ଢେଙ୍କାନାଳରେ ଥମୁନି ପଥର ଚୋରାଚାଲାଣ, ବେଆଇନ ଖଣି ଖୋଳି ମାଲେମାଲ ମାଫିଆ

କନକ ବ୍ୟୁରୋ: ଢେଙ୍କାନାଳରେ ଥମୁନି ପଥର ଚୋରାଚାଲାଣ । ବିଭିନ୍ନ ସମୟରେ ବେଆଇନ ଖଣିରେ ଘଟୁଛି ଅଘଟଣ । ତଥାପି ଚେତୁନାହାନ୍ତି ଖଣି ଅଧିକାରୀ କି ଚେତୁନି ପ୍ରଶାସନ ଢେଙ୍କାନାଳ ଜିଲ୍ଲା ସଦର ବ୍ଲକ ତାଳବରକୋଟ ପଞ୍ଚାୟତ ଅନ୍ତର୍ଗତ ବେତାବାରିଆ ଗାଁରେ ବେଧଡ଼କ ଚାଲିଛି ଚୋରା ପଥର ଖଣି ।

ସୋନପୁର ବେଆଇନ୍ ଖଣି ଉପରେ ଚଢ଼ାଉ : ପ୍ରାୟ ୧୫ ଶହ ଟନ ଧଳା ପଥର ଜବତ

ଉଭୟ ତାଳବରକୋଟ ଓ ମାଣିପୁର ପଞ୍ଚାୟତ ସୀମାରେ ରହିଥିବା କିଛି ସରକାରୀ ଜମି ଓ କିଛି ଜଙ୍ଗଲ ଜମିରେ ଖୋଳା ଯାଉଛି ଏହି ବେଆଇନ ପଥର ଖଣି । ପଥର ବିକି ମାଲେମାଲ ହେଉଛନ୍ତି ଖଣି ମାଫିଆ କିନ୍ତୁ ଫୋକଡ଼ ରାମ ସାଜୁଛନ୍ତି ସରକାର । ସବୁ ଜାଣି ବି କିଛି ନଜାଣିଲା ଭଳି ବସି ରହିଛନ୍ତି ଖଣି ଅଧିକାରୀ । ଦିନ ଦ୍ବିପ୍ରହରେ ଖଣି ଖୋଳା ଚାଲିଥିଲେ ବି ବନ ବିଭାଗ କିମ୍ବା ଖଣି ବିଭାଗ କାହିଁକି ନେଉନାହାନ୍ତି କାର୍ଯ୍ୟାନୁଷ୍ଠାନ? ତାକୁ ନେଇ ଉଠିଲାଣି ପ୍ରଶ୍ନ । 

ସୁନ୍ଦରଗଡ଼ ଖଣିଚୋରିକୁ ମାନିଲେ ସରକାର; ଚୋରି କରି ନେଇଗଲେ ଶହ ଶହ କୋଟି

ଜିଲ୍ଲାର ହିନ୍ଦୋଳ, ଗନ୍ଦିଆ, ଓଡ଼ପଡ଼ା ବ୍ଲକରେ ମାଙ୍କଡ଼ା ପଥର ଓ ମୁଗୁନି ପଥର ଖଣିରୁ ଦୈନିକ ଲକ୍ଷାଧିକ ଟଙ୍କାର ପଥର ଲୁଟ ହେଉଛି । ସେପଟେ ବିଭାଗୀୟ ଅଧିକାରୀ କହୁଛନ୍ତି, ବେଆଇନ ଖଣି ସମ୍ପର୍କରେ ବିଭାଗ ପାଖରେ କୌଣସି ସୂଚନା ନାହିଁ । ଯଦି ଏଭଳି ଚାଲୁଥାଏ ନିହାତି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।