ଭାରତର ଚମତ୍କାରୀ ମନ୍ଦିର : ଡାଏବେଟିସ୍ ହୁଏ ଦୂର !

କନକ ବ୍ୟୁରୋ : ଆଧ୍ୟାତ୍ମିକତାର ଦେଶ ଭାରତରେ ପ୍ରତି ଗଳିରେ ଗୋଟିଏ ଗୋଟିଏ ମନ୍ଦିର ବିଦ୍ୟମାନ । ଯାହାର ଅଲୌକିକତା ଏବଂ କାହାଣୀ ଆଉ ଏକ ମନ୍ଦିରଠାରୁ ଭିନ୍ନ । ଯେଉଁଠାରୁ ପ୍ରତିଦିନ ହଜାର ହଜାର ସଂଖ୍ୟାରେ ଭକ୍ତ ଯାଇଥା’ନ୍ତି ଏବଂ ମନସ୍କାମନା ପୂରଣ ପାଇଁ ଈଶ୍ବରଙ୍କ ସମ୍ମୁଖରେ ପୂଜାର୍ଚ୍ଚନା କରନ୍ତି । କିଛି କିଛି ମନ୍ଦିରରେ ଦେଖିଥିବେ ସନ୍ତାନ ପାଇଁ ମହିଳାମାନେ ଅଧିଆ ପଡ଼ିଥା’ନ୍ତି ଠିକ୍ ସେମିତି ଆଉ କିଛି ମନ୍ଦିରରେ ରୋଗବ୍ୟାଧିଠାରୁ ମୁକ୍ତ ପାଇବା ପାଇଁ ମଧ୍ୟ ମାନସିକ କରିବାକୁ ପଡ଼ିଥାଏ । ଏମିତି ହିଁ ଏକ ମନ୍ଦିର ରହିଛି ତାମିଲନାଡୁର ତିରୁଭରୁର । ଯେଉଁଠାରେ ଭେନି କରୁମ୍ବେଶ୍ୱର ମନ୍ଦିର ରହିଛି ଯାହା ଭଗବାନ ଶିବଙ୍କୁ ସମର୍ପିତ । ଏହି ମନ୍ଦିରଟି ୧୩୦୦ ବର୍ଷ ପୁରୁଣା ବୋଲି କୁହାଯାଏ ଯାହା ନିଜ ଭିତରେ ଅନେକ ରହସ୍ୟ ଲୁଚାଇ ରଖିଛି ବୋଲି ସ୍ଥାନୀୟ ଲୋକେ କୁହନ୍ତି । ଏଠାରେ ଦେବତାଙ୍କୁ କରୁମ୍ବେଶ୍ୱର ଭାବରେ ପୂଜା କରାଯାଏ ଅର୍ଥାତ୍ ଆଖୁର ଦେବତା । ଭକ୍ତମାନେ କୁହନ୍ତି ଯେ ଏହି ମନ୍ଦିରକୁ ଆସି ଦର୍ଶନ କରିବା ଦ୍ୱାରା ମଧୁମେହ ରୋଗ ଯାହାକୁ ଡାଏବେଟିସ୍ ବା ସୁଗର୍ ବୋଲି କୁହାଯାଏ ତାହା ଭଲ ହୁଏ । ଆଧୁନିକ ସମୟରେ ସାଧାରଣ ରୋଗ ପାଲଟିଥିବା ଡାଏବେଟିସରେ ପୀଡ଼ିତ ଲୋକମାନେ କୁହନ୍ତି ଯେ ଏକ ସରଳ ଏବଂ ଅନନ୍ୟ ରୀତିନୀତି ତାଙ୍କ ରକ୍ତ ଶର୍କରା ସ୍ତରକୁ ହ୍ରାସ କରିଛି । ତେବେ ମନରେ ପ୍ରଶ୍ନ ଉଠେ ଏହି ମନ୍ଦିରରେ ଏମିତି କ’ଣ ରହସ୍ୟ ଅଛି ଯାହା ଏଠାକୁ ଆସୁଥିବା ମଧୁମେହ ରୋଗୀଙ୍କ ଦେହକୁ ଭଲ କରିଦେଉଛି , ଆସନ୍ତୁ ଜାଣିବା । 

ଶ୍ରୀହରିଙ୍କ କଥା କହେ ନୀଳଚକ୍ର; ପୁରାଣରେ ରହିଛି ଏକ ସୁନ୍ଦର କାହାଣୀ

ତିରୁପତି ଲଡୁରେ ଗୋରୁ ଚର୍ବି ମାମଲା : ପ୍ରସାଦ ପଛରେ ୫୦ ଲକ୍ଷର ଗେମ୍ ପ୍ଲାନ୍

କରୁମ୍ବେଶ୍ୱର ମନ୍ଦିର ୧୩୦୦ ବର୍ଷ ପୁରୁଣା । ଏଠାରେ ଭଗବାନ ଶିବଙ୍କୁ କରୁମ୍ବେଶ୍ୱର ଭାବରେ ପୂଜା କରାଯାଏ, ଯାହାର ଅର୍ଥ "ଆଖୁର ଦେବତା" । ଶୈବଙ୍କୁ ସମର୍ପିତ ୨୭୫ ଶିବ ମନ୍ଦିର ଭିତରୁ ଏହା ଅନ୍ୟତମ । ମନ୍ଦିରରେ ପ୍ରବେଶ କରୁ କରୁ ଏକ ସକରାତ୍ମକ ଶକ୍ତି ଭକ୍ତମାନେ ଅନୁଭବ କରିଥା’ନ୍ତି । ଶୈବଙ୍କ ମଧ୍ୟରେ ୬୩ ଜଣ ତାମିଲ ହିନ୍ଦୁ ସନ୍ଥ ଥିଲେ ଯେଉଁମାନେ ଷଷ୍ଠରୁ ଅଷ୍ଟମ ଶତାବ୍ଦୀ ମଧ୍ୟରେ ବାସ କରୁଥିଲେ ଏବଂ ମହାଦେବଙ୍କ ପ୍ରତି ସମର୍ପିତ ଥିଲେ । ମନ୍ଦିରର ଶିବଲିଙ୍ଗ ମଧ୍ୟ ଭିନ୍ନ କାରଣ ଏହା ଏକାଠି ବନ୍ଧା ହୋଇଥିବା ଆଖୁ ଡାଳର ସଦୃଶ ପରି ଦେଖାଯା’ନ୍ତି । ଏହି ମନ୍ଦିରର ସବୁଠାରୁ ପ୍ରସିଦ୍ଧ ରୀତିନୀତି ମଧ୍ୟରୁ ଗୋଟିଏ ହେଉଛି ପିମ୍ପୁଡ଼ିମାନଙ୍କୁ ପ୍ରସାଦ ବଣ୍ଟନ । ଭକ୍ତମାନେ ପିମ୍ପୁଡ଼ିମାନଙ୍କୁ ଚିନି ଏବଂ ସୁଜି ଅର୍ପଣ କରନ୍ତି । ବିଶ୍ୱାସ କରାଯାଏ ଯେ ପିମ୍ପୁଡ଼ିମାନେ ଏହି ମିଠା ପ୍ରସାଦ ଖାଇବା ମାତ୍ରେ ଭକ୍ତଙ୍କ ଉଚ୍ଚ ଶର୍କରା ସ୍ତର ହ୍ରାସ ପାଇବା ଆରମ୍ଭ କରେ । ଏହା ଭକ୍ତମାନଙ୍କ ପାଇଁ ଏକ ଶକ୍ତିଶାଳୀ ସଙ୍କେତ ଯେ ସେମାନଙ୍କର ପ୍ରସାଦ ପିମ୍ପୁଡ଼ିମାନେ ଖାଉଛନ୍ତି । ଭକ୍ତମାନେ ଦାବି କରନ୍ତି ଯେ ମନ୍ଦିରକୁ ଆସି ବାରମ୍ବାର ପ୍ରଭୁଙ୍କୁ ଦର୍ଶନ କରିବା ପରେ ସେମାନଙ୍କ ଡାଏବେଟିସ୍ ହ୍ରାସ ପାଇଛି । 

କରୁମ୍ବେଶ୍ୱର ମନ୍ଦିରକୁ ରେଳପଥରେ ଯିବା ଏକ ସହଜଯାତ୍ରା । ଏଥିପାଇଁ କୁମ୍ଭକୋଣମକୁ ଯାତ୍ରା କରିବାକୁ ପଡ଼ବି । ମନ୍ଦିରଟି କୁମ୍ଭକୋଣମରୁ ମାତ୍ର ୨୮ କିଲୋମିଟର ଦୂରରେ ଅବସ୍ଥିତ । କୁମ୍ଭକୋଣମରେ ପହଞ୍ଚିବା ମାତ୍ରେ ଆପଣ ଟ୍ୟାକ୍ସି କିମ୍ବା ବସ୍ ଦ୍ବାରା ଆମ୍ମାପେଟ୍ଟାଇ ଯିବେ ଏବଂ ସେଠାରୁ ୪ କି.ମି ଦୂରରେ ଅଛି ଏହି ମନ୍ଦିର  । ବିମାନ ଦ୍ୱାରା ଆସୁଥିବା ଲୋକଙ୍କ ପାଇଁ ନିକଟତମ ବିମାନବନ୍ଦର ହେଉଛି ତିରୁଚିରାପାଲି ଆନ୍ତର୍ଜାତୀୟ ବିମାନବନ୍ଦର । ଯାହା ମନ୍ଦିର ପାଖରୁ ପ୍ରାୟ ୧୦୦ କିଲୋମିଟର ଦୂର । ପହଞ୍ଚିବା ପରେ ଆପଣ ଏକ ଟ୍ୟାକ୍ସି କିମ୍ବା ବସ୍ ବୁକ୍ କରିପାରିବେ ।