୟ ପ୍ରକାର ମଧୁମେହର ଲକ୍ଷଣ ପ୍ରାୟ ସମାନ । ଡାକ୍ତରମାନେ କୁହନ୍ତି ଯେ ଲୋକଙ୍କ ଅନିୟମିତ ଜୀବନଶୈଳୀ ଏବଂ ଅସ୍ବାସ୍ଥ୍ୟକର ଖାଦ୍ୟପେୟ ଯୋଗୁଁ ଏହି ରୋଗର ପ୍ରକୋପ ବହୁତ ବୃଦ୍ଧି ପାଇଛି । ପିଲାମାନଙ୍କଠାରେ ମଧ୍ୟ ଏହି ରୋଗ ବୃଦ୍ଧି ପାଇଛି । ଯାହାର ମୁକାବିଲା ପାଇଁ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ବିଭାଗ ଜନସ୍ୱାସ୍ଥ୍ୟ କାର୍ଯ୍ୟକ୍ରମ ହାତକୁ ନେଇଛି । ପ୍ରତ୍ୟେକ ଜିଲ୍ଲାରେ ‘ସର୍ପସନ୍ଦ’ କ୍ଲିନିକ୍ ସ୍ଥାପନ କରାଯାଇଛି, ଯେଉଁଠାରେ ନିର୍ଦ୍ଦିଷ୍ଟ ଦିନରେ ଏହି ଚିକିତ୍ସା ଏବଂ ପରାମର୍ଶ ସେବା ଯୋଗାଇ ଦିଆଯାଏ । 

କ୍ୟାନ୍ସର ଡାକିଆଣିବ ଆଚାର ! ପ୍ରତିଦିନ ଖାଉଥିଲେ ଆଜି ହିଁ ଛାଡ଼ନ୍ତୁ , ଭୁଲ୍ ଜାରରେ ଆଚାର ରଖୁଥିଲେ ; ସାବଧାନ

ତେବେ ଟାଇପ୍ -୧ ମଧୁମେହରେ ପୀଡ଼ିତ ଶିଶୁଙ୍କ ସଂଖ୍ୟା ଭାରତରେ ସର୍ବାଧ‌ିକ । ବଙ୍ଗଳା ବ୍ୟତୀତ ଅନ୍ୟ କୌଣସି ସ୍ଥାନରେ ଏହି ରୋଗର ମୁକାବିଲା ପାଇଁ ଏତେ ସୁସଂଗଠିତ ଏବଂ ସ୍ଥାୟୀ ସରକାରୀ ଚିକିତ୍ସା ବ୍ୟବସ୍ଥା ବିକଶିତ ହୋଇନାହିଁ । ସଂକ୍ଷେପରେ କହିଲେ ପଶ୍ଚିମବଙ୍ଗ ସମଗ୍ର ଦେଶକୁ ପଥ ଦେଖାଇଛି । କିଶୋର ମଧୁମେହ ଚିକିତ୍ସା କାର୍ଯ୍ୟ ପ୍ରଥମେ ବଙ୍ଗଳାରେ ଆରମ୍ଭ ହୋଇଥିଲା। ପ୍ରାରମ୍ଭରେ ସ୍ବାସ୍ଥ୍ୟ ବିଭାଗ ଏହି କାର୍ଯ୍ୟ ଚାରୋଟି ଜିଲ୍ଲାରେ ଆରମ୍ଭ କରିଥିଲା। ପରେ ଏହାକୁ ଆହୁରି ୧୧ଟି ଜିଲ୍ଲାରେ ପ୍ରସାରିତ କରାଯାଇଥିଲା। ଜାତୀୟ ସ୍ୱାସ୍ଥ୍ୟ ମିଶନ ପ୍ରକଳ୍ପରେ କିଶୋର ଟାଇପ୍-୧ ମଧୁମେହ ପାଇଁ କୌଣସି ସୁଯୋଗ ନଥିଲା। ରାଜ୍ୟ ସରକାର ସ୍ଵତଃସ୍ଫୁର୍ତ୍ତ ଭାବରେ ଏହି କାର୍ଯ୍ୟ ଆରମ୍ଭ କରିଥିଲେ। ସମଗ୍ର ବିଶ୍ବ ଏବେ ସେହି ଅଦ୍ଭୁତପୂର୍ବ ପଦକ୍ଷେପକୁ ସ୍ଵୀକାର କରୁଛି ।