ମୋ ଉପରେ ଭରସା ରଖିବୁ ଭାଇ , ବିଭୀଷଣ ଚାରିଆଡ଼େ ଅଛନ୍ତି …

ବିହାର ନିର୍ବାଚନ ପୂର୍ବରୁ ତେଜ ପ୍ରତାପ ଯାଦବ ଆରଜେଡିରେ ଥିବା କଥିତ ବିଭୀଷଣଙ୍କ ପଛରେ ପଡିଛନ୍ତି । ଅନୁଷ୍କା ଯାଦବଙ୍କ ସହ ପ୍ରେମ ସଂପର୍କ ଏବଂ ପାର୍ଟି-ପରିବାରରୁ ବାହାର କରାଯିବା ଉପରେ ତେଜ ପ୍ରତାପ ନିରବତା ଭାଙ୍ଗିଛନ୍ତି । ରବିବାର ସେ ଏକ୍ସରେ ପୋଷ୍ଟ କରି ନିଜ ମନ କଥା କହିଛନ୍ତି । ଯେଉଁଠି ସେ ବାପା ଲାଲୁ ଯାଦବ ଏବଂ ମାତା ରାବ୍ରି ଦେବୀଙ୍କ ପାଇଁ ଭଲପାଇବା ଦେଖାଇବା ସହ ପିତାଙ୍କୁ ସତର୍କ ମଧ୍ୟ କରାଇଥିଲେ । ବର୍ତ୍ତମାନ ତେଜ ପ୍ରତାପ ଭାଇ ତେଜସ୍ୱୀ ଯାଦବଙ୍କ ପ୍ରତି ଭଲପାଇବା ଦେଖାଇବା ସହ ବିଭୀଷଣଙ୍କୁ ମଧ୍ୟ ସ୍ପଷ୍ଟ ଭାବରେ ଚେତାବନୀ ଦେଇଛନ୍ତି ।

ଭାଇ ତେଜସ୍ୱୀଙ୍କୁ ସମ୍ବୋଧିତ କରି ସେ ଏକ୍ସରେ ଏକ ପୋଷ୍ଟ୍ କରିଛନ୍ତି । ଯେଉଁଥିରେ ସେ ତେଜସ୍ୱୀଙ୍କୁ ଅର୍ଜୁନ ବୋଲି କହିଥିବା ବେଳେ ନିଜକୁ କୃଷ୍ଣ ବୋଲି କହିଛନ୍ତି । ସେ ଏହି ପୋଷ୍ଟରେ ବିଭୀଷଣଙ୍କ ବିଷୟରେ ମଧ୍ୟ ଉଲ୍ଲେଖ କରିଛନ୍ତି । ସେ ଲେଖିଛନ୍ତି, "ମୋ ଅର୍ଜୁନଠାରୁ ମୋତେ ଅଲଗା କରିବାର ସ୍ୱପ୍ନ ଦେଖୁଥିବା ଲୋକମାନେ, ତୁମେମାନେ କେବେବି ନିଜର ଷଡ୍‌ଯନ୍ତ୍ରରେ ସଫଳ ହୋଇପାରିବ ନାହିଁ । କୃଷ୍ଣଙ୍କ ସେନା ତୁମେ ନେଇପାରିବ କିନ୍ତୁ ସ୍ୱୟଂ କୃଷ୍ଣଙ୍କୁ ନୁହେଁ । ପ୍ରତ୍ୟେକ ଷଡ୍‌ଯନ୍ତ୍ରକୁ ଶୀଘ୍ର ଉନ୍ମୋଚନ କରିବି । ମୋ ଭାଇ ମୋ ଉପରେ ଭରସା ରଖ । ମୁଁ ପ୍ରତ୍ୟେକ ପରିସ୍ଥିତିରେ ତୋ ସହ ଅଛି । ଏବେ ଦୂରରେ ଅଛି କିନ୍ତୁ ମୋ ଆଶୀର୍ବାଦ ସର୍ବଦା ତୋ ଉପରେ ଥିଲା ଏବଂ ରହିବ । ମୋ ଭାଇ ମାଆ-ବାପାଙ୍କ ଯତ୍ନ ନେବୁ । ବିଭୀଷଣ ଚାରିଆଡ଼େ ଅଛନ୍ତି , ଭିତରେ ବି ଏବଂ ବାହାରେ ବି ।"

मेरे अर्जुन से मुझे अलग करने का सपना देखने वालों ,तुम कभी अपनी साजिशों में सफल नही हो सकोगे,कृष्ण की सेना तो तुम ले सकते हो लेकिन खुद कृष्ण को नही।हर साजिश को जल्द बेनकाब करूंगा।बस मेरे भाई भरोषा रखना मैं हर परिस्थिति में तुम्हारे साथ हूँ,फिलहाल दूर हूँ लेकिन मेरा आशीर्वाद हमेशा… pic.twitter.com/Ysf2wq1rVB

— Tej Pratap Yadav (@TejYadav14) June 1, 2025

ତେବେ କିଛି ଦିନ ତଳେ ତେଜ ପ୍ରତାପଙ୍କୁ ଅନୁଷ୍କା ଯାଦବଙ୍କ ସହ ପ୍ରେମ ସଂପର୍କ ଥିବା ନେଇ ପରିବାର ଏବଂ ପାର୍ଟିରୁ ବିଦା କରାଯାଇଥିଲା , ଯାହା ଖୋଦ୍ ତାଙ୍କ ପିତା ଲାଲୁଙ୍କ ନିଷ୍ପତ୍ତି ଥିଲା । ଏହା ପରେ ତେଜ ପ୍ରତାପ ତାଙ୍କ ସୋସିଆଲ୍ ମିଡିଆ ପ୍ଲାଟଫର୍ମ ହ୍ୟାକ୍ ହୋଇଥିବା କଥା କହିଥିଲେ । ସମସ୍ତେ ତାଙ୍କ ପ୍ରତିକ୍ରିୟାକୁ ଚାତକ ପରି ଚାହିଁଥିବା ବେଳେ ବର୍ତ୍ତମାନ ସବୁ ସସପେନ୍ସରୁ ପରଦା ହଟାଇଛନ୍ତି ତେଜ ପ୍ରତାପ । ଏହି ପୋଷ୍ଟ୍ ଜରିଆରେ ପରିବାର ପ୍ରତି ଥିବା ପ୍ରେମକୁ ସେ ଜାହିର କରିଛନ୍ତି ।